2 Piita 2:4 - Uwumbɔr aagbaŋ

⁴ Hali Uwumbɔr aatuuntiib bi nan tun titunwanbir na, Uwumbɔr aa nan di cha bi, u daa bitafal la. U buu bi idɔribi, ki di bi lii mmii mu kaan junn na ni, mbɔmbɔɔn ni, bi li bi nima ki ti saa bundaln u ga ji bi tibɔr na.

UWONBƆR A GBƆNPƆŊ LIKƆƆNL

⁴ Ni ma bu Uwonbɔr kaa nan jiɛn malakam ban nan tun tibirin nni, amaa le ki nan ta bi jaa nŋmi-n, nan yaan wee ntuton be-n wee bi nan kan tibɔr a jim.

2 Piita 2:4 ပူးပေါင်းရင်းမြစ်များ

Job Aagbaŋ 21:30

Bundaal aan Uwumbɔr aaŋuul fii aan u dar binib aatafal na, bibiindam le ŋmar n‑yoonn mɔmɔk.

Job Aagbaŋ 4:18

Uwumbɔr aa tii waatuuntiib naadii; u kani waatuuntiib aataani.

Ilahn 78:50

Waa ki chuu waaŋuul, kaa di cha baamɔfal; u cha iween ku bi.

Aisaya 14:12

Babiloŋ aabɔrkpaan, aa nan ye ke kichakpiik ni aaŋmabil na, le dandana aa nyan kitaapaak ki ker lir ni kitiŋ. N‑yoonn mu jer na, aa nan chur ŋitimbol tinaagbiir, le dandana ma, bi mee si lii kitiŋ.

Esekiel 5:11

“Kina pu na, maah ye Uwumbɔr u bi n‑yoonn mɔmɔk na, ki ye Aadindaan Uwumbɔr, maamɔboln sɔ: naah di titunwanbir, ni tiwan ni sukr ponn ni na bii Maameen Aadichal na, m ga kuln nimi kaan san nimi kinimbaak.

Esekiel 7:4

Maan san si kinimbaak, kaan di cha si. M ga daa aatafal saah tun ŋitun ŋi aan ŋi sukr ponn ni na pu, le aa bee ke min le ye Uwumbɔr.”

Esekiel 7:9

Maan san nimi kinimbaak, kaan di cha nimi. M ga daa nitafal, nimi aatun ŋi sukr ponn ni na pu, le ni bee ke min le ye Uwumbɔr, ki bee ke min le dar nitafal.”

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Matiu 8:29

Baah kan Yesu na, le bi teen ke, “Sin, Uwumbɔr Aajapɔɔn, aa ban ba ti chee? Aa dan do ke aa nan ŋa timi falaa n‑yoonn aah kaa kee ŋeer buyoonn aa?”

Tibɔnyaan ti Mak ŋmee ti na 5:7

Le Yesu bui ke, “Tiyayaar, nyan uja ngbaan ni.” Le u teen ki len mpɔɔn pu ke, “Yesu, si u ye Uwumbɔr u kaa kpa ŋeen aatɔ na Aajapɔɔn na, aa ban ba m chee? M gaŋ si Uwumbɔr pu, taa ŋa mi falaa.”

Tibɔnyaan ti Luk ŋmee ti na 10:18

Le u bui bi, “M kan kinimbɔŋ nyan ni paacham ki ŋa yɔli ke utaal aah moor ki lir pu na.

Tibɔnyaan ti Luk ŋmee ti na 8:31

Le tiyayaar ngbaan gaŋ Yesu ke u taa bui ti ke ti buen libuul li nyoo na ni.

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Rom Yaab 11:21

U nan daa Juu yaab aatafal. Ni li nyi ke u ga ŋmaa daa ni mu aatafal.

Rom Yaab 8:32

Uwumbɔr aa yii ke waan tii timi Ujapɔɔn. U nan di Ujapɔɔn ŋa binib aaŋaal ni ke u ti kpo ti mɔmɔk aatunwanbir pu la. Waah tii timi Ujapɔɔn na, u ga ki tii timi tiwan mɔmɔk ki kpee.

Ikaal 29:20

Le Uwumbɔr aan di cha pinn udaan ngbaan. Waaŋuul ga fii u pu ke mmiigaal na, le tibɔbir ti mɔmɔk bi kigbaŋ kimina ni na ga lir udaan pu, le Uwumbɔr ga kuln u doo.

2 Piita 2:11

Uwumbɔr aatuuntiib kpa mpɔɔn ki jer bi, ki mu aa galn bi, kaa seei bi Tidindaan aanimbiin ni.

2 Piita 2:5

Waa nan di cha dulnyaakpok aanib mu. U nan cha nnyun jin dulnyaakpok, ki kuln binib bi kaa san u na; ki gaa Nowa u nan mooni waabɔnyaan na lii; ki gaa binib bilole lii ki kpee Nowa pu.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

1 Jɔnn 3:8

Unii umɔk tun titunwanbir n‑yoonn mɔmɔk na, u ye kinimbɔŋ aanii la. Ba pu? kinimbɔŋ aah nan piin buyoonn na, ki po tun titunwanbir la. Uwumbɔr Aajapɔɔn aah nan dan dulnyaa wee ni na, u nan dan ke u nan ŋa kinimbɔŋ aatuln yɔli la.

Juud 1:13

Bi tun inimɔɔn aatuln la, ki naahn nnyusakpem aanyunkpenn ti ŋani tipupukr ni tijɔŋ nnyun aagbaan na la, ki ki naahn ŋiŋmabil ŋi kaa chuun ŋaasan ni na. Uwumbɔr ga di bi ŋa mbɔmbɔɔn ni, n‑yoonn mu kaa kpa ndoon na.

Juud 1:6

Teer man, Uwumbɔr aatuuntiib bi nan di cha Uwumbɔr aah tii bi lituln li na, ki nyan ni bido paacham na aabɔr. Uwumbɔr nan buu bi tikululn ti baan ŋmaa buur ti na, ki di bi ŋa mbɔmbɔɔn mu bi kitiŋ aataab na ni, ki nan saa nwiin mundaln u ga ji bi tibɔr ki siin bi ntafadaan na.

Tibɔkpiirkaan 20:10

Le Uwumbɔr chuu kinimbɔŋ ki ŋmann bi na, ki di ki ŋa chirbil aamii ni, upeel ngbaan ni waabɔnabr u nan ŋmanni binib na aah bi nin chee na. Le bi ga ji falaa, nwiin pu ni kinyeek ki ti saa n‑yoonn mu kaa kpa ndoon na.