2 Samuel 1:11 - Uwumbɔr aagbaŋ

¹¹ Mpombiin pu le David daa kar waawanpeenkaan, le waajab mu ŋa kina.

2 Samuel 1:11 ပူးပေါင်းရင်းမြစ်များ

Mpiin 37:29

Tɔ, Rubenn nan dan nnyunbun ngbaan chee ki lik, kaa kan Josef mu ponn ni, le u chuu waawanpeenkaan daa kar mpombiin pu,

Mpiin 37:34

Le Jakob aasui bii, le u chuu waawanpeenkaan daa kar mpombiin pu, le ki di tiwanpeenkaan ni saak kuub na di peen. U nan wii waabo ngbaan aakun pu ni yunn pam.

Mpiin 44:13

Le ukpetiib aah kan kina na, bisui bii sakpen, le bi chuu baawanpeenkaan daa kar, le ki yoor baatun paan ibon pu, ki gir buen kitiŋ ponn ni.

2 Samuel 13:19

U nan di nfatan puŋ uyil, le ki dar kar waabɔkul, le ki di uŋaal biin unimbil pu, ki wii cha.

2 Samuel 13:31

Le ubɔr fii sil, ki dar kar waawanpeenkaan mpombiin pu, le ki lir kitiŋ. Waatutum bi nan bi u chee nima na mu nan dar kar baawanpeenkaan.

2 Samuel 3:31

Le David nan cha Joab ni waajab dar kar baawanpeenkaan, ki peen tiwanpeenkaan ni saak kuub na, ki wii Abner aakpuul. Baah nan cha bi ti sub u na, Ubɔr David ubaa le nan chuun paa utekpiir aadakaa ngbaan pu.

2 Bibɔrb 5:7

Israel yaab aabɔr aah karn kigbaŋ na, le usui bii, le u daa kar waawanpeenkaan ki teen mpɔɔn pu ke, “Siria aatiŋ aabɔr ban ke m ŋa kinye aan ki cha uja wee pɔɔk? U dak ke m ye Uwumbɔr u kpa limɔfal ni nkun aapɔɔn na la aa? Nimina dɔ mpaan pu ke u ban u tak mi la.”

2 Bibɔrb Aabɔr 34:27

le aa kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem aatiŋ, ni kaanib aatafal pu na. M ŋun saameel,

Esra 9:3

Maah ŋun kina na, le m daa kar maawanpeenkaan, ni n‑yikpir, ni nlangban, mpombiin pu.

Esta 4:1

Modekai aah ŋun tibɔr ti mɔmɔk ŋa na, le u daa kar waawanpeenkaan mpombiin pu, le ki di tiwanpeenkaan ni saak kuub na peen, ki di nfatan puŋ uyil, ki bɔ dii kitiŋ ni, ki wii ikpowiil mpombiin pu,

Jeremia 36:24

Ubɔr ni waaninkpiib bi nan ŋun kigbaŋ ngbaan aabɔr na ubaa aa nan kpa mpombiin, kaa san ijawaan aawan nibaa.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Lituln 14:14

Le Banabas ni Pɔɔl ŋun baah ban bi ŋa pu na. Baah ŋun kina na, le bi chuu kar baabɔkur, le ki san koo kinipaak ngbaan aakaasisik ni, ki tar ke,

Rom Yaab 12:15

Ni li kpa mpopiin binib bi kpa mpopiin na chee, ki li wii binib bi wii na chee.

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.