2 Samuel 14:12 - Uwumbɔr aagbaŋ

¹² Le upii ngbaan ki bui u ke, “Mpɔɔndaan, m gaŋ si ke aa cha m len libɔbil libaa kpee.” Le ubɔr kii u ke, “Ni ŋan.”

2 Samuel 14:12 ပူးပေါင်းရင်းမြစ်များ

Mpiin 18:27

Abraham nan ki mee Uwumbɔr ki bui u ke: “M gaŋ si, cha pinn mi, maah beenin kpa lipobil ki bi len tibɔr aa chee na. Ndindaan, m ye unibɔn la, le kaa kpa nsan m kpak si tibɔr.

Mpiin 18:32

Abraham nan ki bui ke, “Ndindaan, m gaŋ si, taa gee liŋuul m pu, ki cha m len kookoo aabɔr tee aa chee. Nibaakan bi yaa pii binib kipiik baanja kan.” Uwumbɔr nan ki bui u ke, “Bi yaa pii kipiik kan, maan bii kitiŋ ngbaan.”

Mpiin 44:18

Le Juda foor duun Josef chee le ki bui u ke, “Uninkpel, ŋaanii, ki cha m len aa chee tibɔr mbaa pu. Taa gee m pu liŋuul, aa ŋma ubɔrkpaan Faro la.

2 Samuel 14:11

Le u ki bui ke, “Mpɔɔndaan, m gaŋ si ke aa mee Aadindaan Uwumbɔr, aan maanib bi ye ke bi teen njapɔɔn aapɔln na taa ku njapɔɔn u gur na, ki moo koo taani ni.” Le David bui u ke, “M puu Uwumbɔr u bi n‑yoonn mɔmɔk na ke nibaa aan ŋa aajapɔɔn.”

2 Samuel 14:13

Le u ki bui ke, “Aa ŋa kinye ki tun Uwumbɔr aanib taani wee? Saa cha sin aabaa aajapɔɔn gir ni, le saah len pu dandana wee na mɔk ke saabɔr bii.

2 Samuel 20:17

Joab nan buen, le u ti baa u ke, “Sin Joab ye ee?” Le u kii ke, “Een, min ye.” Le upii ngbaan bui ke, “Maaninkpel, li pel.” Le u kii ke, “M pel.”

1 Bibɔrb 2:14

Le u gar u ke, “Mu ye,” le ki ki len ke, “M ban m mee si tiwan nibaa la.” Le u baa u ke, “Ni ye ba?”

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Lituln 26:1

Tɔ, Ubɔr Agripa nan bui Pɔɔl, “Aa ga ŋmaa tuk timi saabɔr aah ye pu na.” Le Pɔɔl yoor uŋaal ki doon u, ki bui ke,

1 Samuel 25:24

David aanimbiin ni, ki bui u ke, “Maaninkpel, m gaŋ si, pel m chee. Cha tibɔbir ngbaan li ye min yaan.