2 Piita 3:9 - Uwumbɔr aagbaŋ

⁹ Tidindaan aan taan ke u ŋa waah puu tipuur ti na, ke binib bibaa aah dak pu na. U ji limɔr ni pu la, kaa ban ke unii ubaa bii. U ban ke binib mɔmɔk kpeln baabimbin ki ŋmar la.

UWONBƆR A GBƆNPƆŊ LIKƆƆNL

⁹ Ti Yudaau kaa ye wan sɔɔn wee kaa ŋmag u mɔsiinlin ni, a li ke biba kaah tiɛr nsusɔɔn bu man nin. U jɔɔ limɔril le nin ni, kaa ban uba n nan kpo, amaa u ban uninfo biɛn nkpenn u binbem le.

2 Piita 3:9 ပူးပေါင်းရင်းမြစ်များ

Ilahn 77:8

U di cha kaa ki tii timi ngeehm la aa? Waah puu tipuur ti na aa ki si la aa?

Ilahn 86:15

Uwumbɔr, le aa ma ye Uwumbɔr u san kinimbaak ki kpa ngeehm na, ki kpa suklaa ni tiŋann, ki ŋani saah puu ke aa ga ŋa pu na n‑yoonn mɔmɔk.

Nnyam 18:23

Aa yaa ŋa kina, Uwumbɔr aah siin pu na kan, tibɔr aan nyaŋ si, le binib ngbaan aabɔr mɔmɔk ga toor, le bi gir kun bido.”

Nnyam 32:32

Uwumbɔr, di cha pinn bi baatunwanbir; aa yaa kaan ŋa kina kan, chuu ber maayimbil kigbaŋ ki aa ŋmee saanib aayimbil ki ponn ni na.”

Nnyam 33:11

Le Uwumbɔr len Moses chee tibɔr, le ni bi ke unii ni ujɔ le aah bi len tɔb chee na. Le Moses ki gir buen linampal. Le unachipɔɔn u nan ter u, bi yin u ke Josua aan u ye Nunn aajapɔɔn na ma ti bee Libool ngbaan ni.

Nnyam 34:6

Uwumbɔr nan jer unimbiin ni le ki bui u ke, “Min, U‑ye‑na, min le ye Uwumbɔr u kpa linimbaasaln, kaa gee liŋuul yɔl yɔl na, ki gee binib mbamɔm, ki ŋani maah len pu na.

Ulandaan 8:11

Ba ŋa binib gee ki tun titunwanbir? Naah ye pu na le ye ke baa dar titunwanbirdam aatafal mala ke baah tun ti pu na.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Daniel 4:29

Iŋmal kipiik ni ilee aah jer na, le u nan bi chuun libɔrdichal aapaacham Babiloŋ ni,

Habakuk 2:3

ba pu? tibɔkpiirkaan ngbaan aayoonn aa kee ŋeer ke ti gbiin, ti ye ndoon aabɔr la, le ki ga dan mala ki nan gbiin kina. Nibaakan, ti ga yunn siib, aa mu tee li kii ti, ti ga sil dan kaan yunn.

Rom Yaab 13:11

Ni li ŋani kina man. Ba pu? n‑yoonn mumina ye linimaln aayoonn la. Ni ŋeer ke ni finn ngeen pu ki taa ki san ligbanyakl. Tidindaan aah ga gir ni bundaln na aan ki yunn. Le u ga nyan timi falaa mɔmɔk ponn ni.

Rom Yaab 13:12

Naan yunn, kinyeek ga doo. Kitaak aawoln aa ki daa. Nima pu na, cha ti di cha mbɔmbɔɔn ni aatuln, aan ki li kpa mbimbinyaan mu ŋeer nwiihn na.

Rom Yaab 2:4

U ŋa si tibulchinn sakpen, ki kpa limɔr ni suklaa aa pu. Ba ŋa aa lik u fam? Saa nyi ke Uwumbɔr ban ke aa kpeln saabimbin aa? Nima le cha u ŋa si tibulchinn.

Rom Yaab 9:22

Uwumbɔr aah ŋa pu na, ni bi kina la. U nan ban ke u mɔk binib ke u gee liŋuul titunwanbir pu, ki ban ke bi bee waah kpa mpɔɔn pu na. Nima le u ji limɔr pam binib bi ŋa u liŋuul ki ŋeer ntafadaan na pu.

1 Timoti 1:16

Le Uwumbɔr san mi kinimbaak. Yesu Kristo ŋa suklaa, min u ye titunwanbirdaan ki jer binib mɔmɔk na pu sakpen la. Waah ŋa mi suklaa pu na, nima le mɔk binib bi ga gaa u ki kii ki kan limɔfal li kaa kpa ndoon na, waah kpa suklaa pu na.

1 Timoti 2:4

U ban ke binib mɔmɔk ŋmar, aan ki bee waabɔr ti ye mbamɔn na.

Hiibru Yaab 10:37

Uwumbɔr Aagbaŋ len ke, “Naan yunn, u choo na ga fuu ni, kaan taan.

1 Piita 3:20

Bi nan bi Nowa aayoonn, kaa nan kii Uwumbɔr aamɔb, le u nan jin limɔr bi pu, ki kii n‑yoonn mu Nowa nan ti kpii buŋɔb doo na. Binib biniin baanja le nan koo buŋɔb ngbaan ni, le ki ŋmar nnyun pu.

2 Piita 1:4

ki puu tipuur ti ŋan sakpen na tii timi. Binib kpa iniman la. Nima le titunwanbir bi dulnyaa wee ni. Ni yaa gaa Uwumbɔr aah puu tipuur ti na kan, ni ga nya titunwanbir ngbaan ni, ki gaa Uwumbɔr aabimbin.

2 Piita 3:15

Tidindaan aah jin limɔr, kaa gir ni mala na, ni bee ke u tii binib nsan ke bi ŋmar le waahr, le u nin gir ni. Tinaabogeekoo Pɔɔl mu nan ŋmee kigbaŋ tii ni nimi, ki tuk nimi kina, Uwumbɔr aah tii u nlan pu na.

Tibɔkpiirkaan 2:21

M tii u nsan ke u kpeln waabimbin, u mu aa ban u di cha kidagook aatuln.