2 Samuel 1:21 - Uwumbɔr aagbaŋ

²¹ Taa cha utaal, bee limaln lir Gilboa aagongon paab, cha ŋaakpaakon kpaln nteer n‑yoonn mɔmɔk; ba pu? nima chee le bipobidam aajaak aapen dɔ inimɔɔn ni; baa ki joo nkpan ŋmir Sɔɔl aajaak aapeln.

2 Samuel 1:21 ပူးပေါင်းရင်းမြစ်များ

1 Bibɔrb Aabɔr 10:1

Filistia yaab nan ti faa Israel yaab butɔb Gilboa Aajool paab la. Bi nan ku Israel yaab pam nima, le bi gur na, ni Ubɔr Sɔɔl, ni ujapɔtiib san.

1 Bibɔrb Aabɔr 10:8

Butɔb ngbaan aawiin aah jer aan Filistia yaab buen bi ti yoor ŋinikpol ngbaan aawan na, le bi kan Sɔɔl ni ujapɔtiib bitaa na aanikpol dɔ Gilboa Aajool paab.

Solomonn Aalahn 4:4

Aasil joon ki bi mɔlb ke David aakikiib aadifɔfɔŋ na la, le nneeleen mu bi ke kijaak aapen lichur na gbin mu pu.

Aisaya 21:5

Tibɔkpiirkaan ngbaan ponn ni, bi gor njim aajikaar a, ki di ikan ter ke bicham nan kal i pu. Bi bi ji ki nyu. Libuul ngbaan ni le bi tii nsan: “Butɔb aajab aaninkpiib, gor man nimi aapen ŋi ni joo jaa kijaak na.”

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Esekiel 31:15

Tidindaan Uwumbɔr aah ki len pu na sɔ: “Nwiin mundaal busub ngbaan ga buen kitekpiitiŋ ni na, m ga cha kitiŋ taab aanyun biin bu pu aan ni mɔk bu aakpowiil. M ga chuu ŋimɔɔ siin ki taa ki cha ikpen pam na puu nya. Busub ngbaan aah kpo na, m ga cha mbɔmbɔɔn biin Lebanonn Aajoo pu ki cha kichook ngbaan aasui mɔmɔk yɔl.

Joel 1:9

Njikaabim ni ndaan aa bi ti di tii ipiin Uwumbɔr Aadichal ni; Uwumbɔr aatotoorb aa kan nibaa bi di toor kitork tii Uwumbɔr, le ki wii ikpowiil.

Joel 2:14

Nibaakan, Nidindaan Uwumbɔr ga kpeln waalandak, ki ga ŋa waanyoor ŋa ni pu aan ni kan tijikaar sakpen. Le ni ga ŋmaa tii u njikaabim ni ndaan aapiin.

Bibɔjirb 5:23

Uwumbɔr aatuun bui ke, “Puun lii Meros aatiŋ pu, mbamɔn, puun lii binib bi koo nima chee na pu; ba pu? baa dan nan ter Uwumbɔr, baa dan ke butɔb aajab na ki nan ter u.”

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 31:1

Filistia yaab nan ti faa Israel yaab butɔb, Gilboa Aajool paab la. Bi nan ku Israel yaab pam nima, le bijab bi gur na, ni Ubɔr Sɔɔl, ni ujapɔtiib san.

1 Samuel 31:8

Butɔb ngbaan aataak aah jer aan Filistia yaab buen bi ti yoor ŋinikpol ngbaan aawan na, le bi kan Sɔɔl ni ujapɔtiib bitaa na aanikpol dɔ Gilboa Aajool paab.