2 Korenti 7:10 - Uwumbɔr aagbaŋ

¹⁰ Ba pu? Uwumbɔr yaa cha unii kpa mpombiin waatunwanbir pu kan, nima le ga cha u kpeln waabimbin ki ŋmar. Naan ki gar u. Tɔ, dulnyaa wee ni aapombiin joo ni nkun la.

UWONBƆR A GBƆNPƆŊ LIKƆƆNL

¹⁰ Biwonjiɛm a poobiim che bi ga nkpenim man tenn bi nŋmarim le mambu npoobiim nmɔn a bosu kaa mugir bi, amaa dulinya nan ma a poobiim jɔɔ nkum le chaan.

2 Korenti 7:10 ပူးပေါင်းရင်းမြစ်များ

Mpiin 30:1

Tɔ, Rachel aa nan ma ubo tii Jakob, nima pu na, u nan kpa ukpel Lea pu lipiipoln, le ki bui uchal Jakob ke, “Aa yaa kaa tii mi mbim kan, m ga kpo.”

2 Samuel 12:13

Le David bui ke, “M tun Uwumbɔr titunwanbir.” Le Natann gar u ke, “Uwumbɔr di cha pinn si, saan kpo.

2 Samuel 13:4

Le Jonadab nan bui Amnonn ke, “Aate le ye ubɔr, le iwiin mɔmɔk kan, aa bi ke naah kaa mɔ si le na. Ba muk si?” Le Amnonn bui u ke, “Nsui koo nte aabo Absalom aaninkpan Tamar ni sakpen.”

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

1 Bibɔrb 21:4

Ahab nan di nsuubiin le gir kun, le waaŋuul fii Nabof aah tuk u pu na pu. U nan ti doon waawandookaan pu, le ki di unimbil kpaa lidigbimal, kaan ji tijiir.

Ilahn 38:18

M kpiir maatunwanbir ti tii mi nsuubiin na la.

Ŋiyataŋak 15:13

Binib aasui yaa piin kan, bi laa ŋimɔmumuk la, le bisui yaa bii kan, bi kpa kinimbaak.

Ŋiyataŋak 15:15

Ugiin aabimbin ye u limukl la, le binib bi aasui piin na ji mmɔɔn n‑yoonn mɔmɔk.

Ŋiyataŋak 17:22

Mpopiin tii si laafee la. Aa yaa kpa mpombiin n‑yoonn mɔmɔk kan, ni ye nkun mu kaan ku si mala na la.

Ŋiyataŋak 18:14

Aa yaa bun ki kpa limakl ke aa ga pɔɔk kan, aa ga sil ŋmar, tɔ, aa yaa makr lii ke saan pɔɔk kan, ni doo aa pu le na.

Ulandaan 7:3

Mpombiin soor ni tilaar, nibaakan mu ga bii aanimbil wɔb, tɔ, ni mu moo kpae si nlan la.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Esekiel 7:16

Bibaa ga san buen ŋijoo ni ke ŋinanjel ŋi tiwan faani ŋi tifatann ni na la. Bi mɔmɔk ga li du baatunwanbir pu.

Jona 3:10

Uwumbɔr nan kan baah ŋa pu na; u nan kan ke bi di cha baabiin aabimbin, kina pu le u kpeln waalandak kaa ki daa bitafal ke waah ba ga daa pu na.

Jona 3:8

Binib mɔmɔk peen tiwanpeenkaan ni saak kuub na ki di kina aawanpeenkaan paan tiwakor mu pu. Unii mɔk mee Uwumbɔr ni linimaln, ki di cha mbiin ni titunwanbir aabimbin.

Jona 4:9

Le Uwumbɔr nan ki bui u ke, “Saah gee liŋuul lipulaajil ngbaan aakun pu na, ni ŋan aa?” Le Jona gar ke, “Ni ŋan ke m gee liŋuul. M kpa liŋuul li ga ŋmaa ku mi na.”

Matiu 26:75

Le Piita teer Yesu aah ba tuk u pu na ke, “Aa ga len nfum mutaa ke saa nyi mi, le ukooja nin wii.” Piita nan nyan lipaal, ki ti wii sakpen.

Tibɔnyaan ti Luk ŋmee ti na 15:10

Liyataŋakl lee aatataa le ye ke titunwanbirdaan ubaa yaa kpeln waabimbin kan, u pu le Uwumbɔr aatuuntiib ga li mɔɔni paacham.”

Tibɔnyaan ti Luk ŋmee ti na 18:13

“Ulampoogaar ngbaan nan sil dandar, kaa kaa u waan lik paacham. U nan po si jik uyil, le ki bui ke, ‘Uwumbɔr, san mi titunwanbirdaan kinimbaak,’ le ki siir kun.

Lituln 11:18

Juu yaab ngbaan aah ŋun Piita aah len pu na, le baa ki kpak u. Bi nan nyuŋ Uwumbɔr, le ki bui ke, “Kina pu na, Uwumbɔr cha binib bi kaa ye Juu yaab na mu kpeln baabimbin ki kan limɔfal.”

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

2 Korenti 12:21

ke m yaa fuu ni ni chee ki kan ke ni ponn ni pam tun titunwanbir, ni tijɔŋ aatuln, ki gɔr kidagook, ki ŋani tiwan ni kaa ŋan na, kaa kpeln nimi aabimbin kan, ni ga bii nsui sakpen. Le Maawumbɔr ga cha m ji inimɔɔn ni pu.

2 Korenti 7:9

M kpa mpopiin la. Naa ye ke nisui aah bii na le cha m kpa mpopiin. Nimi aapombiin le cha ni kpeln nimi aabimbin, nima le cha m kpa mpopiin. Uwumbɔr nan cha ni kpa mpombiin nimi aatunwanbir pu. Nima le kigbaŋ ki nan bii nisui na nan ŋa nimi tinyoor.

Hiibru Yaab 12:17

Nee aapuwɔb na, u nan ki ban lifaal li ye Uwumbɔr aanyoor ngbaan na, kaa kan. Waa nan ŋmaa kpeln waah nan ŋa pu na. U nan wii ki gaŋni ute ke u ŋa Uwumbɔr aanyoor ŋa u pu. Le ute yii.

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.