2 Piita 2:21 - Uwumbɔr aagbaŋ

²¹ Bi yaa kaa ba nyi nsanyaan ngbaan kan, ni ba ga li soor ni baah nyi mu aan ki yii Yesu aabɔnyaan ti bi ŋun na.

UWONBƆR A GBƆNPƆŊ LIKƆƆNL

²¹ Ni ye baa bi nyi tibuchinn a samin ke, ni bi li ŋan ki sei bi ki jon nin baah nyi mi wee ki labir bi bɔɔn ki kpaa kasi a siim man wee bi nan ta sei bi nna.

2 Piita 2:21 ပူးပေါင်းရင်းမြစ်များ

Ilahn 125:5

Tɔ, aa yaa nan daa bibiindam aatafal kan, aa daa binib bi yii saasan na mu aatafal. Nsuudoon li bi Israel yaab pu.

Ilahn 85:8

M bi pel Ndindaan Uwumbɔr aah len pu na la; u puu ke u ga tii timi waanib nsuudoon; ti mu taa ki gir buen timi aajɔrk ponn ni.

Ŋiyataŋak 12:28

Mbimbinyaan le ye nsan mu cha limɔfal ni na; le mbiin ye nsan mu cha nkun ni na.

Ŋiyataŋak 16:31

Binib bi aabimbin ŋan na aapar le ye limɔfal li fɔk na, iyikpipiin ye tiwan ni ŋan ki kpa kipak na la.

Esekiel 18:24

“Tɔ, uninyaan yaa di cha waatunyaan aatum ki piin ki tun titunwanbirdam aatun ŋi mɔmɔk sukr ponn ni na kan, u ga li beenin kpa limɔfal aa? Aayii. Maan ki teer waatunyaan na mɔmɔk libaa bɔr. U ga kpo waah kaa dii maamɔkm pu na ni waatunwanbir pu la.

Esekiel 23:13

M nan kan ke waaninsuŋ nan ti nyaŋ, ki kan ke u nan bii ke ukpel na la.

Esekiel 3:20

“Unibamɔnn ubaa yaa piin ki bi tun titunwanbir aan m di u siin mbimbin mu bir na ni, aan saa sak u kan, u ga kpo. Waatunwanbir pu le u ga kpo, maan teer waatunyaan na bɔr, le m ga chuu si taani waakun pu.

Esekiel 33:13

M ga ŋmaa puu limɔfal aapuur tii uninyaan, tɔ, u yaa piin ki dak ke waajan aatunyaan na ŋeer, ki piin ki tun titunwanbir kan, maan ki teer waajan aatunyaan ŋi u nan tun na bɔr. U ga kpo waatunwanbir pu.

Sefania 1:6

M ga kuln binib bi mɔmɔk fenn bipuwɔb tii mi, kaa ki dii mi na, bima le aa ki choo m chee ke m nan li mɔk bi nsan na.”

Matiu 21:32

Ba pu? Jɔnn nan dan ni chee ki nan tuk nimi nsan mu ŋan na. Le naa gaa u ki kii. Bilampoogaab ni bipiidagoob le gaa u ki kii. Ni nan kan baah gaa u ki kii pu na, le naa kpeln nimi aabimbin, kaa gaa u ki kii.”

Tibɔnyaan ti Luk ŋmee ti na 12:47

“Ututunn u nyi udindaan aah ban pu na, kaa gor, kaa ŋani kina na, bi ga gbaa u sakpen.

Jɔnn 15:22

M yaa kaa ba dan dulnyaa ni ki nan tuk bi maabɔr kan, baa ba ga li kpa taani; naah bi pu na, bi kpa taani; ba pu? maah tuk bi maabɔr na, baan ki ŋmaa len ke baa nyi ti.

Jɔnn 9:41

Le u bui bi, “Ninimbil yaa kaa ba woln kan, naa ba ga li kpa ngalm. Le ni len ke ninimbil woln, nima pu le ni kpa ngalm.”

Rom Yaab 7:12

Uwumbɔr aakaal bi chain la. Uwumbɔr aah tuk timi ke ti ŋa pu na le bi chain, ki bi mbamɔm, ki ŋan.

Galantiya 6:2

Kii Kristo aakaal mbamɔm man, ki li ter tɔb nimi aamuk ponn ni.

1 Tesalonika 4:2

Ni bee taah nan sur nimi pu Tidindaan Yesu aayimbil pu na.

1 Timoti 6:14

ke aa tun Uwumbɔr aah tii si lituln li na mbamɔm, ki li bi chain, ki taa li kpa taani ubaa, ki nan saa Tidindaan Yesu Kristo aah ga gir ni buyoonn na.

Hiibru Yaab 10:26

Tɔ, unii yaa gaa Uwumbɔr aabɔr ki nyi waah ban pu na, ki yaa ki yii ki tun titunwanbir kigaak pu kan, kitork kibaa aa ki bi ki ga cha Uwumbɔr di cha pinn u.

Jemisi 4:17

Nima pu na, unii yaa nyi lituln li ŋan na, kaa ŋani li kan, u tun titunwanbir le na.

2 Piita 3:2

M ban ke ni li teer tibɔr ti Uwumbɔr aabɔnabnyaam nan len n‑yaayoonn na, ki li teer Tidindaan u gaa timi lii na aabɔr ti timi waakpambalb tuk nimi na.

Juud 1:3

Maanigeekaab, nnimbil nan man ke m ŋmee kigbaŋ ki tuk nimi Uwumbɔr aah gaal timi lir pu na aabɔr tii nimi. M mu aa ŋmee kina; ba pu? ni muk mi ke m ŋmee kigbaŋ ki gaŋ nimi ke ni li pɔɔni nibaa ki li joo Uwumbɔr aabɔr, ki yii binib bi bii ti na. Uwumbɔr le nan di tibɔr ngbaan tii waaninyaam. Ubaa taa kpeln ti.