2 Samuel 13:22 - Uwumbɔr aagbaŋ

²² Le Absalom nan nann Amnonn, waah chuu uninkpan Tamar ki doon u chee mpɔɔn pu pu na, kaan ki kpaan len u chee tibɔr.

2 Samuel 13:22 ပူးပေါင်းရင်းမြစ်များ

Mpiin 24:50

Le Labann ni Betuel bui ke, “Tibɔr ngbaan nyan ni Uwumbɔr chee la. Taan ŋmaa len tibaa.

Mpiin 31:24

Kinyeek ngbaan le Uwumbɔr nan dan Labann chee tidaŋ ni, le ki bui u ke, “Aa li nyi ki taa ŋa Jakob nibaa.”

Mpiin 31:29

M ba kpa mpɔɔn ke m ŋa si bakaa, le kinyeek na, aate Aawumbɔr fe sur mi ke m li nyi m ŋa si bakaa ubaa.

2 Samuel 13:21

Ubɔr David aah nan ŋun tibɔr ngbaan na, le usui nan fii sakpen.

Ŋiyataŋak 10:18

Unii u joo waananaŋ bɔrni na ye unyamɔndaan la. Unii u mu ye ubɔmbɔtukr na mu ye ujɔr la.

Ŋiyataŋak 25:9

Aa ni aaŋeen aatɔ yaa kpak kinikpakpak kan, toor man tii nibaa ki taa kpiir tɔb pu.

Ŋiyataŋak 26:24

Unii u ŋmanni binib na joo waananaŋ bɔrni waamɔmɔɔn aabɔgbaal ponn ni la.

Ŋiyataŋak 26:26

U ga ŋmaa bɔr waananaŋ, le binib mɔmɔk mu waa waah tun titunwanbir ti na.

Ulandaan 7:9

Taa gee liŋuul mala mala; aa yaa gee unii pu liŋuul ki yunn kan, ni ye kijɔrk la.

Matiu 18:15

“Aana aabo yaa ŋa si bakaa kan, pɔɔn aabaa ki buen ti kan u n‑gbaan suuna ki tuk u waataani. U yaa ŋun tii si kan, aa giin u ki siin waabuul ni la.

Efesusi 4:26

Ni yaa gee liŋuul kan, ni taa cha nimi aaŋuul ngbaan tun titunwanbir. Ni taa li beenin joo liŋuul ngbaan nwiin ti lir,

Efesusi 4:31

Ni taa cha niponn ni li to tɔb pu; ni li nyani liŋuul nisui ni; ni taa li ŋmɔ tɔb pu tijar; ni taa li seei tɔb; ni taa cha kinanaŋ kibaa ki li bi ni chee.

1 Jɔnn 2:11

Unii umɔk nan una aabo na bi mbɔmbɔɔn ni la, le ki dii mbɔmbɔɔn aasan. Mbɔmbɔɔn ngbaan jɔb unimbil la, nima le waa nyi waah cha nin chee na.

1 Jɔnn 2:9

Unii yaa len ke u bi nwiihn ni ki yaa nan una aabo kan, u beenin bi mbɔmbɔɔn ni la, le ki di nan saa din.

1 Jɔnn 3:10

Unii umɔk kaa ŋani ni ŋan na aa ye Uwumbɔr aabo. Unii umɔk kaa gee una aabo na, u mu aa ye Uwumbɔr aabo. Nima le cha ni beer binib bi ye Uwumbɔr aabim na, ni binib bi ye kinimbɔŋ aabim na.

1 Jɔnn 3:12

Taa cha ti li bi ke Keenn na. U nan ye kinimbɔŋ ki kaa ŋan na aanii la, le ki ku unaal. Ba pu u ku unaal? Uma Keenn aatuln aa nan ŋan. Unaal ma aatuln nan ŋan. Nima le nan cha u ku u.

1 Jɔnn 3:15

Unii umɔk nan una aabo na, u ye unikur la. Ni nyi ke unikur ubaa aa kpa limɔfal li kaa kpa ndoon na.