2 Samuel 12:16 - Uwumbɔr aagbaŋ

¹⁶ David nan mee Uwumbɔr ke ubo ngbaan pɔɔk. U nan yii tijikaar mɔmɔk, le kinyeek mɔk kan, u doo kitiŋ le waadiik ni.

2 Samuel 12:16 ပူးပေါင်းရင်းမြစ်များ

2 Samuel 12:15

Le Natann siir kun. Uwumbɔr nan cha Uria aapuu ngbaan aah ma ubijabo u tii David na buŋ pam.

2 Samuel 12:22

Le David gar bi ke, “Mbamɔn, m nan lul bumɔb, waah nan laa bi na. M nan dak ke nibaakan Uwumbɔr ga san mi kinimbaak ki taa cha u kpo la.

2 Samuel 13:31

Le ubɔr fii sil, ki dar kar waawanpeenkaan mpombiin pu, le ki lir kitiŋ. Waatutum bi nan bi u chee nima na mu nan dar kar baawanpeenkaan.

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

Nehemia 1:4

Maah ŋun tibɔr ngbaan mɔmɔk na le m kal ki wii pam. Iwiin pam nan jer le m bi wii ikpowiil, kaa ji nibaa. M nan mee Uwumbɔr ke,

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 69:10

M sunn mbaa taab ki lulni bumɔb, le binib seei mi;

Aisaya 22:12

Nidindaan Uwumbɔr Mpɔɔnsakpiindaan, nan bi yin nimi ke ni nan wii, ki wii ikpowiil, ki kuu niyil, ki peen tiwan ni saak kuub na aawanpeenkaan.

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Daniel 6:18

Le ubɔr gir kun, kaa ti ŋmaa geen kinyeek ngbaan, kaa jin tijikaar, kaa cha bi gbiir ngbiir tii u liyaadaal ngbaan.

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Jona 3:9

Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”

Lituln 9:9

Waa nan waa ki ti saa iwiin itaa, kaa ki ji, kaa ki nyu mu.

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.