2 Samuel 10:12 - Uwumbɔr aagbaŋ

¹² Li kpa lipobil. Cha ti li pɔɔ ki jan tii timi aanib ni Uwumbɔr aatim pu. Cha Uwumbɔr aageehn ŋa.”

2 Samuel 10:12 ပူးပေါင်းရင်းမြစ်များ

2 Samuel 10:11

Joab nan bui u ke, “Aa yaa kan ke Siria yaab yaa bi nyaŋni mi kan, dan ki nan ter mi; Amonn yaab mu yaa bi nyaŋni si kan, m mu ga dan nan ter si.

2 Samuel 15:26

Tɔ, u yaa kaa lik faar mi kan, cha u ŋa mi waah gee pu na,”

1 Bibɔrb Aabɔr 19:13

Li kpa lipobil man ki li pɔɔ. Cha ti jan man timi aanib ni Uwumbɔr aatim pu. Cha Uwumbɔr aageehn ŋa.”

2 Bibɔrb Aabɔr 32:7

“Cha nisui li dɔ aan ni li joo kin kin man, ki taa li san Asiria aabɔrkpaan, bee bijab bi u loln bi pu nsan na ijawaan. Ti kpa mpɔɔn ki jer waah kpa pu na.

Nehemia 4:14

M nan kan ke ilandak le joo maanib; le m bui bi ni baayidam, ni baaninkpiib ke, “Taa san man timi aadim ijawaan. Teer Uwumbɔr aah pɔɔ ki kpa ijawaan pu na, ki jan man nimi aanib ni nimi aabim, ni nipuutiib, ni nimi aadichal pu.”

Nehemia 4:8

Kina pu le bi kpokl ke bi mɔmɔk kpaan ki nan tak Jerusalem aan ki cha timi aalan ŋmal.

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Job Aagbaŋ 1:21

ki nan bui ke, “Baah nan ma mi na, maa nan joo ni nibaa, le ki ga nan kpo, kaa joo nibaa. Uwumbɔr nan tii, uma le ki gaa. Pak waayimbil man.”

Nkahm 13:20

Ni lik ke tikpaatan nyuun aan taa nyuun, isui mu bi aan yaa bi. Ni pɔɔn nibaa ki li joo ni nima chee aasubil ki nan mɔk mi.” Ni nan ye buyoonn ndaan aasubil bi puir na la.

1 Korenti 16:13

Ni li nyi man, ki li dii Yesu mbamɔm, ki taa di cha waasan. Ni li kpa lipobil man, ki li kpa mpɔɔn mu Uwumbɔr tii nimi na.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Ikaal 31:7

Moses nan yin Josua siin ni binib ngbaan mɔmɔk aanimbiin ni ki bui u ke, “Aa nya sil, ki li kpa lipobil. Sin le ga loln binib ngbaan pu nsan, aan ni gaa kitiŋ ki Uwumbɔr nan puu tipuur ke u ga di tii niyaajatiib na.

Hiibru Yaab 11:33

Baah nan gaa Uwumbɔr ki kii pu na, le bibaa nan nyaŋ ŋitimbol aajab, bibaa mu tun lituln li ŋan na, bibaa mu kan Uwumbɔr aah puu tipuur ti na, bibaa mu muib ichinn aamɔi, i taa ŋa bi nibaa.

Hiibru Yaab 13:6

Nima pu le ti ga li kpa lipobil ki bui ke, “Uwumbɔr ye maateter la. Maan san ijawaan. Ubaa aan ŋmaa ŋa mi nibaa.”

Josua 1:18

Unii umɔk kpak si ki yii saah len pu na kan, udaan ŋeer bi ku u. Pɔɔn aabaa ki li kpa lipobil.”

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Bibɔjirb 10:15

Le Israel aanib ngbaan nan bui Uwumbɔr ke, “Ti tun titunwanbir a. Ŋa saah gee pu na, tɔ, aa mu tee gaa timi lii din wee.”

1 Samuel 14:12

le ki yin Jonatann ni unachipɔɔn na ke, “Dan do man. Ti kpa tibɔr tibaa ti tuk nimi.” Le Jonatann bui unachipɔɔn ngbaan ke, “Li dii mi. Uwumbɔr tii Israel yaab linyaŋ bi pu a.”

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:32

Le David nan bui Sɔɔl ke, “Mpɔɔndaan, ubaa taa san Filistia aanii wee ijawaan. M ga buen ti tak u.”

1 Samuel 3:18

Kina pu le Samuel bui u ti mɔmɔk; waa nan di tibaa bɔr u. Le Eli bui ke, “Uma le ye Uwumbɔr. Cha u ŋa waah ban pu na.”

1 Samuel 4:9

Filistia yaab, moo boon man. Boon man ke bijab na, naa ye kina kan, ti ga kpaln Hiibru yaab aanaagbiib, ke baah nan ye timi aanaagbiib pu na. Kina pu na, boon man ke bijab na.”