2 Piita 2:3 - Uwumbɔr aagbaŋ

³ Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

UWONBƆR A GBƆNPƆŊ LIKƆƆNL

³ Tibɔkardam a jaŋuuŋ nbu, bi na li teen iteen baah li ŋa man ki ji ni dulim, nan na yin bii bin a sili pii beera, le nan yin bii bin kaa dɔ jiɛn ni.

2 Piita 2:3 ပူးပေါင်းရင်းမြစ်များ

Job Aagbaŋ 6:27

Aa too inaan unaagbiikpobo pu, le ki di aajɔnyaan kan liwankpal.

Ilahn 18:44

Biwɔwɔm gbaani nnimbiin ni la; m yaa len kan, bi keei maamɔb la.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Ilahn 81:15

Binib bi nan mi na ba ga san ijawaan ki nan gbaan nnimbiin ni; baatafadaan aa ba ga li kpa ndoon.

Aisaya 5:19

Le ni len ke, “Cha Israel yaab Aawumbɔr u bi chain na ŋa mala ki ŋa waah bui ke u ban pu na, aan ti kan ni, aan ki bee waalandak.”

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Aisaya 60:22

Hali Jerusalem aadichawaatiir li bi ki bi suuna na ga kpaln litimbol li kpa mpɔɔn sakpen na la. N‑yoonn mu ŋeer na yaa fuu ni kan, m ga cha kina ŋa woween. Min le ye Uwumbɔr.”

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Jeremia 8:10

Kina pu le m ga di baakpaakon tii bikpaacham, ki di bipuutiib tii bijab biken. Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil. Hali maabɔnabtiib ni bitotoorb ji binib la.

Esekiel 13:19

Ni jinn mi inimɔɔn maanib aanimbiin ni ke ni kan njikaabim ni ŋiboroboro kpin siib. Ni ku binib bi kaa ba ye ke bi kpo na, le ki tee cha binib bi ba ye ke bi kpo na kpa limɔfal. Ni geei inyamɔn tuk maanib, le bi keei tii nimi.”

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Habakuk 3:3

Uwumbɔr ki nyan ni Edom aatiŋ ni ki choo; Uwumbɔr u ye chain na nyan ni Parann aagongon pu ki choo. Waanyuun gbiin paacham, le waapak mu gbiin kitiŋ kee pu.

Malakai 1:10

Uwumbɔr Mpɔɔnsakpiindaan ki bui ke, “M ba neen ke ni ponn ni ubaa laŋ Maadichal aajaaleŋ tiib, aan ni taa ki ŋmaa koo ki ti tuur mmii mu kaa kpa tinyoor tibaa na maatork aabimbiln paab. Nsui aa piin ni pu; maan gaa ipiin i ni joo nan tii mi na.

Matiu 23:14

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni ji bikpopiib pem pem, le ki mee Uwumbɔr ni yunni, ni ŋmanni ke ni ye bininyaam. Nima pu na, Uwumbɔr ga daa nitafal ki jer waah ga daa biken aatafal pu na.]

Tibɔnyaan ti Luk ŋmee ti na 18:8

M tuk nimi la, u ga tii bi baabamɔn mala. Min Unibɔn Aabo mu yaa nan gir ni kan, m ga kan binib beenin tii mi naadii dulnyaa wee ni ii?”

Tibɔnyaan ti Luk ŋmee ti na 20:20

Le bi ban nsan mu pu bi ga chuu u na, ki di bipepekb tun u chee, bi ti ŋmann ke bi ye bininyaam la, aan ki pen u nlan, aan ki chuu u, ki di ŋa kitiŋ ngbaan aayidaan aaŋaal ni.

Tibɔnyaan ti Luk ŋmee ti na 22:47

Waah laa bi len kina na, le kinipaak fuu ni bi chee. Judas u ye waadidiliib kipiik ni bilee ponn ni ubaa na, loln kinipaak ngbaan pu nsan, le ki buen Yesu chee ke u moor utakpiln.

Jɔnn 2:16

U nan tuk binib bi kooh ŋinanjel na, “Di ŋinanjel ngbaan nyan lipaal man. Ni taa ki di Nte Uwumbɔr Aadichal ŋa kinyaŋ.”

