2 Samuel 14:27 - Uwumbɔr aagbaŋ

²⁷ Absalom nan kpa mbijabim bitaa, ni upiibo ubaa, le bi yin u ke Tamar. U nan ye upii u ŋan sakpen na la.

2 Samuel 14:27 ပူးပေါင်းရင်းမြစ်များ

2 Samuel 11:2

Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

2 Samuel 13:1

David aajapɔɔn Absalom nan kpa ninkpan ubaa, le bi yin u ke Tamar. U nan ye usapɔɔn u ŋan pam na la, le kaa kee kpa chal. Amnonn mu nan ye David aajapɔɔn uken la, le u ni Absalom aa nan tee kpaan na, le u nan gee Tamar kibɔtiik.

2 Samuel 18:18

Absalom aah nan laa bi limɔfal ni na, u nan maa tiwan nibaa siin ubaa pu, kifataŋ ki bi yin ki ke Ubɔr aafataŋ na ni; ba pu? waa nan kpa ubijabo u ga cha waayimbil taa kpo na. Kina pu na, u nan di ubaa aayimbil le yin tiwan ngbaan, ki nyan n‑yoonn ngbaan ki nan saa din wee, bi beenin yin ni ke Absalom Aateerm Aawan la.

Aisaya 14:22

Uwumbɔr Mpɔɔnsakpiindaan len ke, “M ga tak Babiloŋ ki kuln ki, kaan di cha nibaa. Maan di cha mbim, ubaa aan ŋmar kpala. Min Uwumbɔr le len kina.

Jeremia 22:30

M siin ke uja wee lann waabim ki li ye uja u kaan kan tinyoor na. Waan li kpa yaabitiib bi ga nan li joo Juda aatiŋ ke Ubɔr David aah nan ye pu na. Min Uwumbɔr le len kina.”