2 Piita 3:13 - Uwumbɔr aagbaŋ

¹³ Uwumbɔr mu aah nan puu tipuur ti na, ti kpa limakl ke paacham pɔɔn ni kitipɔŋ ga li bi. Nima chee le tiwan mɔmɔk ga li bi mbamɔm.

UWONBƆR A GBƆNPƆŊ LIKƆƆNL

¹³ Amaa taah ŋmag U mɔsiinlin, tim le guu papaab pɔŋ nin tum pɔŋin le, bibuchim a niin yin.

2 Piita 3:13 ပူးပေါင်းရင်းမြစ်များ

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 65:17

Uwumbɔr ki bui ke, “M ki bi naani kitipɔŋ ni kitaapaapɔŋ la. Ubaa aan ki teer n‑yoonn mu jer na aabɔr.

Aisaya 65:25

Takɔ tiib ni ipihbi ga kpaan ji; ichinn ga ŋmɔ timoor ke inaa aah ŋmɔ pu na, le iwaa mu aan ki li bir. Maagongoln Sionn li bi chain na pu, nibaa aan li bi li paab ki bir.”

Aisaya 66:22

“Kitaapaapɔŋ ni kitipɔŋ aah ga yunn maapɔɔn pu pu na, kina le niyaabitiib ni nimi aayimbil ga yunn.

Rom Yaab 8:21

Uwumbɔr mu tii tiwan ni u naan ni na limakl ke ni ga ŋa tiwan ni kaan bur na, ki kan lifuur nyaan ke Uwumbɔr aabim aah kan pu na.

2 Piita 1:4

ki puu tipuur ti ŋan sakpen na tii timi. Binib kpa iniman la. Nima le titunwanbir bi dulnyaa wee ni. Ni yaa gaa Uwumbɔr aah puu tipuur ti na kan, ni ga nya titunwanbir ngbaan ni, ki gaa Uwumbɔr aabimbin.

Tibɔkpiirkaan 21:1

Le m kan paacham pɔɔn, ni kitipɔŋ; njan aapaacham, ni njan aatiŋ na jer a. Nnyusakpem mu aa ki bi.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.