2 Samuel 11:11 - Uwumbɔr aagbaŋ

¹¹ Le Uria gar u ke, “Israel ni Juda aajab bi butɔb ni la, le Uwumbɔr Aakaal Aadakaa bi bi chee; le maaninkpel Joab ni saajab doo lipaal la. M ga ŋa kinye ki kun, ki ti ji ki nyu, ki koo doon mpuu chee? M puu sin ubɔr aayimbil pu, ke maan ŋa kina aawan kpala.”

2 Samuel 11:11 ပူးပေါင်းရင်းမြစ်များ

2 Samuel 11:10

David aah ŋun ke Uria aa kun na, le u baa u ke, “Saa bi linampal ni yunn, le ki laa fuu ni; ba ŋa saa kun linampal?”

2 Samuel 14:19

Le u baa u ke, “Naa ye Joab le bui si ke aa len kina aa?” Le u kii ke, “Mpɔɔndaan, mbamɔn, nsan mubaa aa bi aan m ga ŋmaa minn kaan gar saabaan ngbaan. Mbamɔn, ni ye uninkpel Joab le bui mi maah ga nan ŋa ki len pu na.

2 Samuel 20:6

Kina pu le ubɔr nan bui Abisai ke, “Seba ga tii timi tibɔr, ki jer Absalom aah nan tii timi tibɔr pu na. Di maajab paan u pu, naa ye kina kan, u ga gaa tijawan aatim mubaa ki ŋmar.”

2 Samuel 7:2

Le ubɔr ngbaan nan bui Uwumbɔr aabɔnabr Natann ke, “Min le ka do lidichal li bi di santina maa li na ponn ni na, le Uwumbɔr Aakaal Aadakaa tee bi likekeln aabool ponn ni.”

2 Samuel 7:6

Ki nyan nwiin mundaal m nyan ni Israel yaab Ijipt aatiŋ ni ki nan saa din wee na, maa kee koo lidichal ponn ni; m chuun kpak gonni ki bi likekeln aabool ni la.

Nkahm 32:6

Le Moses giin bui bi ke, “Ni ban ke ni gaar do aan niŋeen aatɔtiib Israel yaab biken buen ti to butɔb bibaa la aa?

Jɔnn 13:14

Tɔ, min u ye Nidindaan ni nimi Aamɔmɔkr na aah finn nitaa pu na, ni ŋan ke ni mu li finni tɔb aataa kina.

2 Timoti 2:12

Ti yaa dii u ki kpa limɔr kan, ti ga ji nnaan u chee. Ti yaa len ke taa nyi u kan, u mu ga len ke waa nyi timi.

1 Samuel 1:26

Le Hana bui u ke, “Gafara, maaninkpel. Aa bee mi ii? Min le ye upii u aa nan kan u si do ki bi mee Uwumbɔr na.

1 Samuel 14:18

Sɔɔl nan bui Ahija u nan ye utotoor na ke, “Li joo ni tiwan ni bi joo beer Uwumbɔr aageehn na do.” Tɔ, liyaadaal ngbaan Ahija nan joo ni tiwan ngbaan ki loln Israel yaab aajab pu nsan.

1 Samuel 17:55

Sɔɔl aah kan David cha, u ni Goliaf ti jan na, le u baa waajab aaninkpel Abner ke, “Abner, ŋma aajapɔɔn ye u?” Le Abner bui u ke, “Maaninkpel, maa nyi u.”

1 Samuel 20:3

Le David kii u ke, “Aate nyi mbamɔm saah gee mi pu na, le ki yii kaan cha aa bee waalandak; ba pu? ni ga bii aasui sakpen. M puu Uwumbɔr u bi n‑yoonn mɔmɔk na ke ntaal libaa bi mbuu ni, le liken mu bi lipaal.”

1 Samuel 25:26

Uwumbɔr le cha saa gee liŋuul ki ku saadim. Le m puu Uwumbɔr aayimbil pu dandana wee, ke saadim ni binib bimɔk ban bi tun si titunwanbir na, ni Nabal aatafadaan ga li kpaan la.

1 Samuel 4:4

Le bi tun binib Silo aatiŋ ni, ke bi ti yoor ni Uwumbɔr Mpɔɔnsakpiindaan u bi tiwan ni kpa ifeen na aapaacham na Aakaal Aadakaa. Le Eli aajapɔtiib bilee na, Hofni ni Fineas, mu dii buen.