2 Samuel 11:15 - Uwumbɔr aagbaŋ

¹⁵ Waah nan ŋmee pu na sɔ: “Di Uria siin nsaloln aakuul ni, nin chee kijaak pɔɔ sakpen na, ki gir puwɔb aan bi ku u.”

2 Samuel 11:15 ပူးပေါင်းရင်းမြစ်များ

2 Samuel 11:16

Joab aah ki bi gob kitiŋ ngbaan na, le u di Uria tun nin chee u nyi ke baadim pɔɔ na.

2 Samuel 11:17

Baadim nan nyan ni kitiŋ ngbaan ni, le bi ni Joab aajab nan di pii tɔb; bi nan ku David aajab bibaa, ki ku Uria mu.

2 Samuel 12:9

Ni ki ŋa kinye aan aa yii maamɔb ki tun titunwanbir timina? Aa cha bi ku Uria butɔb ni, aa cha Amonn yaab ku u, le aa gaa upuu.

1 Bibɔrb 15:5

David aah nan tun ŋitun ŋi piin Uwumbɔr aasui, kaa yii waah tuk u pu na pu, le u nan ŋa kina. David aataani ubaa u, u nan tun na le ye Hef aanii Uria aabɔr na baanja.

Ilahn 51:14

Uwumbɔr, taa junn maamɔfal. Nya mi tibɔbir ni, aan m di mpopiin moon saah kpa mbimbinyaan pu na.

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Ulandaan 8:11

Ba ŋa binib gee ki tun titunwanbir? Naah ye pu na le ye ke baa dar titunwanbirdam aatafal mala ke baah tun ti pu na.

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Jeremia 20:13

Gaa ilahn tii Uwumbɔr man. Pak Uwumbɔr man. U gaal bigiim titunwanbirdam chee lir.

1 Samuel 18:17

Sɔɔl nan bui David ke, “Mbisal upol Merab sɔ. Aa yaa tun tii mi ki kaar ke uja u si udindaan aapuwɔb mbamɔm na, ki jaa Uwumbɔr aatɔb ponn ni kan, m ga cha aa di u ŋa aapuu.” Sɔɔl nan dak ke u yaa ŋa kina kan, Filistia yaab le ga ku David, naan li ye uma.

1 Samuel 18:21

Le u bui ubaa ke, “M ga di Mikal tii David la. M ga di Mikal pen u gaawɔb la, le Filistia yaab ku u.” Le Sɔɔl ki bui David ke, “Aa ga kpaln nchool la.”

1 Samuel 18:25

Le Sɔɔl ki bui bi ke bi ti tuk David ke, “Ubɔr aah ban tichoowan ni aa chee na le ye Filistia aajab aanikpol aanimbiin ni aawan aagban nkub, ke u di teen waadim.” Sɔɔl aah nan kpokl pu ke Filistia yaab ku David na le bi na.