2 Piita 2:1 - Uwumbɔr aagbaŋ

¹ Biŋmaŋmannim mu nan bi Israel yaab ponn ni n‑yoonn ngbaan, ki ŋmanni ke bi ye Uwumbɔr aabɔnabr la. Le biŋmaŋmannim ga li bi ni mu ponn ni, ki ga li looni ki mɔk nimi nnyamɔn aamɔkm mu ga bii nimi na. Hali bi ga yii Tidindaan u nan gaa bi lii na. Nima pu le Uwumbɔr ga daa bitafal mbamɔm mala.

UWONBƆR A GBƆNPƆŊ LIKƆƆNL

¹ Amaa tibɔkar a linlem mu nan be bininfob nmɔn ban, ke ban wɔɔnn tibɔkar kaah na li be ni mu ban man nin. Bi na li woon ki ta nan kaa ye ibamɔn ki wɔɔn ni, hali ki yii Uyudaan wan jɔɔ npɔɔn biɛn wee ki nan daa bin, ki ban nbiin man yin dan weem ki jaar biba bu.

2 Piita 2:1 ပူးပေါင်းရင်းမြစ်များ

1 Bibɔrb 22:6

Kina pu le Ahab nan yin ni bibɔnabr bi aawiwiir ga nan pii ikui inaa na, le ki nan baa bi ke, “M buen ti tak Ramof aatiŋ aan m taa buen?” Bi nan gar u ke, “Ti tak ki. Tidindaan ga tii si linyaŋ.”

Nnyam 15:16

le ijawaan lir bi pu. Uwumbɔr, binib ngbaan kan saapɔɔn, le ijawaan chuu bi, le bi si lik, kaa ŋmaa ŋa nibaa, le saanib bi aa nyan bi tinaagbiir ni na chuun jer.

Aisaya 9:15

Bininkpiib bi por na, ni baaninyuum le ye liyil, le ŋitaa ye Uwumbɔr aabɔnabr bi joo inyamɔn mɔk binib ngbaan na.

Jeremia 29:21

“Uwumbɔr Mpɔɔnsakpiindaan, u ye Israel yaab Aawumbɔr na, len Kolaya aajapɔɔn Ahab ni Maaseya aajapɔɔn Sedekia, bi chuun joo waayimbil geei inyamɔn tuk nimi na aabɔr. U len ke u ga di bi ŋa Babiloŋ Aabɔr Nebukadnesar aaŋaal ni, le u ku bi ninimbil ni.

Jeremia 37:19

Bibɔnabr bi tuk si ke Babiloŋ aabɔr aan tak si ni saatiŋ na bi la chee?

Jeremia 6:13

Binib bi pɔɔ na, ni bi kaa pɔɔ na mɔmɔk pɔɔni bibaa ke bi di beebee le kan ŋimombil, hali maabɔnabtiib ni bitotoorb ji binib ngbaan la.

Inandalahn 2:14

Bibɔnabr nan tuk si inyamɔn ŋmeen la. Baah nan tuk si tibɔr ti na le ŋmann si, ba pu? baa nan kpiir saatunwanbir pu. Bi nan cha aa dak ke saa kpa tibɔbir tibaa aa kpiir.

Hosea 9:8

Uwumbɔr tun ni mi ke ubɔnabr na, ke m nan sak waanib Israel yaab. Le m yaa buen nimɔk na kan, ni pɔɔni nibaa ke ni chuu mi ke unyoon na. Uwumbɔr Aadichal ni aanib aadin le ye uma Uwumbɔr aabɔnabr.

Maika 2:11

“Binib bee ban bibɔnabr bi chuun ŋmanni ki geei inyamɔn, ki len ke, ‘M nabr ke ni ga gur ndaan la.’

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 3:5

Baabɔnabr bi gaal tipar na le ŋmann maanib ke nsuudoon bi bi chee, le ki faani binib bi kaa pa bi na ke butɔb choo. Uwumbɔr bui bibɔnabr ngbaan ke,

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 10:33

Unii umɔk len binib aanimbil ni ke waa ye miyoo na, m mu ga len Nte Uwumbɔr u bi paacham na aanimbil ni ke udaan ngbaan aa ye miyoo.”

Matiu 24:11

Le binib bi ŋmanni ke bi ye Uwumbɔr aabɔnabtiib na ga li wiir ki ŋmanni binib pam.

