2 Piita 2:14 - Uwumbɔr aagbaŋ

¹⁴ Binimbil yaa kan upii kan, bi ban u la, kaan ŋmaa di cha titunwanbir. Bi ŋmanni binib bi kaa nyi Uwumbɔr aasan mbamɔm na ke bi yenn. Bisui bae iniman la. Uwumbɔr aamɔpuur bi bi pu la.

UWONBƆR A GBƆNPƆŊ LIKƆƆNL

¹⁴ Bi num gbee iwanchɔgin toon le, baa jiɛn tibir a tumi; le ki lar ban kaa si bogiliba-n; ki ye ban nyi kujaŋuuŋ a toon, limɔpool be bi bu!

2 Piita 2:14 ပူးပေါင်းရင်းမြစ်များ

Job Aagbaŋ 31:7

M yaa fenn mpuwɔb tii nsanyaan, bee m di mbaa tii kinimbɔŋ ki cha ŋŋaal meeh titunwanbir kan,

Job Aagbaŋ 31:9

Nlaasaab yaa koo ŋŋeen aatɔ aapuu ni, ki yaa tam ki kii u waabisamɔb kan,

Ŋiyataŋak 5:6

Waa bi limɔfal aasan ni; le ki nya do ki ti nya do kaa nyi tiwan ni bi ŋani na.

Ŋiyataŋak 6:25

Taa cha baanyaan chuu si, ki taa cha baadagoonimbil chuu si.

Aisaya 1:16

Kpeln nimi aabimbin man. Di cha man nimi aatunwanbir ti m kan ni ŋani ti na. Mbamɔn, di cha man,

Aisaya 34:5

Uwumbɔr toor waajaak aajuk paacham, le dandana ki ga gaa Edom yaab, binib bi u bui ke bi ga doo na.

Aisaya 65:20

Mbim aan ki kpo tibipɔnn ni, le binib mɔmɔk ga fuu baakundaal le ki nin kpo. Binib bi ti saa ŋibin nkub ki kpo na ga laa li ye binachipɔm la. Binib bi kpo kaa fuu ŋibin nkub na ga li ye limɔkl ke m daa bitafal la.

Jeremia 13:23

Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Esekiel 13:18

ki bui bi Bidindaan Uwumbɔr aah tuk bi pu na: “Bipiib, nimi aamɔfal junn a. Ni ŋal inyɔk aaŋaagaal tii unii mɔmɔk, ki ŋani inyɔk aayibubuur tii bi ke bi li joo buu aan ki li kpa binib biken aamɔfal pu mpɔɔn. Ni ban ke ni li kpa limɔfal ni nkun aapɔɔn maanib pu, ki li joo kina kani nimi aanyoor.

Matiu 12:34

Nimi ikuub aabim, ni ye titunwanbirdam la. Ni ga ŋa kinye ki len iliin i ŋan na? Ilandak i gbii unii aasui ni na, ima le u ga len.

Matiu 23:14

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni ji bikpopiib pem pem, le ki mee Uwumbɔr ni yunni, ni ŋmanni ke ni ye bininyaam. Nima pu na, Uwumbɔr ga daa nitafal ki jer waah ga daa biken aatafal pu na.]

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Matiu 5:28

Min le tuk nimi ke unii umɔk kan upii aan usui koo u ni kan, u kpaan gɔr kidagook usui ni la.

Tibɔnyaan ti Mak ŋmee ti na 13:22

Ba pu? biŋmaŋmannim ga li bi. Bibaa ga bui ke bi ye Kristo la. Biken ga bui ke bi ye Uwumbɔr aabɔnabtiib la. Bi ga tun lijinjiir aatun ki ŋmann binib; bi ga pɔɔn bibaa ke bi ŋmann Uwumbɔr aanib mu.

Jɔnn 5:44

Ni nyuŋni tɔb la, kaa ban ke Uwumbɔr, u ye Uwumbɔr baan na, li nyuŋni nimi. Ni ga ŋa kinye aan ki gaa mi ki kii?

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

1 Korenti 11:19

Nnyamɔn aamɔmɔkb ga li bi ni ponn ni ki cha ni bee binib bi ye mbamɔndam na.

Efesusi 2:3

Ti mɔmɔk mu nan bi bi ponn ni, ki mu dii taah ban tiwan ni kaa ŋan na pu na, ki ŋani tisui ni tiwon aah gee pu na. Taah nan bi pu na le nan cha Uwumbɔr gee liŋuul ti pu, ke waah gee liŋuul titunwanbirdam biken pu pu na.

Efesusi 4:14

Ti taa ki li ye mbim. Biŋmaŋmannim bi kpa nnyamɔn aalan ke bi di ŋmann binib na yaa tuk nimi tibɔyayan ti kaa ye Kristo aabɔr na kan, ni taa dii bi.

Kolosiya 2:18

Binib bibaa bi ki sunni bibaa taab, ki pak Uwumbɔr aatuuntiib, ki bui ke bi daŋ tidaŋ ki kan lijinjiir aawan, ki kpa kalmbaani, ki dak dulnyaa aalandak i ye fam na. Ni taa cha binib ngbaan bii nimi.

Jemisi 1:8

Ulandak aa si tiwanbaan pu, u saa labr, ki nya do, ki ti saa do la.

2 Piita 2:18

Bi len kalmbaani aaliin i ye fam na, ki ŋmanni binib bi kaa dii Uwumbɔr aasan ni yunn na, ki tɔŋni bi ke bi ŋa tiwon aah gee pu na ki gɔr kidagook,

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

2 Piita 3:16

Waagbann mɔmɔk ponn ni u ŋmee Uwumbɔr aawiindaal aabɔr, ki mɔk nimi tibɔr timina. Tibɔr ti pɔɔ unii bee taatataa na tibaa mu bi waagbann ponn ni. Le binib bi kaa kpa nlan ki ga ŋmaa yenn mala na kpeln taatataa, ke baah kpeln Uwumbɔr Aagbaŋ aabɔr tiken pu na. Nima pu na, Uwumbɔr ga daa bitafal.

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.