2 Korenti 8:12 - Uwumbɔr aagbaŋ

¹² Unii yaa gee ke u tii Uwumbɔr ipiin ki yaa tii u waah kpa pu na kan, Uwumbɔr ga gaa la. Uwumbɔr aa ban ke unii tii ki jer waah kpa pu na.

UWONBƆR A GBƆNPƆŊ LIKƆƆNL

¹² Ni ye a sei Uwonbɔr nin nbam ke, Uwonbɔr li gaa ipiin nmɔn ŋaah jɔɔ nan, kaa ye ŋaah kaa jɔɔ nan ni.

2 Korenti 8:12 ပူးပေါင်းရင်းမြစ်များ

2 Bibɔrb Aabɔr 6:8

Le Uwumbɔr nan bui u ke, ‘Saah ban ke aa maa lidichal tii mi na, ni ŋan,

Nnyam 25:2

“Tuk Israel yaab ke bi tii mi ipiin, uja mɔk aah kpa pu u tii na, u li joo ni.

Nnyam 35:24

Binib bimɔk nan kpa tikunabr, bee tikumann na, nan joo ni baah ga ŋmaa tii pu na, le ki nan tii Uwumbɔr baapiin, le binib bi nan kpa lisiijal aadɔ bi ga ŋmaa di i ŋa nibaa na, mu nan joo ni.

Nnyam 35:29

Le Israel aanib bimɔk nan gee bi tii na nan joo ni baapiin ki nan tii Uwumbɔr, waah nan bui Moses lituln li na pu.

Nnyam 35:5

Tiin Uwumbɔr ipiin man. Unii umɔk ban u ŋa kina na kan, u li joo ni salmaa, ni tikunabr, ni tikumann,

Ŋiyataŋak 19:22

Kukumɔŋ ye inimɔɔn la; binib bi ye bigiim na soor binyamɔndam.

Matiu 25:17

Ututunn u joo ŋichur ŋilee na mu tiir kitiir ki kan tinyoor ŋichur ŋilee ki kpee.

Matiu 25:22

“Le ututunn u nan joo ŋichur ŋilee na mu yoor ŋi, le ki nan bui u, ‘Ndindaan, aa nan tii mi ŋichur ŋilee la. M tiir kitiir ki kan tinyoor ŋichur ŋilee ki kpee.’

Tibɔnyaan ti Luk ŋmee ti na 16:10

Unii u tun lituwaatiir mbamɔm na, u ga tun litusakpeln mu mbamɔm. Unii u kaa tun lituwaatiir mbamɔm na, waan tun litusakpeln mu mbamɔm.

2 Korenti 8:11

Cha ninimbil li man ke ni tii naah ga ŋmaa tii pu na, aan ki too ipiin ngbaan doo.

2 Korenti 8:13

Maa ban ke m ŋa nimi falaa ke m ter biken. M ban ke ni mɔmɔk ŋaŋ la.

2 Korenti 8:19

Bi mu nyan u ke u dii timi ke ti buen ti ter Uwumbɔr aanib bi ye bigiim na. Nima le ga nyuŋ Tidindaan, ki mɔk bi ke ti ban ti ter tɔb la.

2 Korenti 9:7

Unii mɔmɔk aah di pu ŋa usui ni ke u ga tii ni na, cha u tii kina. U taa tii ni mpombiin, ki taa tii limukl aatiin. Ba pu? Uwumbɔr gee unii u tii ni mpopiin na la.

1 Piita 4:10

Uwumbɔr tii ni mɔmɔk Waafuur Nyaan aapiin la. Waah tii nimi ipiin aabɔŋ aabɔŋ na, ni di ipiin ngbaan ter biken.