2 Samuel 1:2 - Uwumbɔr aagbaŋ

² Wintaa daal le unachipɔɔn ubaa nyan ni Sɔɔl aajab ni ki fuu ni. U nan dar kar waawanpeenkaan, ki di titan puŋ uyil pu, ke u mɔk usui aah bii pu na. U nan buen David chee, le ki ti gbaan ke u mɔk waapak.

2 Samuel 1:2 ပူးပေါင်းရင်းမြစ်များ

Mpiin 22:4

Iwiin itaa daal, le bi nan lik ki waa kitiŋ ngbaan dandar.

Mpiin 37:29

Tɔ, Rubenn nan dan nnyunbun ngbaan chee ki lik, kaa kan Josef mu ponn ni, le u chuu waawanpeenkaan daa kar mpombiin pu,

Mpiin 37:34

Le Jakob aasui bii, le u chuu waawanpeenkaan daa kar mpombiin pu, le ki di tiwanpeenkaan ni saak kuub na di peen. U nan wii waabo ngbaan aakun pu ni yunn pam.

Mpiin 43:28

Le bi bui u ke, “Saanaagbiija tite beenin bi ki mu kpa laafee.” Le bi gbaan unimbiin ni ki doon u.

2 Samuel 1:3

Le David baa u ke, “Aa nyan ni la chee?” Le u gar u ke, “M nyan ni Israel aajab ni, le ki san ŋmar ni.”

2 Samuel 13:19

U nan di nfatan puŋ uyil, le ki dar kar waabɔkul, le ki di uŋaal biin unimbil pu, ki wii cha.

2 Samuel 14:4

Upii ngbaan nan buen ubɔr chee, le ki ti gbaan kitiŋ, le ki bui u ke, “Mpɔɔndaan, ter mi.”

2 Samuel 15:32

David aah ti fuu lijool ngbaan paab, nin chee binib nan dooni Uwumbɔr na, le ujɔnyaan Husai, u nan ye Ak aanii na, ton u nsan ni, aan waawanpeenkaan mɔmɔk kar kar, le u di titan puŋ uyil.

2 Samuel 24:20

Arauna nan lik, le ki kan ubɔr ni waaninkpiib choo u chee. Le u tar lir kitiŋ David aanimbiin ni,

2 Samuel 4:10

Unii u nan dan Siklag ki nan bui mi Sɔɔl aakun pu na nan dak ke u joo ni mi tibɔnyaan la. M nan chuu u, ki cha bi ku u. Maah nan pan u tipar ti waabɔnyaan ngbaan pu na le nan bi na.

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Esta 5:1

Baah lul bumɔb ki ti saa iwiin itaa daal na, le Esta di nnaan aawanpeenkaan peen ki buen ti sil ubɔr aah bi lichiln li na aabisamɔb, ki lik libɔrjal aadiik ni. Ubɔr nan bi ki ponn ni, ki ka libɔrjal pu, ki lik ni mbisamɔb wɔb.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Esekiel 27:30

Bi mɔmɔk wii aa pu ni mpombiin la, ki joo titan gbaa biyil, ki dɔ bilni nfatan ni.

Hosea 6:2

U ga ki gaa timi iwiin ilee aakaasisik ni, le ti ga li bi unimbiin ni.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Matiu 12:40

kina le min Unibɔn Aabo mu ga li bi kitiŋ ponn ni iwiin itaa ni tinyer titaa. Lijinjiir aatuln limina baanja le ni ga kan.

Matiu 16:21

N‑yoonn ngbaan le Yesu piin ki bi kpiir tuk waadidiliib, “See m buen Jerusalem ki ji falaa sakpen. Juu yaab aaninkpiib, ni Uwumbɔr aatotoorninkpiib, ni Uwumbɔr aakaal aamɔmɔkb ga ŋa mi falaa sakpen, le ki ku mi. Iwiin itaadaal le Uwumbɔr ga fikr mi nkun ni.”

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.

1 Samuel 20:41

Unachipɔnbo ngbaan aah siir cha na, le David fii sil ki nyan ŋitakpakpuk ngbaan aapuwɔb, ki lir gbaan utaaŋaayil pu ki di unimbil chiŋ kitiŋ nfum mutaa. U ni Jonatann mɔmɔk nan bi wii le ki moor tɔb aatakpin. David aasui aah nan bii pu na nan jer Jonatann yaan.

1 Samuel 25:23

Abigail aah kan David na, le u sunn waabon pu mala, ki gbaan kitiŋ,

1 Samuel 4:12

Benjaminn aamaal ponn ni aaja ubaa nan nyan ni butɔb ngbaan ni, ki san nan fuu Silo liyaadaal ngbaan. U nan daa kar waawanpeenkaan, ki di titan mu puŋ uyil ke ni mɔk usui aah bii pu na.

1 Samuel 4:16

Uja ngbaan nan bui u ke, “M san ŋmar butɔb ni la, le ki san nyan ni nima, ki nan fuu ni do din.” Le Eli baa u ke, “Maabo, ba ŋa?”