2 Samuel 13:4 - Uwumbɔr aagbaŋ

⁴ Le Jonadab nan bui Amnonn ke, “Aate le ye ubɔr, le iwiin mɔmɔk kan, aa bi ke naah kaa mɔ si le na. Ba muk si?” Le Amnonn bui u ke, “Nsui koo nte aabo Absalom aaninkpan Tamar ni sakpen.”

2 Samuel 13:4 ပူးပေါင်းရင်းမြစ်များ

2 Samuel 13:3

Amnonn mu nan tee kpa jɔlankpar ubaa, le bi yin u ke Jonadab u aate nan ye David aakpel Sama na.

2 Samuel 13:5

Le Jonadab bui u ke, “Ŋmann ke saa pɔɔ la, ki ti doon. Aate yaa dan u nan lik si kan, bui u ke, ‘M gaŋ si ke aa cha nninkpan Tamar dan nan li tii mi tijikaar. M ban ke u nan ŋa tijikaar ngbaan do, nin chee m ga li waa u na, aan ki nan di ti tii mi ubaa.’”

1 Bibɔrb 21:5

Upuu Jesebel nan buen u chee le ki ti baa u ke, “Ba ŋa aasui bii kina? Ba ŋa saan ji tijikaar?”

1 Bibɔrb 21:7

Le Jesebel gar u ke, “Tɔ, sin le ye ubɔr aan ŋma? Fiin, cha aasui li piin aan ki ji tijikaar. M ga gaa Nabof aasubil aasui aasaak ngbaan tii si.”

Aisaya 3:9

Baa kaa gbaa ibamɔn pu na ga ki gir koon bima le tibɔr ni. Bi tun titunwanbir kaa joo bɔrni ke Sodom aanib aah nan tun pu na la. Bima le joo ni bibaa aadoon, bi kuln a.

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Liifai Yaab 18:9

Taa koo ki ti doon aaninkpan u ye aate aabisal, bee aana aabisal na chee, bi yaa ma u nibaa chee, bee aa ni u yaa kpaan lichiln kan, naa ŋan ke aa doon u chee.

Liifai Yaab 20:17

Uja yaa yoor ute aabisal, bee una aabisal, ki di ŋa upuu kan, ni nyan bi mpaan pu ki jinn bi inimɔɔn, aan ki nyan bi nibaa chee. U doon uninkpan chee la, ni cha u ji kina aafalaa.

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.