2 Piita 2:10 - Uwumbɔr aagbaŋ

¹⁰ Binib bi dii tiwon aah ban pu na, ki gɔr kidagook, kaa kii unii ubaa aamɔb na, Uwumbɔr ga daa bitafal ki jer waah ga daa biken aatafal pu na. Biŋmaŋmannim bi bi ni ponn ni na aatafal pɔɔ la. Baa san unii ubaa. Bi seei Uwumbɔr aatuuntiib, kaa san ijawaan.

UWONBƆR A GBƆNPƆŊ LIKƆƆNL

¹⁰ Ni niɛ nan sin ye ibamɔn le ki jann tɔɔ ban nɔɔ kuŋmaruŋ kan ye bi gbanann a bamin ziɛn tininkper a pɔɔma. Bi ye ban jɔɔ ipoobil le nin ban jɔɔ kalanbaani, baa san bijawaam nin bin ŋa kutingbiig nin paab a wann naan wann tan fo;

2 Piita 2:10 ပူးပေါင်းရင်းမြစ်များ

Mpiin 49:6

Naah kpokl tibɔr libɔɔl ni pu na, maa bi ni chee, ki mu aa kii kina. Ni ku binib liŋuul ponn ni la. Le nimi aageehn ni, ni bii tiwakor.

2 Samuel 20:1

Kinifaŋ kibaa nan nyan ni Benjaminn aanibol ni, ki ye Bikri aajapɔɔn, le ki bi Gilgal ni, le bi yin u ke Seba. U nan pii kakaan ki bui ke, “Taa ban David. Taan dii u. Israel aajab, cha ti kun man.”

1 Bibɔrb 12:16

Binib ngbaan aah ti bee ke ubɔr aan ŋun tii bi na, le bi teen mpɔɔn pu ke, “David mu ni waadichal. Bi kee ŋa ba tii timi? Israel yaab, cha ti kun man. Cha Rehoboam joo ubaa aadichal man.” Kina le Israel aanib nan yakr

Ilahn 12:4

“Ti joo timi aamɔmɔɔn le kani taah ban pu na. Ti ga len taah gee pu na, le ubaa aan ŋmaa ŋmin timi.”

Nnyam 22:28

“Ni taa len Uwumbɔr tibɔbir, ki taa puun lii nimi aaninkpel ubaa pu.

Ulandaan 10:20

Taa loon ki su ubɔr aapuwɔb, ki taa koo saadiik ni ki su unii u ye uwankpadaan na aapuwɔb. Nibaakan, unyoon le ga di tibɔr ngbaan buen ti tuk bi saah len pu na.

Jeremia 2:31

Israel aanib, li pel maah len pu na man. M bi ke nteersakpiin mu bɔɔn ki kpa tiwanbir na le ni chee ee? Tɔ, ni ŋa kinye aan ni bui ke ni ga ŋa naah gee pu na, ke naan ki gir ni m chee kpala?

Nkahm 15:30

Tɔ, u yaa nyi le ki tun titunwanbir, ki ye utinbo, bee uwɔwɔnii kan, usui aah kaa lik faar Uwumbɔr pu na, ni ku u;

Tibɔnyaan ti Luk ŋmee ti na 11:25

Le ti ga gir ni ki nan kan ke bi toor taakookoo yaan, le ni ŋan.

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Lituln 23:5

Le Pɔɔl len ke, “Nnaabitiib, maa nyi ke u ye Uwumbɔr aatotoorninkpel. M yaa ba nyi kan, maa ba ga len kina; ba pu? ni ŋmee Uwumbɔr Aagbaŋ ni ke, ‘Taa len saanib aaninkpel tibɔbir.’”

Rom Yaab 8:1

Nima pu na, Uwumbɔr aan len ke binib bi kpaan Yesu Kristo chee na aabɔr bii.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

2 Korenti 10:3

Ni ye mbamɔn ke ti po ye binib la. Ni mu aa ye binib aajaak le ti jaa,

Efesusi 4:19

Binimbil man kidagook ni tijɔŋ aatuln pu la. Baalandak aa ki muk bi titunwanbir pu.

Efesusi 5:5

Ni po nyi ke unii umɔk ye udagoor na, ni unii umɔk ye tijɔŋdaan na, ni unii umɔk ye unimandaan na, aan koo ni Kristo ni Uwumbɔr aanaan ni. Unii yaa kpa iniman kan, liwangol ye liwaal la, le u dii.

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.

1 Tesalonika 4:7

Uwumbɔr yin timi ke ti li bi chain. Waa yin timi ke ti li gɔr kidagook.

2 Timoti 3:2

Ba pu? binib ga li ye bikumɔndam. Binimbil ga li man ŋimombil pu. Bi ga li kpa kipupuk, ki li kpa kigaak, ki li seei binib. Baan li pak bite ni bina, kaan li nyi idoon, kaan li pak Uwumbɔr,

Taitus 1:7

Uwumbɔr aanib bi baaninkpel aaŋaal ni la, nima pu le ni ŋan ke u taa li kpa taani ubaa, ki taa li tun uma ubaa aageehn, ki taa li ye liŋuuldaan, ki taa li ye udagbiir, ki taa gbaa binib; unimbil taa li man ŋimombil pu.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

2 Piita 3:3

Njan, m ban ke ni li nyi ke binib bi dii bisui aah ban pu na ga li bi kookoo aayoonn, ki ga ŋa nimi mbɔnyun,

Juud 1:10

Bibiindam ngbaan ma seei Uwumbɔr aatuuntiib la, kaa nyi baah bi pu na. Bi ŋani bisui aah gee pu na, ke ipeel i kaa dak ilandak na aah ŋani pu na. Nima le Uwumbɔr ga daa bitafal.

Juud 1:16

Bibiindam ngbaan ŋulni n‑yoonn mɔmɔk; tiwan nibaa aa mɔ bi chee. Bi dii tiwan ni kaa ŋan na aakpeek, ki len mpɔɔn pu ki kpa kipupuk, ki pak biwankpadam, ŋimombil pu.

Juud 1:18

ke kookoo aayoonn ni, binib ga li bi ki ŋani bininyaam mbɔnyun, ki dii tiwan ni kaa ŋan na aakpeek, Uwumbɔr aah kaa gee pu na.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.

1 Samuel 10:27

Le nifam bibaa bui ke, “Umina ga ŋmaa ŋa ba tii timi?” Bi nan lik seen Sɔɔl, le kaa tii ni u ipiin ibaa. Le Sɔɔl aa len tibaa.