2 Piita 1:19 - Uwumbɔr aagbaŋ

¹⁹ Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.

UWONBƆR A GBƆNPƆŊ LIKƆƆNL

¹⁹ Le ti ta bilinlem a mɔboi yin ki ŋa ibamɔn, ni pɔɔn niba ki mann pel ya, a li ke nwonween kaah wonn libunbɔnlin man nin, ki nan kpaa kutaag kaah na li wonn wee njakpanyiɛn a ŋmabili nwonn ni sufu ni.

2 Piita 1:19 ပူးပေါင်းရင်းမြစ်များ

Ilahn 119:105

Saamɔboln ye karyaa u mɔk mi nsan na la, le ki wiin maasan ni.

Ŋiyataŋak 6:23

Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Aisaya 14:12

Babiloŋ aabɔrkpaan, aa nan ye ke kichakpiik ni aaŋmabil na, le dandana aa nyan kitaapaak ki ker lir ni kitiŋ. N‑yoonn mu jer na, aa nan chur ŋitimbol tinaagbiir, le dandana ma, bi mee si lii kitiŋ.

Aisaya 41:26

Ni ponn ni ŋma nan buu tibɔɔr ki len ke nimina ga ŋa, aan ti bui ke ni kpa mbamɔn? Ni ponn ni ubaa aa nan waar umɔb ki len libɔbil libaa; ubaa aa ŋun ni len tibaa.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Aisaya 9:2

Nima aanib bi bi mbɔmbɔɔn ni na kan nwiihn sakpiin. Bi nan bi mbɔmbɔɔn ni, le dandana, nwiihn woln bi pu.

Matiu 4:16

nima aanib bi bi mbɔmbɔɔn ni na kan nwiihn sakpiin. Binib bi bi mbɔmbɔɔn ni, ki san nkun ijawaan na, nwiihn woln bi pu.”

Jɔnn 5:35

Jɔnn nan bi ke karyaa u gaal mmii ki wiin na la. Ni nan gee ke ni li bi waawiihn ni, ni yunn siib, ki nan kpa mpopiin.

Jɔnn 5:39

Ni karni Uwumbɔr Aagbaŋ ke ni bee kaah len pu na; ba pu? ni dak ke ni ga kan limɔfal li kaa kpa ndoon na ki ponn ni. Kigbaŋ ngbaan len maabɔr le na.

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

Lituln 15:29

Ni ŋan ke ni taa ki ŋmɔ kitork aanann, ki taa ki ŋmɔ nsin, ki taa ki ŋmɔ tiwan ni bi tab ku ni na, ki taa ki gɔr kidagook. Ni yaa kii kina kan, nima le ŋan. Uwumbɔr ter nimi.”

Lituln 17:11

Le binib bi bi nima na pel Pɔɔl aah len pu na. Binib ngbaan ye binib ki jer Tesalonika aatiŋ ni yaab. Le binimbil man Pɔɔl aah len pu na pu. Idaa mɔmɔk bi nan kpar Uwumbɔr Aagbaŋ ponn ni, ki karni ke bi lik ke ti gbii aan taa gbii.

Hiibru Yaab 2:2

Tibɔr ti Uwumbɔr nan cha waatuuntiib tuk waanib na sil mbamɔm la. Unii umɔk nan yii tibɔr ngbaan ki ŋa taah kɔ pu na nan kan ntafadaan mu ŋeer u na.

Jemisi 2:8

Uwumbɔr aanaan aakaal mu bi waagbaŋ ni na le ye ke, “Aa li gee aana aabo ke saah gee aabaa pu na.” Ni yaa sil ŋani kina kan, nima le ŋan.

1 Piita 1:10

Tɔ, n‑yaayoonn na aabɔnabtiib bi nan tuk binib Uwumbɔr aah ga ter nimi pu na, nan dakl lik mbamɔm, ki ban ke bi bee Uwumbɔr aah ga ŋa pu ki gaa binib lii na.

1 Jɔnn 5:10

Unii umɔk gaa Uwumbɔr Aajapɔɔn ki kii na, u pak Uwumbɔr aah len pu na. Unii umɔk kaa pak Uwumbɔr aah len pu na, u yin Uwumbɔr unyamɔndaan la; kinye pu? waa pak Uwumbɔr aah len Ujapɔɔn aabɔr pu na.

3 Jɔnn 1:6

Bi tuk m ni Yesu aanib bi bi do na saah gee bi pu na. Aa pɔɔk aabaa, ki li beenin ter bi baasachuln ponn ni. Ter bi Uwumbɔr aah ban pu na.

Tibɔkpiirkaan 2:28

M ga tii bi liŋmabil naanyuun mu.

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”