2 Samuel 12:10 - Uwumbɔr aagbaŋ

¹⁰ Nima pu na, n‑yoonn mɔmɔk ni, saanib bibaa ga kpo mpɔɔnkun; ba pu? aa yii maamɔb ki gaa Uria aapuu.

2 Samuel 12:10 ပူးပေါင်းရင်းမြစ်များ

Mpiin 20:3

Kinyeek kibaa daal le Uwumbɔr nan dan ubɔr ngbaan chee tidaŋ ni, le ki bui u ke, “M ga ku si; saah yoor upii u na kpa chal.”

2 Samuel 18:33

Mpombiin nan ti nyaŋ ubɔr, le u fii buen kitiŋ aabisamɔb aadiik na ni, ki ti wii. Waah cha na, le u wii ke, “Maabo, maabo Absalom. Absalom, maabo. Maabo, min le yaa ba tee kpo ki cha sin kan, ni ba soor. Maabo Absalom.”

1 Bibɔrb 15:5

David aah nan tun ŋitun ŋi piin Uwumbɔr aasui, kaa yii waah tuk u pu na pu, le u nan ŋa kina. David aataani ubaa u, u nan tun na le ye Hef aanii Uria aabɔr na baanja.

Ŋiyataŋak 17:13

Aa yaa di titunwanbir pan tiŋann kan, titunwanbir aan ki nya saadichal ni daalbaadaal.

Amos 7:9

Nin chee Aisak aayaabitiib nan mee min Uwumbɔr na mɔmɔk ga bii doo. Israel yaab aameen aadir mɔmɔk ga kpaln ŋilangben ŋi ber doo na la. M ga kuln ubɔr Jeroboam aanaan.”

Nkahm 11:20

ni ga ŋmɔ ti uŋmal ubaa le ti nuŋ nimɔfal ni, le ti ga cha ni buŋ kina pu. Ni ga ŋa kina, ba pu? ni yii Uwumbɔr u bi ni chee na, ki ŋulni ke naa ba gee ke ni nya Ijipt aatiŋ ni.’”

Matiu 26:52

Le Yesu bui u, “Di saajuk ngbaan ki di fu kijuchook ni. Binib bimɔk yoor kijaak aajuk na, kijaak aajuk le ga ku bi.

Matiu 6:24

“Unii ubaa aan ŋmaa li ye dindatiib bilee aanaagbiija; u ga li nan ubaa, le ki gee uken; u ga li si ubaa aachaŋ ni, le ki lik uken fam. Naan ŋmaa dii Uwumbɔr ni liwankpal mu.

Rom Yaab 2:4

U ŋa si tibulchinn sakpen, ki kpa limɔr ni suklaa aa pu. Ba ŋa aa lik u fam? Saa nyi ke Uwumbɔr ban ke aa kpeln saabimbin aa? Nima le cha u ŋa si tibulchinn.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.