2 Piita 1:21 - Uwumbɔr aagbaŋ

²¹ Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.

UWONBƆR A GBƆNPƆŊ LIKƆƆNL

²¹ Ni ma bu-n ilinlen leen kaa nan nyan uninfosaal a sufu a bamin le, amaa Uwonbɔr a Kasi a Naaŋ le nan be bininfob ban le ki che bi pag ilinlen leen.

2 Piita 1:21 ပူးပေါင်းရင်းမြစ်များ

2 Samuel 23:2

Uwumbɔr Aafuur Nyaan le cha m len tibɔr, waanaŋ bi mmɔb ni la, Uwumbɔr u ye Israel yaab aakikiir na bui mi,

1 Bibɔrb 13:1

Uwumbɔr nan cha waabɔnabr ubaa, u nan nyan ni Juda aatiŋ ni na, buen Betel aatiŋ ni ki ti fuu muin Jeroboam si kitork aabimbiln taab ki toor kitork.

1 Bibɔrb 17:18

Le u bui Elaija ke, “Uwumbɔr aanii, ba ŋa aa ŋa mi kina? Aa dan do ke aa nan teer Uwumbɔr maatunwanbir, le ki cha njapɔɔn kpo oo?”

1 Bibɔrb 17:24

Le u gar u ke, “Dandana ma kan, m bee ke aa ye Uwumbɔr aanii la, le Uwumbɔr sil len aa chee tibɔr.”

2 Bibɔrb 4:22

Le u yin ni uchal ki nan bui u ke, “Cha ututunn li joo ni mi ubon do. M ban ke m buen Uwumbɔr aabɔnabr Elaisa chee la. M ga gir ni dandana.”

2 Bibɔrb 4:7

Le u gir buen Uwumbɔr aabɔnabr Elaisa chee, le u bui u ke, “Ti di nkpan ngbaan kooh ki pa saapɔn, ŋimombil ga gur ki ga kpiin aa ni aajapɔtiib.”

2 Bibɔrb 4:9

Le upii ngbaan nan bui uchal ke, “M dak nsui ni ke uja u choo do n‑yoonn mɔmɔk na ye Uwumbɔr aanii u kaa kpa tijɔŋ na la.

2 Bibɔrb 6:10

Kina pu le Israel yaab aabɔr mu nan sak waanib bi koo nima chee na, le bi nan gor ki kii bibaa. Nimina nan ŋani kina ki ti nyaŋ.

2 Bibɔrb 6:15

Kichakpinaanyeek ni le Elaisa aatutunn fii, le ki nyan lipaal, le ki kan Siria aatɔb aajab ngbaan, ni baataan, ni yaatɔroku tiib mann kitiŋ ngbaan ti ton. U nan gir koo Elaisa chee le ki ti teen ke, “Maaninkpel, timɔfal junn a. Ti ga ŋa kinye?”

1 Bibɔrb Aabɔr 23:14

Uwumbɔr aanii Moses aajapɔtiib ma nan kpee Liifai yaab pu la.

2 Bibɔrb Aabɔr 8:14

U nan dii ute David aah siin isan i na pu le ki mɔk bitotoorb ni Liifai yaab bi ter bitotoorb ki gaa ilahn baatuln yoonn na, le bi tun baatun. U nan ki mɔk Uwumbɔr Aadichal aakikiib, le bi mu tun baatun ibisamɔi ngbaan mɔk chee iwiin mɔmɔk. Bi nan tun ŋi Uwumbɔr aanii David aah nan mɔk pu na la.

Jeremia 23:26

Bibɔnabr ngbaan ga li joo baah naan inyamɔn i na ŋmanni maanib ki ti saa bayoonn?

Esekiel 1:3

Kebar Aamɔɔl chee, Babiloŋ aatiŋ ni, nima chee, le m ŋun Uwumbɔr len m chee tibɔr le ki cha waapɔɔn gbiin mi.

Maika 1:1

N‑yoonn mu bibɔrb bitaa bimina nan jin nnaan Juda aatiŋ pu ki paan paan tɔb pu na, le Uwumbɔr nan di tibɔr timina tuk waabɔnabr Maika, u ye Moresef aatiŋ ni aanii na. Bibɔrb ngbaan sɔ: Jotam le nan puen jin nnaan, le Ahas paan u pu, le Hesekia nan gbeln puwɔb. Uwumbɔr nan kpiir Samaria ni Jerusalem aatim aabɔr tee mɔmɔk le tuk Maika.

