2 Samuel 13:24 - Uwumbɔr aagbaŋ

²⁴ U nan buen Ubɔr David chee le ki ti bui ke, “Mpɔɔndaan, m ban m chee maapiih aakor la. Aa ni saaninkpiib ga ŋmaa dan nan ji njim ngbaan aa?”

2 Samuel 13:24 ပူးပေါင်းရင်းမြစ်များ

Mpiin 38:12

Ni nan bi cha, le Juda aapuu mu kpo. N‑yoonn mu u toor upuu aakpuul doo na, le u ni ujɔ Hira, u ye Adulam aatiŋ aanii na, nan buen Timna aatiŋ ni, bi ti chee waapiih aakor pu.

2 Samuel 13:23

Ŋibin ŋilee aah jer na, le Absalom nan bi chee waapiih aakor nin chee bi yin ni ke Baal Hasor, aan ni bi Efraim aatiŋ chee na, le ki yin ubɔr aajapɔtiib mɔmɔk ke bi dan nima.

2 Samuel 13:25

Le ubɔr bui ke, “Maabo, taan ŋmaa dan. Ti yaa dan kan, ni ga nan li ye si limukl la.” Absalom aa nan kii, le ubɔr mu aa kii tii u, le ki len tinyoor aaliin ki ŋa u pu.

Ilahn 12:2

Bi mɔmɔk geei tɔb inyamɔn la; bi joo kimɔmɔɔn le ŋmanni tɔb.

Ilahn 55:21

Waamɔbon nan mɔ ke tisiir na, le uponn ni ma tee to; waamɔbon nan sɔŋni unii aasui ke nkpapem na, le ki tee geei ke kijaak aajuk ki ka na.

1 Samuel 25:7

U ŋun ke aa bi chee saapiih aakur, le u ban ke aa li nyi ke saapihkpaab nan bi ti chee, le taa nan ŋa bi taani ubaa. Ubaa aa nan sun baawan nibaa n‑yoonn mumɔk bi nan bi Kamel na.