2 Korenti 9:10 - Uwumbɔr aagbaŋ

¹⁰ Uwumbɔr u di ŋijikaabil di tii unii u bu tijikaar na, ki tii binib tijikaar bi ji na, uma le ga tii nimi naah ban pu na mɔmɔk, ki jer kina, aan ni moo ter binib biken.

UWONBƆR A GBƆNPƆŊ LIKƆƆNL

¹⁰ Uwonbɔr wan tenn bininfob idibool wee bi bu-n, ki ji tenn bi tijiir wee bi ji-n, U ma le li sei ni idibool ki che yin nɔb, man le U li che ni chiɛ ibuchin di takpem.

2 Korenti 9:10 ပူးပေါင်းရင်းမြစ်များ

Mpiin 47:19

Taa cha ti kpo nkon, aan timi aakpaakon doon nkuun. Ter timi. Ti ga di tibaa ni timi aakpaakon ki di kpeln si tijikaar. Ti kii ke ti ga ŋa ubɔr aanaagbiib aan u li yeh timi aakpaakon. Tii timi tijikaar ti ji aan ki taa kpo nkon, ki tii timi njikaabim ti bu.”

Ŋiyataŋak 11:18

Bibiindam aa sil kani tinyoor tibaa, tɔ, aa yaa ŋani tiwan ni ŋan na kan, aa ga sil kan kina aaŋann.

Ulandaan 11:6

Li bu saajikaabim kichakpiik ni, ni kijook mu. Saan ŋmaa bee ke ni mɔmɔk ga nan ŋa aan naan ŋa, kaan ki ŋmaa bee kichakpiik ni, ni kijook yaan ni ga ŋa jer niken na.

Aisaya 55:10

Maamɔboln naahn likpakpal ni utaal u nyani kitaapaak ki nan sɔŋni kitiŋ na, ki cha tijikaar muuni, ki tii binib njikaabim mu bi bu na, ni tijikaar bi ji.

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Matiu 6:1

“Ni li nyi man, ki taa tun nimi aatunyaan binib aanimbil ni, ke bi kan aan ki pak nimi. Ni yaa ŋani kina kan, naan kan tinyoor Nite Uwumbɔr u bi paacham na chee.

2 Korenti 9:12

Ni yaa ter Yesu aanib ki tii bi baah lann pu na kan, nima le binib pam ga doon Uwumbɔr mbamɔm.

2 Korenti 9:6

M tuk nimi la, unii u bun tijikaar siib na ga nan chee siib la. Unii u mu bun tijikaar sakpen na ga nan chee sakpen la.

Galantiya 3:5

Uwumbɔr nan tii nimi Waafuur Nyaan ki tun lijinjiir aatun nikaasisik ni. Naah dii Moses aakaal na le cha u ŋani kina aan naah ŋun Yesu aabɔnyaan tee ki gaa u ki kii na le cha u ŋani kina?

Efesusi 5:9

Binib bi bi nwiihn ni na, bi kpa mbimbinyaan, ki tun lituln li ŋan na mɔmɔk, ki dii Uwumbɔr aabɔr ti ye mbamɔn na la.

Filipi 1:11

M ban ke ni li kpa mbimbinyaan ki li tun lituln li ŋan na n‑yoonn mɔmɔk, Yesu Kristo aapɔɔn pu, aan binib nyuŋ Uwumbɔr ki pak u.

Filipi 4:17

Naa ye ke m ban ipiin la. Naah tii mi ipiin pu na, nima le ni ga li moo kpa tinyoor. Nima le m ban.

1 Tesalonika 3:12

Tidindaan cha ni li moo gee tɔb ni binib mɔmɔk, ke taah gee nimi pu na.

1 Tesalonika 4:10

Ni ye mbamɔn la, ni gee tinaabitiib bimɔk bi Masedonia aatim mɔmɔk ni na. Ti gaŋni nimi, ni li moo gee bi.