Matiu 24:24

Ba pu? biŋmaŋmannim ga li bi. Bibaa ga bui ke bi ye Kristo ngbaan la. Biken mu ga bui ke bi ye Uwumbɔr aabɔnabtiib la. Le bi ga tun lijinjiir aatun pam, ki ŋmann binib. Hali, bi ga pɔɔn bibaa ke bi ti ŋmann binib bi Uwumbɔr nyan bi na.

Matiu 24:5

Binib pam ga nan dan ki nan pur maayimbil ke bima le ye Kristo u ga gaa binib lii na, ki ŋmann binib pam.

Matiu 7:15

“Ni li nyi binyamɔndam bi ŋmanni ke bi ye Uwumbɔr aabɔnabr na. Bi ŋmanni ke bi ye ipiih, le ki tee ye ŋisapol ŋi ga bii nimi na.

Tibɔnyaan ti Mak ŋmee ti na 13:22

Ba pu? biŋmaŋmannim ga li bi. Bibaa ga bui ke bi ye Kristo la. Biken ga bui ke bi ye Uwumbɔr aabɔnabtiib la. Bi ga tun lijinjiir aatun ki ŋmann binib; bi ga pɔɔn bibaa ke bi ŋmann Uwumbɔr aanib mu.

Tibɔnyaan ti Luk ŋmee ti na 12:9

Unii umɔk yii mi binib aanimbil ni na, m mu ga yii udaan ngbaan Uwumbɔr aatuuntiib aanimbil ni.

Tibɔnyaan ti Luk ŋmee ti na 21:8

Le u bui bi, “Ni li nyi man, aan ubaa taa ŋmann nimi. Binib pam ga nan dan ki pur maayimbil ke bima le ye min Yesu, ki ga bui ke ni ŋeer a. Ni taa dii bi man.

Tibɔnyaan ti Luk ŋmee ti na 6:26

“Binib mɔmɔk yaa pak nimi kan, tibɔbir ga li bi ni pu. Kina le biyaajatiib nan pak biŋmaŋmannim bi nan ŋmanni ke bi ye Uwumbɔr aabɔnabtiib na.”

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

1 Korenti 11:19

Nnyamɔn aamɔmɔkb ga li bi ni ponn ni ki cha ni bee binib bi ye mbamɔndam na.

1 Korenti 6:20

Uwumbɔr daa nimi le ki pan. Naa yeh nibaa, Uwumbɔr le yeh nimi. Nima pu na, ni di nimi aawon tun lituln li ga nyuŋ Uwumbɔr na.

1 Korenti 7:23

Yesu daa nimi le ki pan. Nima pu na, ni taa li ye binib aanaagbiib.

Galantiya 2:4

Binib bibaa bi, ki ŋmanni ke bi dii Yesu Kristo, ki kpaan ti chee; bima le nan ban ke bi gii u. Bi kpaan ti chee ke bi lik taah gaa tibaa pu ki dii Yesu aasan kaa ki dii Moses aakaal na. Le bi nan ban ke bi muk timi ti ki dii Moses aakaal.

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

Galantiya 4:17

Binib bi tuk nimi tibɔyayan na, binimbil man ni pu la. Baabɔr mu aa ŋan. Bi ban ke bi nyan nimi Yesu aasan ni. Bi ban ke ninimbil li man bi pu, aan ni dii bi.

Galantiya 5:20

ki dii ŋiwaa, ki chuun ji inyɔk, ki nan binib, ki ban tibɔr, ki kpa lipiipoln, ki kpa liŋuul, ki kpa kukumɔŋ, ki kpak tɔb kinikpakpak, ki yakr tɔb,

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,

Efesusi 4:14

Ti taa ki li ye mbim. Biŋmaŋmannim bi kpa nnyamɔn aalan ke bi di ŋmann binib na yaa tuk nimi tibɔyayan ti kaa ye Kristo aabɔr na kan, ni taa dii bi.

Ikaal 32:6

Nimi bijɔrb bi kaa kpa nlan na, Uwumbɔr aah ŋa nimi tibulchinn ti na, kina le ni ga giin pa u uu? Naa ye uma le ye nite u naan nimi, ki ŋa nimi litimbol na aa?

Filipi 3:19

Baadoon le ga li ye ntafadaan mu kaa kpa ndoon na. Baawumbɔr le ye bipuul. Bi kpa kipupuk inimɔɔn aatuln pu. Baalandak bi dulnyaa wee ni aawan ni la.

