2 Samuel 11:1 - Uwumbɔr aagbaŋ

¹ Unaalan yoonn, n‑yoonn mu libiln mɔmɔk ni bibɔrb jaa kijaak na, le David nan tun Joab, ni waaninkpiib, ni Israel aajab, le bi ti nyaŋ Amonn yaab ki gob baatiŋ Raba. David ubaa nan gaar Jerusalem ni.

2 Samuel 11:1 ပူးပေါင်းရင်းမြစ်များ

2 Samuel 10:14

Amonn yaab aah kan Siria yaab bi san na, le bi mu san cha Abisai ni waajab, ki gir koo baatiŋ ni. Le Joab di cha, kaa ki faa Amonn yaab ngbaan butɔb, ki gir kun Jerusalem.

1 Bibɔrb 20:22

Le Uwumbɔr aabɔnabr na buen Ubɔr Ahab chee ki ti bui u ke, “Gir ki moo ban saajab ki kpokl bi mbamɔm, ba pu? Siria yaab ngbaan ga nan ki tak nimi unaalan u choo na.”

1 Bibɔrb 20:26

Unaalan aah nan fuu na le u ban waajab le u ni bima di buen Afek aatiŋ ni ke bi ti tak Israel yaab.

1 Bibɔrb Aabɔr 20:1

Unaalan u paa na yoonn, n‑yoonn mu bibɔrb to tɔb butɔb libiln mɔmɔk ni na, le Joab di waajab ti tak Amonn yaab; Ubɔr David ma nan gaar Jerusalem ni. Bi nan ti gob Raba aatiŋ ki tak, ki kuln ki.

2 Bibɔrb Aabɔr 36:10

Unaalan yoonn, le Ubɔr Nebukadnesar nan chuu Jehoyachinn tinaagbiir di buen Babiloŋ aatiŋ ni, le ki yoor Uwumbɔr Aadichal ni aawangol mu buen. Nebukadnesar nan di Jehoyachinn aatewaa Sedekia kaan Juda aanaan, Jerusalem ponn ni.

Ilahn 60:9

Uwumbɔr, ŋmaa ga di mi buen kitiŋ ki bi maa ŋigon gob ki na ponn ni? Ŋma ga cheen mi Edom aatiŋ ponn ni?

Ulandaan 3:8

U siin ngeehm aayoonn, le ki siin kinanaŋ mu aayoonn, butɔb aayoonn bi, le nsuudoon mu aayoonn bi.

Jeremia 49:2

Tɔ, n‑yoonn choo, le m ga cha Amonn aatiyil Raba aanib ŋun butɔb aafuuk pu, le ki gur tilangbenn, kaatiwaatiir wu mmii. Le Israel yaab ga ki gaa baatiŋ ki bi nan gaa ki na bi chee.

Jeremia 49:3

Hesbonn aanib, li wii man. Ai aatiŋ kuln a. Raba aapiib, li wii ikpowiil man. Di tiwanpeenkaan ni saak kuub na ki di peen ki li wii. Li san gonni man. Bi ga yoor nimi aawaal Milkom buen tinaagbiir ni, ki kpaan yoor laatotoorb ni laawaadabim mu.

Esekiel 21:20

Nsan mubaa ga mɔk ubɔr ngbaan Amonn aatiŋ Raba aah bi nin chee na, le muken na mɔk u Juda aatiŋ Jerusalem ki kpa ŋigon ŋi pɔɔ na chee.

Amos 1:14

Kina pu na, m ga cha mmii wu baatiyil Raba aagon, ni baah maa ŋidichal ŋi fɔk ki pɔɔ kiir bibaa na mɔmɔk. Le bundaal butɔb ga fii na, iwiil ga li bi liyaadaal ngbaan, le kijaak ngbaan ga li pɔɔ ke kitaabuŋ na.

Sekaria 14:3

Le Uwumbɔr ga nya ki ti tak ŋitimbol ngbaan, ke waah nan ŋani pu n‑yaayoonn na.

Ikaal 3:11

Ubɔr Og le nan gur ye ŋiniwɔk Refa yaab aakookoo aanii, nima chee. Bi nan di ŋitakpal le ŋa waanikpol aadakaa, waawawaan nan ye ŋitaa ŋiloob la, le waafɔfɔk mu ga nan li pii ŋitaa kipiik ni ŋinaa, le ni dii baah nan ŋaŋni tiwan mɔmɔk pu na. Dakaa ngbaan beenin bi Amonn yaab aatiŋ Raba ni, ki nan saa din.

1 Samuel 18:30

Filistia aajab nan choo nan tak Israel yaab, le butɔb mɔk ponn ni kan, David le nan kani linyaŋ ki jer Sɔɔl aajab aaninkpiib biken na. Kina pu na, David nan kan liyimbil pam.