2 Samuel 14:2 - Uwumbɔr aagbaŋ

² le u tun ti yin ni Tekoa aapiilandaan ubaa. Upii ngbaan aah nan fuu ni na, le u bui u ke, “Ŋmann ke aa bi wii likpuul la, ki di ŋikpuu aakeken gbab, ki taa chaa aayikpir. Ŋa aabaa ke upii u bi wii likpuul, ni ti yunn sakpen na,

2 Samuel 14:2 ပူးပေါင်းရင်းမြစ်များ

Mpiin 38:19

Tamar nan gir kun ute do, le ki chuu peer likekenyaan na, ni waah ba di li biin unimbil wɔb na, le ki ki di tikpopiiwan peen.

2 Samuel 11:26

Batseba aah ŋun uchal aakun pu na, le u wii waakpuul.

2 Samuel 12:20

Le David fii kitiŋ, ki fu nnyun, ki chaa uyil, le ki kpeln waawanpeenkaan, le ki buen Uwumbɔr Aadichal ni, u ti doon uma Uwumbɔr. Waah gir ni libɔrdichal ni na, le u cha bi tii u tijikaar, le u jin ti libuul ngbaan ni.

2 Samuel 20:16

Upiilandaan ubaa nan bi kitiŋ ngbaan ni, le ki baan ligoln ki teen ni ke, “Li pel, li pel. Bui man Joab ke u dan do; m ban m len u chee tibɔr la.”

1 Bibɔrb 14:2

Le Jeroboam bui upuu ke, “Jer aabaa aan ubaa taa ŋmaa bee si, ki li cha Silo aatiŋ ni, nin chee Uwumbɔr aabɔnabr Ahija koo na, uma le nan bui mi ke m ga ji nnaan Israel aatiŋ pu na.

1 Bibɔrb 14:5

Uwumbɔr nan bui u ke Jeroboam aapuu choo u nan baa ujapɔɔn u bun na aabɔr, u chee. Uwumbɔr nan bui Ahija waah ga nan tuk u pu na. Jeroboam aapuu aah fuu ni na, u nan ŋmann ke u ye uniyayan ubaa la.

2 Bibɔrb Aabɔr 11:6

muma le ye Betlehem, ni Etam, ni Tekoa,

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

Nehemia 3:27

Tekoa aajab le nan ki maa ligeln li paa na, lima le nan kpee baah maa pu na nlee, ki nyan bikikiib bi kii Uwumbɔr Aadichal na aadifɔfɔk chee ki ti saa ligoln ngbaan nin chee bi gbɔk Ofel na.

Nehemia 3:5

Tekoa yaab le nan paan ki maa ligeln li paa na, le baatiŋ ni aaninkpiib ma nan yii, kaa tun lituln li bininkpiib bi chuun lik lituln ngbaan na nan di tii bi ke bi tun na.

Ilahn 104:15

ki cha u kani ndaan mu piir usui na, ki tii u olif aasui aakpan mu cha unimbil wɔb ŋan na, ni tijikaar ti ga tii u mpɔɔn na.

Ulandaan 9:8

Cha aasui li piin n‑yoonn mɔmɔk, ki di nkpan meen aayil pu.

Jeremia 6:1

Benjaminn aanib, li san ban ŋŋmarm man. San nya Jerusalem ni man. Pii ukpiin Tekoa aatiŋ ni, ki tuur limɔkl aamii Bef Hakerem aatiŋ ni man. Tibɔbir ni libiil ban ni nya ni ŋŋangan wɔb ki dan la.

Amos 1:1

Tibɔr ti Amos u ye upihkpaal ki nyan ni Tekoa aatiŋ ni na nan len na sɔ. Ŋibin ŋilee waahr aan kitiŋ nin deŋ na, n‑yoonn ngbaan le Usia nan ye Juda aabɔrkpaan aan Jehoas aajapɔɔn Jeroboam mu nan ye Israel aabɔrkpaan na, le Uwumbɔr nan kpiir Israel aatiŋ aabɔr timina mɔmɔk tuk Amos.

Matiu 6:17

Sin ma kan, aa yaa lul bumɔb kan, finn aanimbil wɔb, ki di nkpan ŋmir aayil,

Ruf Aagbaŋ 3:3

Kina pu na, fu nnyun, ki ŋa tulalee, aan ki ban saakeken ŋi ŋan na di gbab. Aa yaa ŋa kina kan, buen nin chee u bi poi idi na, aa mu taa tee cha u bee ke aa bi nima waahr aan u nin ji ki nyu doo.