2 Piita 2:12 - Uwumbɔr aagbaŋ

¹² Binib ngbaan ŋani baah gee pu na, ki bi ke ipeel i binib chur i ki ku i na la. Bi sii Uwumbɔr aatuuntiib, kaa nyi baah bi pu na. Bima bibaa aatunwanbir le ga kuln bi.

UWONBƆR A GBƆNPƆŊ LIKƆƆNL

¹² Amaa bilinlarib nan, bi wɔɔn biba le ki sugir tibɔr tan biɛn wee baa nyi ti taai. Bi nann kulɔŋ a wankor le, tiwann naan wann tan kaa nyi niba, tan be wee bi nan chor tan kɔr, bi na li kpo ke tiwankorin.

2 Piita 2:12 ပူးပေါင်းရင်းမြစ်များ

Ilahn 49:10

Unii mɔk kani ke binib bi kpa nlan na mu kpoi, ke bijɔrb ni bilatiirb na la. Bi mɔmɔk kpoi le ki cha baawangol siini biyaabitiib.

Ilahn 92:6

Nimina le ye tiwan ni ujɔr aan ŋmaa bee na; ulatiir mu aan ŋmaa bee naatataa.

Ilahn 94:8

Maanib, ba ŋa ni ye bigbaam ni bijɔrb kina? Bayoonn aan ni ga bae?

Ŋiyataŋak 14:32

Bibiindam le joo baatunwanbir kulni baamɔfal, le bininyaam ma kpa limakl nkun ni.

Jeremia 10:21

Le m gar ke, “Timi aayidam ye bilatiirb la; baa baa Uwumbɔr ke u mɔk bi. Nima le cha bi lir, le timi aanib yaa tɔb chee.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 12:3

Tɔ, Uwumbɔr, aa nyi mi; aa kani maah tun pu na, ki nyi maah gee si pu na. Dar titunwanbirdam ngbaan ke ipiih na buen bi ti kɔr bi; li kii bi ki ti saa buyoonn bi ga ku bi na.

Jeremia 4:22

Uwumbɔr bui ke, “Maanib ye bijɔrb la, baa nyi mi. Bi naahn mbim mu kaa kpa nlan na la; baa kpa ntafaŋum. Bi nyi titunwanbir aatuln sakpen, le kaa tee nyi tiwan ni ŋan na aaŋam.”

Jeremia 5:4

Le m nan dak ke, “Binib bee ye bigiim ni maanyidam la. Bi tun kijɔrk aatuln la; baa nyi Baawumbɔr aah gee pu na, baa nyi Uwumbɔr aah ban bi tun pu na.

Esekiel 21:31

M yaa fenn maaŋuul lii ni pu ke mmii mu wu sakpen na kan, le ni ga kan maaŋuul aah pɔɔ pu na; le m ga di nimi tii bibiindam bi nyi baah ga kuln binib pu na.

Tibɔnyaan ti Mak ŋmee ti na 7:22

ni iniman, ni mbiin, ni linyamɔngee, ni inimpoo, ni lipiipoln, ni ŋisiibil, ni kalmbaani, ni kijɔrk aatuln.

Jɔnn 8:21

Le u ki tuk bi, “M ga buen nibaa chee. Ni ga ban mi, kaan kan mi, ki ga nan kpo; le Uwumbɔr aan di cha pinn nimi. Maah cha nin chee na, naan ŋmaa buen nima chee.”

Galantiya 6:8

Maah len pu na le ye ke unii yaa ŋani unibɔn aabimbin aah ban pu na kan, u ga kan nkun. Unii yaa ŋani Uwumbɔr Aafuur Nyaan aah ban pu na kan, u ga kan limɔfal li kaa kpa ndoon na.

Kolosiya 2:22

Binib yaa jin timina mɔmɔk kan, ti doo la. Ŋikoobil ŋimina po ye binib aakaal, ni baamɔkm la.

2 Piita 1:4

ki puu tipuur ti ŋan sakpen na tii timi. Binib kpa iniman la. Nima le titunwanbir bi dulnyaa wee ni. Ni yaa gaa Uwumbɔr aah puu tipuur ti na kan, ni ga nya titunwanbir ngbaan ni, ki gaa Uwumbɔr aabimbin.

2 Piita 2:19

ki bui bi ke bi ga gaa bibaa la. Bima bibaa ye titunwanbir aanaagbiib la; tiwan ni nyaŋ unii na joo u tinaagbiir la.

Juud 1:10

Bibiindam ngbaan ma seei Uwumbɔr aatuuntiib la, kaa nyi baah bi pu na. Bi ŋani bisui aah gee pu na, ke ipeel i kaa dak ilandak na aah ŋani pu na. Nima le Uwumbɔr ga daa bitafal.