2 Piita 3:7 - Uwumbɔr aagbaŋ

⁷ Bi suln ke Uwumbɔr aaliin ichachaan ngbaan le joo paacham ni kitiŋ ki bi dandana wee na, ki nan saa buyoonn u ga see paacham ni taab mmii, ki kuln titunwanbirdam na; liyaadaal ngbaan le u ga ji bi tibɔr ki bii bi.

UWONBƆR A GBƆNPƆŊ LIKƆƆNL

⁷ Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

2 Piita 3:7 ပူးပေါင်းရင်းမြစ်များ

Ilahn 102:26

Kitiŋ ni paacham ga doo, le aa ma ga li beenin bi; ni mɔmɔk ga kpoi ke ŋibɔkul na, aa ga di ni mae ke kikekekpiik na, ni mɔmɔk ga wɔŋ.

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Aisaya 51:6

Waan lik kitaapaak ngbaan; lik taab mu, kitaapaak ngbaan ga wɔŋ ke iŋmanyuu na; le kitiŋ mu ga ji deer ki ti doo ke likekekpokl na, le kaanib ga kpoi ke tisibir na. Le maah ga joo ni ŋŋmarm mu na aan li kpa ndoon; maanyaŋ mu aan li kpa ndoon.

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Daniel 7:9

Maah nan beenin si lik na, le bi di ŋibɔrjal nan siin. Le Uwumbɔr u bi n‑yoonn mɔmɔk na nan kal libɔrjal libaa pu. Waawanpeenkaan nan piin ke nkokoyon na la, le waayikpir mu piin sakpen. Waabɔrjal aataa nan ye mmii la, le ki gaal ke imiigaal na,

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Matiu 10:15

M tuk nimi mbamɔn la, bundaln Uwumbɔr ga nan ji binib tibɔr na, binib ngbaan aatafadaan ga jer Sodom ni Gomora aatim aanib aatafadaan.”

Matiu 11:22

M tuk nimi la, bundaln Uwumbɔr ga ji binib tibɔr na, nimi aatafadaan ga jer Taya ni Saidonn aatim aanib aatafadaan.

Matiu 11:24

M tuk nimi la, bundaln Uwumbɔr ga ji binib tibɔr na, nimi aatafadaan ga jer Sodom aatiŋ aanib aatafadaan.”

Matiu 12:36

“M tuk nimi la, bundaln Uwumbɔr ga ji binib tibɔr na, liyaadaal ngbaan le bi ga kpiir baah nan len tibɔr yɔl yɔl ti na mɔmɔk ki tuk Uwumbɔr.

Matiu 24:35

Paacham ni taab ga jer. Maamɔbon ma aan jer.”

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Tibɔnyaan ti Mak ŋmee ti na 6:11

Kitiŋ kibaa aanib yaa kaa gaa nimi, ki yaa yii nimi aabɔr kan, ni nya nima, ki kpaar nitaa aatatan lii nima. Nimina le ga li ye nsurm ki tii bi.”

Jɔnn 12:48

Unii umɔk yii mi, kaa gaa maaliin na kan, tiwan nibaa bi ki ga mɔk ke waabɔr bii a. Kookoo aataadaal kan, maaliin le ga mɔk ke waabɔr bii,

Rom Yaab 2:5

Le aatafal pɔɔ. Saa ban ke aa kpeln aasui. Nima le Uwumbɔr ga moo daa aatafal, bundaln u ga gee liŋuul binib aanimbil ni ki ji bi tibɔr mbamɔm na.

1 Korenti 3:13

Binib mɔmɔk aatuln ga nan nya mpaan pu. Bundaln Uwumbɔr ga ji binib tibɔr na, liyaadaal ngbaan ga mɔk baatuln aah ye pu na. Liyaadaal ngbaan mmii aataak daal le na. Mmii ngbaan ga tɔŋ lik binib mɔmɔk aatuln aah bi pu na.

Filipi 1:28

Ni taa san nimi aadim ijawaan man. Nima le ga mɔk bi ke bi ga kan ntafadaan mu kaa kpa ndoon na, ki ga mɔk nimi ke Uwumbɔr ga gaa nimi lii.

2 Tesalonika 2:3

Ni taa cha ubaa ŋmann nimi kina; buyoonn binib pam ga yii Uwumbɔr na le ga puen fuu ni, le Tidindaan aawiindaal nin fuu ni. Uja u yii Uwumbɔr aakaal mɔmɔk na, u mu ga puen nya mpaan pu. Uwumbɔr siin u ntafadaan la.

1 Timoti 6:9

Binib bi aanimbil man liwankpal pu na ga kan ntɔŋ, ki lir. Binimbil ga li man kijɔrk aawan sakpenn le pu. Ni ye fam la, ki ga bii bi. Tiwan ngbaan aaboln le cha binib bee fam ki kan ntafadaan mu kaa kpa ndoon na.

Hiibru Yaab 12:29

Ba pu? timi Aawumbɔr bi ke mmiigaal mu ji tiwan ni kaa ŋan na mɔmɔk na la.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

2 Piita 3:10

Tidindaan aawiindaal ga fuu ni ke unaayuk aah fuur ni pu na la. Liyaadaal ngbaan le paacham ga faa kifuuk sakpen ki jer. Mmii mu ton sakpen na ga donn paacham aawan mɔmɔk. Kitiŋ, ni tiwan nimɔk bi kitiŋ pu na mu ga gaa mmii.

2 Piita 3:12

ki li lik Uwumbɔr aawiindaal aah ga fuu ni buyoonn na, ki cha ninimbil li man nwiin ngbaan pu. Liyaadaal ngbaan, le paacham ga gaa mmii ki donn. Mmii mu ton sakpen na ga donn paacham aawan mɔmɔk.

1 Jɔnn 4:17

Ti gee binib mbamɔm ke ti li kpa lipobil bundaln Uwumbɔr ga ji binib tibɔr na. Ba pu? Yesu aah bi pu na, ti mu bi kina le dulnyaa wee ni.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Tibɔkpiirkaan 17:11

Upeel u nan bi, kaa ki bi na le ŋaŋ ubɔr niniin, ki ye bibɔrb bilole ngbaan ponn ni ubaa, ki cha nin chee bi ga kuln u na.

Tibɔkpiirkaan 17:8

Upeel u kpa ŋiyil ŋilole ni iyiin kipiik aan aa kan u na, u nan bi, kaa ki bi. Ni yaa kpee siib kan, u ga nyan ni libuul li nyoo kaa kpa limɔk na ni, ki cha nin chee bi ga kuln u. Le dulnyaa ni aanib bi aayimbil aa ŋmee limɔfal aagbaŋ ni buyoonn Uwumbɔr aa nan kee naan dulnyaa wee na, yaa kan upeel ngbaan kan, ni ga gar bi pam; ba pu? u nan bi, kaa ki bi, ki ga ki gir ni.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Tibɔkpiirkaan 21:1

Le m kan paacham pɔɔn, ni kitipɔŋ; njan aapaacham, ni njan aatiŋ na jer a. Nnyusakpem mu aa ki bi.