2 Korenti 9:5 - Uwumbɔr aagbaŋ

⁵ Nima le m dak ke ni ŋan m gaŋ tinaabitiib bimina ke bi loln m pu nsan ki buen ni chee, ki ter nimi ni too ŋimombil ngbaan, naah nan puu tipuur ti na. M yaa fuu ni kan, m ga nan mui ni too ŋi ki doo. Nima le ga mɔk ke ni too ŋi, nimi aageehn pu, naa ye ke bi nan muk nimi le ni too ŋi.

UWONBƆR A GBƆNPƆŊ LIKƆƆNL

⁵ Mambu le n tiɛr ke ni ŋan nin n balin ti nabumin, wee bi chinn gɔnn ni wee ki mann tibuchinn a piini yan wee ni nan siin limɔsiinlin ki diɛ. Le i ŋa sili ke ibuchin piin ni, ni ma wɔɔn ke ni ŋa ni tɔɔl a bamin le naa ye uba le mug ni.

2 Korenti 9:5 ပူးပေါင်းရင်းမြစ်များ

Mpiin 33:11

Pɔɔn aabaa ki gaa ipiin ngbaan. Uwumbɔr ŋa mi tiŋann le ki tii mi tiwan nimɔk m ban na.” Jakob nan gaŋ u le u ti gaa ipiin ngbaan.

2 Bibɔrb 5:15

U nan di waajab bi mɔmɔk nan dii u na gir buen Elaisa chee le ki ti bui u ke, “M bee dandana ke Uwumbɔr ubaa aa ki bi see Israel yaab Aawumbɔr baanja; kina pu na, m gaŋ si, gaa m chee ipiin.”

1 Korenti 16:2

Likpaakool daal mɔmɔk, ni mɔmɔk aah kan tinyoor pu na, ni di ngem bil, ki li kii buyoonn m ga labr ni na. Nima kan, m yaa nan fuu ni kan, naan ki piin ki li too ŋimombil.

2 Korenti 8:6

Nima pu na, Taitus aah nan cha ni piin ki bi too ŋimombil ke ni tii Uwumbɔr na, le ti bui u ke u pɔɔn ubaa ki cha ni too ŋimombil ngbaan ki doo.

2 Korenti 9:3

Le m ban m cha tinaabitiib bimina buen ni chee, aan bi ti kan ke taah nan pak nimi pu na, ti gbii la. Ni ga li bi ke maah nan len pu na, ki gor ke ni too ŋimombil ngbaan.

2 Korenti 9:6

M tuk nimi la, unii u bun tijikaar siib na ga nan chee siib la. Unii u mu bun tijikaar sakpen na ga nan chee sakpen la.

Filipi 4:17

Naa ye ke m ban ipiin la. Naah tii mi ipiin pu na, nima le ni ga li moo kpa tinyoor. Nima le m ban.

Bibɔjirb 1:15

Le u gar ke, “M ban kitiŋ ki kpa nnyun na la. Saah tii mi kitiŋ ki na ye kitikuun la.” Nima pu le Kaleb nan di paacham ni taab aatiŋ ki kpa nnyun na tii u.

1 Samuel 25:27

Maaninkpel, m gaŋ si, gaa maah joo ni si tiwan ni na, ki di tii saajab.

1 Samuel 30:26

David aah ti fuu Siklag ni na, u nan yakr tiwan ngbaan tii Juda yaab aayidam bi ye ujɔtiib na, ki bui ke, “Taah gaa tiwan ni Uwumbɔr aadim chee na nibaa le ti joo tii ni nimi.”