2 Samuel 11:2 - Uwumbɔr aagbaŋ

² Daalbaadaal aajoowiin pu, le David nan fii waafuur aadɔdooyaan, ki buen libɔrdichal aapaacham. Waah bi chuun paacham ngbaan na, le u kan upii ubaa bi fu nnyun. U nan ŋan sakpen.

2 Samuel 11:2 ပူးပေါင်းရင်းမြစ်များ

Mpiin 12:11

Baah nan ban bi koo Ijipt aatiŋ ni na, le Abram bui upuu Sarai ke, “Aa ye upii u ŋan na la.

Mpiin 3:6

Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo.

Mpiin 34:2

Ubɔr Hamor u nan ye Hif aanii na aajapɔɔn Sekem nan kan Daina, le ki chuu u mpɔɔn ki doon u chee.

Mpiin 39:6

Nima le cha Potifa di waawan mɔmɔk ki di ŋa Josef aaŋaal ni, ki kan lifuur, kaa ki tun nibaa see waah ji tijikaar ti na baanja. Josef nan muun ki kpa tiwon le ki ŋan mu,

Mpiin 6:2

le ŋiniwɔk nan yoor baah gee bi na, ki di ŋa bipuutiib.

2 Samuel 13:1

David aajapɔɔn Absalom nan kpa ninkpan ubaa, le bi yin u ke Tamar. U nan ye usapɔɔn u ŋan pam na la, le kaa kee kpa chal. Amnonn mu nan ye David aajapɔɔn uken la, le u ni Absalom aa nan tee kpaan na, le u nan gee Tamar kibɔtiik.

2 Samuel 14:27

Absalom nan kpa mbijabim bitaa, ni upiibo ubaa, le bi yin u ke Tamar. U nan ye upii u ŋan sakpen na la.

2 Samuel 4:5

Rekab ni Baana nan fii buen Isbosef do, le ki ti fuu nima buyoonn u dɔ fuur nwiin pu na.

2 Samuel 4:7

Baah koo na, le bi koo Isbosef aadiik ni, nin chee u nan dɔ ki geen gbar na, le ki ti ku u. Bi nan gii uyil, le ki di li siir, ki chuun kinyeek ngbaan, Jɔɔdann Aafataŋ ni.

Job Aagbaŋ 31:1

M puu tipuukpaan le ke maan di lineel aanimbil lik usapɔɔn daalbaadaal.

Ilahn 119:37

Taa cha ntafal li bi tiwan ni kaa kpa tinyoor na ni; saah puu pu na, li kpa m pu tiŋann.

Ŋiyataŋak 19:15

Aa yaa gee kan, li ye ugbanyakdaan, ki li dɔ geen, ki tee li nyi ke aa ga chuun nkon.

Ŋiyataŋak 31:30

Ibɔnyɔk ŋmanni, le kinyaan mu door, le upii u san Uwumbɔr ijawaan na ma kpa kipak.

Ŋiyataŋak 6:25

Taa cha baanyaan chuu si, ki taa cha baadagoonimbil chuu si.

Ŋiyataŋak 7:8

U nan chuun kpak kilɔlɔŋ kibaa chee. Upii ubaa nan koo nima chee. U nan bi jer upii ngbaan do

Jeremia 19:13

Jerusalem aadichal, ni Juda aabɔrb aadichal, ni ŋidichal ŋi mɔmɔk pu bi nan seer tulalee aayon tii iŋmabi, ni nin chee bi nan joo ndaan kpir tii ŋiwaa na mɔmɔk pu, ga li kpa tijɔŋ ke Tofef na la.”

Matiu 10:27

Maah tuk nimi tibɔr ti libɔɔl ni na, ni li mooni ti binib ni. Maah loon tibɔr ti nitafal ni na, ni li mooni ti lipaal.

Matiu 24:17

Unii yaa bi kidiik paab kan, u taa ki koo waadiik ni u ti yoor waawan, u san mala.

Matiu 5:28

Min le tuk nimi ke unii umɔk kan upii aan usui koo u ni kan, u kpaan gɔr kidagook usui ni la.

Lituln 10:9

Naah woln kitaak na, le bi bi nsan ni, ki peen Jɔpa aatiŋ ni. Nwiin kaasisik ni, le Piita jon kidiik paab u ti mee Uwumbɔr.

Ikaal 22:8

“Aa yaa maa lidichapɔln kan, maa ligoln mann lipaacham. Nima kan, unii yaa nyan lipaab ki lir, ki kpo kan, saan li kpa taani ubaa.

Ikaal 5:21

“‘Aa taa cha aanimbil li man aaŋeen aatɔ aadichal, bee upuu, bee waakpaakon, bee waanaagbiib, bee waawakor, bee waah kpa tiwan nimɔk na pu.’

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.

1 Samuel 9:25

Baah fii nima ki buen kitiŋ ponn ni na, le bi tii Sɔɔl ndɔdooyaan kidiik paab, le u doon nima.