2 Samuel 12:13 - Uwumbɔr aagbaŋ

¹³ Le David bui ke, “M tun Uwumbɔr titunwanbir.” Le Natann gar u ke, “Uwumbɔr di cha pinn si, saan kpo.

2 Samuel 12:13 ပူးပေါင်းရင်းမြစ်များ

Mpiin 39:9

M kpa mpɔɔn lichiln limina ponn ni ke m ŋa maah ban pu na, see sin upuu baanja le maa ŋmaa ŋa nibaa aa chee. Ba ŋa aa ban ke m tun kidagook aatuln li ye titunwanbir na Uwumbɔr aanimbiin ni?”

2 Samuel 24:10

Tɔ, David aah kahn binib ngbaan doo kina na, le usui bii, le u bui Uwumbɔr ke, “M tun titunwanbir ti bir sakpen na. M gaŋ si ke aa di cha pinn mi. M tun kijɔrk aatuln la.”

2 Samuel 24:17

David nan kan ntuun mu bi ku binib ngbaan na, le ki bui Uwumbɔr ke, “Min le ye u aabɔr bii na. Min le tun taani. Bigiim bee mu ŋa ba? Aa ga daa min ni maadichal aatafal la.”

1 Bibɔrb 13:4

Ubɔr Jeroboam aah ŋun tibɔr timina na, le u di uŋaal mɔk u ki bui ke, “Chuu uja ngbaan man.” Libuul ngbaan ni le ubɔr aaŋaal ngbaan faan, le waa ki ŋmaa giin mu.

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

1 Bibɔrb 22:8

Le Ahab gar u ke, “Ubaa ki bi, Imla aajapɔɔn Mikaya. M tee nan u la, waa kee nabr tibɔnyaan tibaa tii mi; uma yaan ye tibɔbir ŋmeen la.” Jehosafat nan ki gar u ke, “Taa len kina.”

2 Bibɔrb 1:9

le ki di uninkpel ubaa ni bijab piiŋmu tun ke bi ti chuu ni Elaija. Uninkpel ngbaan nan ti kan u, u ka ligongoln libaa paab le ki bui u ke, “Uwumbɔr aanii, ubɔr bui ke aa dan.”

1 Bibɔrb Aabɔr 21:8

David nan bui Uwumbɔr ke, “M tun titunwanbir ti bir sakpen na, lituln li m tun na ponn ni. M gaŋ si, di cha pinn mi. M tun kijɔrk aatuln la.”

2 Bibɔrb Aabɔr 16:10

Nimina nan cha Asa aaŋuul fii Uwumbɔr aabɔnabr ngbaan pu sakpen, le u cha bi baa u tikululn. N‑yoonn baan mue, le Asa nan piin ki ŋani binib ngem mbiin.

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

Job Aagbaŋ 33:27

Le u ga sil binib ni ki len ke, “M tun titunwanbir. Maa tun ni ŋan na, le Uwumbɔr tee di cha pinn mi.

Ilahn 103:12

Liwipuul ni liwilir aah daa tɔb chee pu na, kina le u nyan timi aatunwanbir ti chee ki di buen dandar.

Ilahn 51:16

Aa yaa ba ban kitork kan, m ba ga toor kitork tii si; saa neen kitork ki bi joo seer mmii ni tii si na.

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Ilahn 51:6

Saah ban pu na le ye mbimbinyaan, ni ibamɔn; di saalan gbiin mi.

Nnyam 9:27

Le ubɔr ngbaan tun yin Moses ni Aaronn le ki bui bi ke, “N‑yoonn mue m tun bakaa, Uwumbɔr le jin mbamɔn, m ni maanib le galn.

Ŋiyataŋak 25:12

Ulandaan yaa sur unii u kpa ŋuntii na kan, ni kpa tinyoor ki jer salmaa ni ileenyaan i bi di salmaa ŋa i na.

Ŋiyataŋak 28:13

Aa yaa joo saatunwanbir bɔrni kan, saan kan tinyoor saamɔfal ni. Kpiir saatunwanbir ki di ti mee aan Uwumbɔr san si kinimbaak.

Aisaya 38:17

Nsui aah bii pu na ga kpaln nsuudoon la. Aa nyan mi tibɔbir mɔmɔk ni; aa di maatunwanbir cha pinn mi a.

Aisaya 43:24

Naa nan daa tulalee aayon tii mi, kaa nan di nimi aawakor aakpan tii mi. Naah nan tee tii mi tiwan ni na le ye nimi aatunwanbir; ni nan cha nlaasaab ti nyan mbaa ni nimi aatunwanbir ti ni tun na pu.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Inandalahn 3:32

Nibaakan, u ga joo ni timi falaa, tɔ, waageehm mu u kpa ti pu na bi ki pɔɔ.

Liifai Yaab 20:10

Ubaa yaa koo ti doon uŋeen aatɔ Israel aanii uken aapuu chee kan, ni kpaan ki ku uja ni upii ngbaan mɔk bilee.

Liifai Yaab 24:17

“Unii umɔk ku uken na, bi ku u mu,

Sekaria 3:4

Ntuun ngbaan nan bui paacham yaab bi bi u chee na ke, “Chuu peer uja wee aah si pee tijɔŋ aawan ni na,” le ki bui Josua ke, “M chuu nyan saatunwanbir aa pu, le ki ga tii si tiwanpeenkaan nyaan aa peen.”

Matiu 14:10

Nima le u tun unii ke u li cha kiyondiik ponn ni ki ti gii ni Jɔnn aayil.

Tibɔnyaan ti Luk ŋmee ti na 15:21

Le ujapɔɔn bui u, ‘Nte, m koo aa ni Uwumbɔr mɔk aataani ni. Naa ki ŋan ke aa yin mi aajapɔɔn.’

Tibɔnyaan ti Luk ŋmee ti na 18:13

“Ulampoogaar ngbaan nan sil dandar, kaa kaa u waan lik paacham. U nan po si jik uyil, le ki bui ke, ‘Uwumbɔr, san mi titunwanbirdaan kinimbaak,’ le ki siir kun.

Lituln 2:37

Kinipaak ngbaan aah ŋun Piita aah len pu na, le ni muk bi sakpen. Le bi baa Piita ni Yesu aakpambalb biken na, “Tinaabitiib, ti ga ŋa kinye?”

Hiibru Yaab 9:26

U yaa ba nan joo ubaa toor kitork libiln mɔmɔk kan, u ba ga ji falaa n‑yoonn mɔmɔk, buyoonn dulnyaa wee piin ki joo cha na. Naah ye pu na, u fuu ni buyoonn ni ŋeer na, ki di ubaa toor kitork nfum mubaa, ke u kuln titunwanbir.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

1 Samuel 15:20

Le Sɔɔl bui u ke, “M kii Uwumbɔr aamɔb la. Waah bui mi ke m buen pu na, m buen ki ti joo ni Ubɔr Agag, le ki ku Amalek aanib mɔmɔk.

1 Samuel 15:30

Sɔɔl nan ki bui u ke, “M tun titunwanbir. Tɔ, tee tii mi kipak, maayidam ni Israel aanib bee mɔmɔk aanimbiin ni. Gir dii mi buen aan m ti doon Aadindaan Uwumbɔr.”