2 Samuel 14:21 - Uwumbɔr aagbaŋ

²¹ Nee aapuwɔb le ubɔr nan bui Joab ke, “M kii ke m ŋa saah ban pu na. Buen ti yoor ni Absalom, ki di u giin ni do.”

2 Samuel 14:21 ပူးပေါင်းရင်းမြစ်များ

2 Samuel 14:11

Le u ki bui ke, “Mpɔɔndaan, m gaŋ si ke aa mee Aadindaan Uwumbɔr, aan maanib bi ye ke bi teen njapɔɔn aapɔln na taa ku njapɔɔn u gur na, ki moo koo taani ni.” Le David bui u ke, “M puu Uwumbɔr u bi n‑yoonn mɔmɔk na ke nibaa aan ŋa aajapɔɔn.”

2 Samuel 14:22

Le Joab tar gbaan David aanimbiin ni, kipak ponn ni, le ki bui ke, “Mpɔɔndaan, Uwumbɔr ŋa tinyoor ŋa aa pu. Dandana wee m bee ke aasui piin m pu; ba pu? aa kii ki ŋa maah mee pu na.”

Tibɔnyaan ti Mak ŋmee ti na 6:26

Waah len kina na, le ni bii Ubɔr Herod aasui sakpen. Waah puu tipuur ti bicham aanimbil ni na, nima le waa ban ke ti bee.

1 Samuel 14:39

M puu Uwumbɔr u bi n‑yoonn mɔmɔk ki tii timi Israel yaab linyaŋ na, ke unii u lir na ga kpo, hali ni yaa ye maabo Jonatann le yaa lir kan, u ga kpo.” Le ubaa aa gar tibaa.