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

2 Korenti 2:17

Ti mu aa mooni Uwumbɔr aabɔr ŋimombil pu ke binib pam aah ŋani pu na. Uwumbɔr le tun timi ke ti moon waabɔr. Nima pu le ti ye binib bi len mbamɔn na, ki mooni Uwumbɔr aabɔr unimbil ni, Kristo aapɔɔn pu.

Ikaal 24:17

“Ni taa cha biwɔwɔm, ni nkpobim lann baabamɔn, ki taa gaa ukpopii aawanpeenkaan, waah pinn aa chee tiwan ni pu na, ki bui ke see u pan saawan tii si, le aa nin giin tii u.

Ikaal 32:35

Le Uwumbɔr ga teen bi, ki daa bitafal. N‑yoonn choo, le bi ga nan lir; bundaal bi ga kuln na aa ki daa.

1 Tesalonika 2:5

Ni nyi ke taa nan gbaa nimi mmɔmɔɔn aabɔr. Uwumbɔr nyi ke taa nan ye inimandam bi ŋmanni, ke binib taa bee ke ti ye na.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

1 Timoti 3:3

U taa li ye udagbiir, ki taa gbaa binib [ki taa li kpa iniman]. U li bi suuna ki taa li kpa kinikpakpak. Unimbil taa li man ŋimombil pu.

1 Timoti 3:8

Tɔ, ki joo cha Yesu aanib aateterb wɔb na, ni ŋan ke bi mu li kpa laasaab. Bi taa len fam fam. Bi li ŋani baah len pu na. Bi taa li ye bidagbiib. Binimbil taa li man ŋimombil pu.

1 Timoti 6:5

Le binib bi dak ilandakbir na kpak tɔb kinikpakpak. Baa ki nyi mbamɔn. Bi dak ke Uwumbɔr aasan ye liwankpal aasan la. [Nya binib ngbaan chee.]

Taitus 1:11

Ni ŋan ke aa cha bi ŋmin; ba pu? bi mɔk binib mmɔkm mu kaa ba ye bi mɔk bi na, ki cha ŋidichal ŋibaa ponn ni aanib mɔmɔk yenn. Ŋimombil pu, le bi ŋani kina. Naa ŋan.

Taitus 1:7

Uwumbɔr aanib bi baaninkpel aaŋaal ni la, nima pu le ni ŋan ke u taa li kpa taani ubaa, ki taa li tun uma ubaa aageehn, ki taa li ye liŋuuldaan, ki taa li ye udagbiir, ki taa gbaa binib; unimbil taa li man ŋimombil pu.

1 Piita 2:8

ki ki len ke, “Binib bibaa ga gbeer litakpal ngbaan ki lir. Litakpal ngbaan pu le bi ga lir.” Baa kii Uwumbɔr aabɔr; nima le cha bi lir, waah siin bi pu na.

1 Piita 5:2

ni li ter Uwumbɔr aanib bi bi nido na, ke upihkpaal aah lik waapiih pu na. Ni taa ter bi limukl aaterm. Ni li ter bi nimi aageehn, Uwumbɔr aah ban pu na. Ni taa ter bi ŋimombil pu, ni li ter bi ni mpopiin.

2 Piita 1:16

Ti nan tuk nimi ke Tidindaan Yesu Kristo kpa mpɔɔn sakpen ki ga ki gir ni. Taah tuk nimi pu na aa ye itiin. Ti gbii la. Tinimbil kan waah kpa mpɔɔn sakpen pu na.

2 Piita 2:1

Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

2 Piita 2:9

Tɔ, nimina mɔmɔk le mɔk timi ke Tidindaan ga ŋmaa nyan binib bi san u na ntɔŋ ni, ki ga ŋmaa li dar titunwanbirdam aatafal ki ti saa bundaln u ga ji bi tibɔr na.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.

Juud 1:15

ki nan ji binib mɔmɔk tibɔr, ki ga bii titunwanbirdam mɔmɔk; ba pu? bi yii Uwumbɔr, ki tun titunwanbir waah kaa gee pu na, ki len tibɔbir u pu.”

Juud 1:16

Bibiindam ngbaan ŋulni n‑yoonn mɔmɔk; tiwan nibaa aa mɔ bi chee. Bi dii tiwan ni kaa ŋan na aakpeek, ki len mpɔɔn pu ki kpa kipupuk, ki pak biwankpadam, ŋimombil pu.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.