Maika 3:7

Binib bi nyi n‑yoonn mu choo na aabɔr ki nabr na ga ji inimɔɔn, baah kaan ki li nyi nibaa pu na pu. Uwumbɔr aah kaan gar bi pu na pu le bi ga kpaln binimɔɔnib.

Nkahm 16:28

Le Moses bui Israel yaab ngbaan ke, “Nimina pu le ni ga bee ke Uwumbɔr le tun ni mi ke m li tun waatuln mɔmɔk, naa ye min le lee mbaa ki ŋani ŋi mbaa pu.

Tibɔnyaan ti Mak ŋmee ti na 12:36

Uwumbɔr Aafuur Nyaan nan cha Ubɔr David ubaa len ke, ‘Uwumbɔr bui Ndindaan ke: Kal ŋŋangii wɔb ki ti saa buyoonn m ga nyaŋ saadim mɔmɔk na.’

Tibɔnyaan ti Luk ŋmee ti na 1:70

U nan cha waabɔnabtiib chain len kina n‑yaayoonn na ki joo cha.

Lituln 1:16

“Nnaabitiib, n‑yaayoonn na, Uwumbɔr Aafuur Nyaan nan cha Ubɔr David len Judas aabɔr. Ni ŋmee Uwumbɔr Aagbaŋ ponn ni. Naah ŋmee pu Uwumbɔr Aagbaŋ ponn ni na, see ni ŋa kina. Judas le nan mɔk binib Yesu aah bi nin chee na, le bi ti chuu u.

Lituln 28:25

Le bi kpak tɔb kinikpakpak. Baah ban bi nyan Pɔɔl aadiik ni na, le u bui bi, “Uwumbɔr Aafuur Nyaan nan cha waabɔnabr Aisaya tuk niyaajatiib mbamɔn.

Lituln 3:18

N‑yaayoonn na, Uwumbɔr nan cha waabɔnabtiib mɔmɔk len ke Waanii Kristo ga nan ji falaa. Baah len pu na, le Uwumbɔr cha ni ŋa kina.

Ikaal 33:1

Uwumbɔr aanii Moses aah nan ŋa tinyoor ti ŋa Israel aanib pu aan ki nin kpo na sɔ:

Hiibru Yaab 10:15

Uwumbɔr Aafuur Nyaan mu tuk timi kina la. Mu nan bui

Hiibru Yaab 3:7

Uwumbɔr Aafuur Nyaan nan bui Israel yaab ke, “Ni yaa ŋun Uwumbɔr aaneel din wee kan,

Hiibru Yaab 9:8

Uwumbɔr Aafuur Nyaan mɔk timi ke mɔb aadiik ngbaan aah nan laa bi na, binib aa nan kpa nsan ke bi koo ni chain chain aapepel ponn ni.

Josua 14:6

Nwiin mubaa daal le Juda aanibol aanib bibaa nan dan Josua chee, Gilgal aatiŋ ni. Bi ponn ni ubaa le nan ye Jefune aajapɔɔn, u bi nan yin u ke Kaleb na; u nan ye Kenis aanibol ni aanii la, le u bui Josua ke, “Aa teer Uwumbɔr aah nan len pu Kades Banea aatiŋ ni, m ni si aabɔr, ki tuk uma Uwumbɔr aanii Moses pu na.

1 Piita 1:11

Le Kristo Aafuur Nyaan mu nan bi bibɔnabr ngbaan ponn ni na mɔk bi ke uma Kristo ga ji falaa, le ki nin kan nnyuŋ falaa ngbaan aapuwɔb. Le bi nan ban bi bee ke ulau ga ji falaa ngbaan, ki ban bi bee buyoonn u ga ji falaa ngbaan na.

Tibɔkpiirkaan 19:10

Le m gbaan kitiŋ utaafar chee, le ki ban ke m pak u. Le u bui ke m taa ŋa kina; ba pu? u mu po ye m ni nnaabitiib bi joo tibɔr ti Yesu kpiir na aatutuŋeer la, ke m pak Uwumbɔr baanja. Tɔ, tibɔr ti Yesu kpiir na le tii waabɔnabtiib mpɔɔn ke bi len.