2 Piita 2:7 - Uwumbɔr aagbaŋ

⁷ U nan gaa Lot lii; ba pu? u nan ye uninyaan; le titunwanbirdam na aah tun tijɔŋ aatuln pu na, ni muk u sakpen a.

UWONBƆR A GBƆNPƆŊ LIKƆƆNL

⁷ Le U nan fee Lɔɔr wan nan ye ubuchin wee ban bii nsiimin nan mugir win gab,

2 Piita 2:7 ပူးပေါင်းရင်းမြစ်များ

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Mpiin 19:16

Lot aa nan ŋa mala. Le Uwumbɔr nan san u kinimbaak, le bijab bilee ngbaan nan chuu u ni upuu, ni ubisatiib bilee na aaŋaal, le ki dar bi nyan kitiŋ ngbaan ni.

Mpiin 19:22

Ŋa mala ki li san man. Ni yaa kaa fuu kitiwaatiir ngbaan ni kan, maan ŋmaa tun maah ban m ŋa pu na.” Lot aah nan yin kitiŋ ngbaan ke kitiwaatiir na, le bi yin ki ke Soar.

Mpiin 19:29

Tɔ, Uwumbɔr aah nan bii kifataŋ aatim mu Lot nan koo na, u nan teer Abraham bɔr, le ki gaa unaal aajapɔɔn Lot lii.

Mpiin 19:5

Bi nan tar, le ki baa Lot ke, “Bijab bi bi aado kinyeek kee na bi la chee? Nyan bi tii ni timi. Ti ban ti doon bi chee la.”

Ilahn 120:5

Ni chee aakookoon aa ŋan ke unii u koo Mesek ni, kaa ŋan ke unii u koo Kedar aanib chee na la.

Jeremia 23:9

Nsui mɔmɔk bii a, le m si jii. Uwumbɔr pu, ni waabɔnyaan pu, le m gur bi ke udagbiir, ki bi ke unii u nyun ndaan sakpen na.

1 Korenti 10:13

Naa kee kan ntɔŋ mu pɔɔ ki jer unibɔn mɔk aah kani pu na. Uwumbɔr ye mbamɔndaan, kaan cha ni kan ntɔŋ mu jer nimi na. Ni yaa kan ntɔŋ kan, u ga toor nsan tii nimi, ni nyaŋ ntɔŋ ngbaan. Nima le ni ga li kpa limɔr ntɔŋ ponn ni.

2 Piita 2:18

Bi len kalmbaani aaliin i ye fam na, ki ŋmanni binib bi kaa dii Uwumbɔr aasan ni yunn na, ki tɔŋni bi ke bi ŋa tiwon aah gee pu na ki gɔr kidagook,

2 Piita 2:2

Binib pam ga dii baasanwanbir ngbaan. Bi pu le binib ga sii mbamɔn aasan na.

2 Piita 3:17

Maanigeekaab, ni puen bee baah ŋani pu na. Naah dii mbamɔm pu na, ni li nyi man, ki taa dii titunwanbirdam aanyamɔn aan ki yenn.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.