2 Samuel 14:26 - Uwumbɔr aagbaŋ

²⁶ Uyikpir nan wiir sakpen, le u chee ti nfum mubaabaa libiln libiln, buyoonn ti ti fɔk sakpen ki nyuŋ na. Taanyunyuun ga nan jer ndibim kuruwaa bilee aanyunyuun.

2 Samuel 14:26 ပူးပေါင်းရင်းမြစ်များ

Mpiin 23:16

Abraham nan kii tii u, le ki kahn ŋimombil ngbaan pan u, waah nan tuk u waanib aatafal ni pu na. Ŋimombil ngbaan nan ye baah joo pu tiir kitiir na la.

2 Samuel 18:9

Libuul ngbaan ni, le Absalom kan David aajab bibaa. Absalom nan dik kiwakork ki naahn ubon na pu la, le ki ban u jer likpaln aasub bubaa taab, le uyikpir lɔk isubon, le kiwakork ngbaan san jer, le Absalom gaar lun busub ngbaan pu.

Aisaya 3:24

Baah ba ga li ŋmir tulalee pu na, bi ga li nu la; baan ki buu ŋigbapapan, bi ga li buu tichɔsɔnn aaŋmin la; baan ki li kpa tiyikpir ti ŋan na, bi ga li gur ye ŋiyikun ŋmeen la; baan ki gbab ŋikekenyaan, tikekekpir le bi ga li gbae; le baanyaan ga kpaln inimɔɔn.

Esekiel 44:20

“Bitotoorb taa kuu biyikpir, ki mu taa cha ti li fɔk sakpen. Bi li chee ti pu aan ti ŋeer.

Liifai Yaab 19:36

Ni li joo mbamɔn aawan ŋaŋni tiwan mɔmɔk. Min le ye Nidindaan Uwumbɔr, le ki nyan ni nimi Ijipt aatiŋ ni.

1 Korenti 11:14

Tiwan mɔmɔk aah bi pu na le mɔk nimi ke uja yaa kpa tiyikpir fɔfɔk kan, ni kpa inimɔɔn la.