Kolosiya 2:18

Binib bibaa bi ki sunni bibaa taab, ki pak Uwumbɔr aatuuntiib, ki bui ke bi daŋ tidaŋ ki kan lijinjiir aawan, ki kpa kalmbaani, ki dak dulnyaa aalandak i ye fam na. Ni taa cha binib ngbaan bii nimi.

Kolosiya 2:8

Unii yaa tuk nimi nnyamɔn aalan mu ye fam na kan, ni li nyi man ki taa dii u; nlan ngbaan ye binib aalan mu nyan ni kinimbɔŋ ki joo dulnyaa wee na, naa ye Kristo aabɔr.

1 Timoti 5:8

Unii u kaa ter udo yaab, kaa ter uma ubaa aachiln ni aanib ki jer biken na, u yii Yesu aasan le na, ki ye kiniwanbiik ki jer binib bi kaa gaa Yesu ki kii na.

2 Timoti 4:3

Ba pu? n‑yoonn choo, le binib aan ki pel mmɔkm mu ŋan na. Bitafal aan li bi mu ni. Bi ga li ban bimɔmɔkb bi ga tuk bi bisui aah gee tibɔr ti na la.

Taitus 1:11

Ni ŋan ke aa cha bi ŋmin; ba pu? bi mɔk binib mmɔkm mu kaa ba ye bi mɔk bi na, ki cha ŋidichal ŋibaa ponn ni aanib mɔmɔk yenn. Ŋimombil pu, le bi ŋani kina. Naa ŋan.

Taitus 3:10

Unii yaa bi ki cha Yesu aanib yakr tɔb chee kan, aa sur u nfum mulee. U yaa kaa di cha kan, yii u.

Hiibru Yaab 10:29

Unii yaa lik Uwumbɔr Aajapɔɔn fam, ki yaa dak ke Yesu aasin mu ŋa u chain na ye fam, ki yaa sii Uwumbɔr Aafuur Nyaan mu san timi kinimbaak na kan, udaan ngbaan ŋeer ntafadaan sakpen ki jer unii u bii Moses aakaal na aah kan pu na.

1 Piita 1:8

Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

1 Jɔnn 2:26

M ŋmee tibɔr tee tii nimi, ke m tuk nimi binib bi ban bi ŋmann nimi na pu.

1 Jɔnn 4:1

Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.

Juud 1:18

ke kookoo aayoonn ni, binib ga li bi ki ŋani bininyaam mbɔnyun, ki dii tiwan ni kaa ŋan na aakpeek, Uwumbɔr aah kaa gee pu na.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.

Tibɔkpiirkaan 13:14

ki ŋmann binib bimɔk bi dulnyaa ni na; ba pu? u nan kpa nsan ke u tun lijinjiir aatun njan aapeel aanimbiin ni, ki tuk dulnyaa ni aanib ke bi ŋa liwaal li naahn upeel u nan kpa kijuk aabuel li sɔŋ na.

Tibɔkpiirkaan 2:13

M nyi naah bi nin chee na, ke ni bi kitiŋ ki ye kinimbɔŋ aatiŋ na ponn ni la. Ni mu beenin si nchaŋ ni la, kaa yii mi. Buyoonn bi nan ku maaseeraadaan bamɔnn Antipas nikaasisik ni, kinimbɔŋ aah bi nin chee na, naa nan yii mi.

Tibɔkpiirkaan 2:9

M nyi naah ji falaa sakpen pu na, ki ye bigiim pu na; ni mu tee ye biwankpadam le Uwumbɔr chee. M nyi binib bibaa aah sii nimi pu na. Bi len ke bi ye Juu yaab, le kaa ye; bi ye kinimbɔŋ aanib la.

Tibɔkpiirkaan 3:8

min le len tibɔr timina: M nyi naah tun pu na. M bee ke ni kpa mpɔɔn siib. Ni joo maabɔr, kaa yii maayimbil. M piir mbisamɔb tii nimi, le ubaa aan ŋmaa piin mu.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,

Tibɔkpiirkaan 6:10

Le binib ngbaan aawiin teen mpɔɔn pu ke, “Tidindaan u ye chain ki ye mbamɔn na, ni ga yunn ki ti saa kinye pu aan aa ga ji dulnyaa aanib bi ku timi na aabɔr ki daa bitafal?”