2 Samuel 11:27 - Uwumbɔr aagbaŋ

²⁷ Waah wii uchal aakpuul doo na, le David cha bi ti bui u ke u dan libɔrdichal ni; le u nan kpaln upuu ki ma ubijabo tii u. Tɔ, Uwumbɔr aasui aa nan piir David aah ŋa pu na pu.

2 Samuel 11:27 ပူးပေါင်းရင်းမြစ်များ

Mpiin 38:10

Waah nan ŋa pu na aa nan piir Uwumbɔr aasui, le u ku u mu.

2 Samuel 12:9

Ni ki ŋa kinye aan aa yii maamɔb ki tun titunwanbir timina? Aa cha bi ku Uria butɔb ni, aa cha Amonn yaab ku u, le aa gaa upuu.

2 Samuel 15:26

Tɔ, u yaa kaa lik faar mi kan, cha u ŋa mi waah gee pu na,”

1 Bibɔrb 21:16

Libuul ngbaan ni le Ahab buen ŋisubil aasui aasaak ngbaan ni ke u ti gaa ki.

1 Bibɔrb 21:20

Ahab aah kan Elaija na, le u baa u ke, “Maadin, aa pii ni mi do oo?” Le Elaija gar u ke, “Een, m pii ni si. Aa di aabaa tii ke aa li tun ni kaa ŋan Uwumbɔr chee na la.

1 Bibɔrb Aabɔr 21:7

Uwumbɔr aasui aa nan piin lituln ngbaan pu, le u daa Israel yaab aatafal.

Ilahn 5:6

Aa bii binyamɔndam mɔmɔk doo ki lik seeni binib bi bir ki ŋmanni biken na.

Ŋiyataŋak 6:29

Aa yaa ban aaŋeen aatɔ aapuu kan, ni mu bir kina la. Unii umɔk ŋa kina na ga ji falaa.

Aisaya 29:15

Binib bi joo baalandak bɔrni Uwumbɔr na aamɔfal junn a. Bi bɔrni le ki ŋani baatunwanbir ki dak ke ubaa aan kan bi, ubaa mu aan li nyi baah ŋani pu na.

Inandalahn 3:36

Buyoonn bibɔjirb ko biini ibamɔn pu libɔjil aadiik ni na, u nyi.

Matiu 1:6

Jese mu ma Ubɔr David. David mu ma Solomonn. Una nan ye Yuraya aapuu la, le David kpan u.

Ikaal 22:29

ni cha uja ngbaan pa tikunabr aamombil piiŋmu ki tii usapɔɔn ngbaan aate, ki cha u yoor usapɔɔn ngbaan ŋa upuu, ba pu? u chuu u mpɔɔn le ki doon u chee. U li joo usapɔɔn ngbaan, u li ye upuu ki ti saa waakundaal, u taa jenn u lii.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.