2 Piita 3:4 - Uwumbɔr aagbaŋ

⁴ ki ga bui ke, “Yesu Kristo aah puu tipuur ti ke u ga gir ni na, u bi la chee? Buyoonn titetiib nan kpo ki nan saa dandana wee na, tiwan mɔmɔk beenin bi ke naah nan bi pu buyoonn Uwumbɔr naan dulnyaa wee na la.”

UWONBƆR A GBƆNPƆŊ LIKƆƆNL

⁴ Bi na li len ke, “Waah nan siin limɔsiinl ke u li dan nin, u dam nmɔn be laa? Hali ti baam a kum a bɔɔn ki nan kpaa daandaan nan, niwann biɛn le la be le ke dulinya a naan yonn nin.”

2 Piita 3:4 ပူးပေါင်းရင်းမြစ်များ

Mpiin 19:14

Le Lot san buen uchootiib bilee bi nan ban bi yoor ubisatiib na chee, ki ti bui bi ke, “Ŋa mala ki san nya do man. Uwumbɔr ban u bii kitiŋ kee la.” Le bi nan dak ke Lot ŋmanni bi la.

Ulandaan 1:9

Tiwan ni puun dan na ga ki gir dan. Tiwan ni puun ŋa na ga ki gir ŋa. Tiwan nibaa aa bi dulnyaa wee ni ki ye tiwapɔnn.

Ulandaan 8:11

Ba ŋa binib gee ki tun titunwanbir? Naah ye pu na le ye ke baa dar titunwanbirdam aatafal mala ke baah tun ti pu na.

Jeremia 17:15

Le binib ngbaan bui mi ke, “Uwumbɔr aah faani timi pu na bi la chee? Cha u ŋa waah faani timi pu na.”

Esekiel 11:3

Bi len le ke, ‘Naan yunn le ti ga ki piin ŋidichal aamaam. Kitiŋ kimina bi ke likumbuul na la, timi le ye tinann ti bi li ponn ni na, li mu tee lek timi mmii.’

Malakai 2:17

Ni cha Uwumbɔr ti kpaan bak naah len tibɔr pu na pu. Tɔ, le ni baa ke, “Ti ŋa kinye ki tii u tibakr?” Naah len tibɔr pu na, le ni tii u tibakr; ba pu? ni len ke “Uwumbɔr Mpɔɔnsakpiindaan dak ke titunwanbirdam mɔmɔk ŋan le na; ke mbamɔn, u gee bi la,” ki ki len ke, “Uwumbɔr u tii binib ibamɔn na bi la chee?”

Matiu 16:27

Min Unibɔn Aabo ga fuu ni ki ga li kpa Nte Uwumbɔr aapɔɔn. Le Uwumbɔr aatuuntiib ga li dii mi. N‑yoonn ngbaan le m ga tii binib mɔmɔk lipal, baatuln aah ŋeer pu na.

Matiu 16:28

M tuk nimi mbamɔn la, binib bi si do na ponn ni bibaa aan kpo see bi puen kan min Unibɔn Aabo jin maanaan waahr.”

Matiu 24:28

“Liwankpol aah bi nin chee na, nangba mam mu kuuni nima chee la.”

Matiu 24:48

Tɔ, ututunn yaa ye titunwanbirdaan kan, u ga dakl usui ni ke udindaan ga yunn,

Tibɔnyaan ti Mak ŋmee ti na 10:6

Uwumbɔr le aa len kina. Buyoonn u nan naan dulnyaa wee na, u nan naan uja ni upii.

Tibɔnyaan ti Mak ŋmee ti na 13:19

N‑yoonn ngbaan, binib ga ji falaa sakpen a. Buyoonn Uwumbɔr nan naan dulnyaa na, ki nan saa dandana wee na, baa kee jin falaa ngbaan aaboln, ki mu aan ki ji falaa kina.

Tibɔnyaan ti Luk ŋmee ti na 12:45

Tɔ, ututunn ngbaan mu yaa dak usui ni ke udindaan ga yunn, ki yaa piin ki gbaa ututuŋeen aatɔtiib, bijab ni bipiib mɔmɔk, ki ji ki nyu ndaan gbii kan,

Lituln 7:60

le ki gbaan utaaŋaayil pu, le ki teen mpɔɔn pu, “Tidindaan, taa teen bi baah ŋa bakaa u na.” Waah len kina na, le u kpo.

1 Tesalonika 2:19

Tidindaan Yesu yaa nan gir ni kan, bilabi pu ti ga li kpa limakl, ni mpopiin, ni kipupuk unimbiin ni?

2 Piita 3:12

ki li lik Uwumbɔr aawiindaal aah ga fuu ni buyoonn na, ki cha ninimbil li man nwiin ngbaan pu. Liyaadaal ngbaan, le paacham ga gaa mmii ki donn. Mmii mu ton sakpen na ga donn paacham aawan mɔmɔk.

Tibɔkpiirkaan 3:14

“Ŋmee kigbaŋ tii maanib bi bi Laodisea aatiŋ ni na aatuun ke min Yesu u ye mbamɔn, ki len ibamɔn, ki ye Uwumbɔr aah nan naan tiwan ni mɔmɔk na aayidaan na, le len tibɔr timina: