2 Korenti 7:1 - Uwumbɔr aagbaŋ

¹ Maanigeekaab, Uwumbɔr aah puu tipuur tee ki tii timi na, cha ti di cha lituln li kaa ŋan na mɔmɔk, ni ilandak i kaa ŋan na mɔmɔk, ki li san u, ki li ye binib bi bi chain ki doo na.

UWONBƆR A GBƆNPƆŊ LIKƆƆNL

¹ A li ke taah jɔɔ limɔsiinl man ni, n jɔtiib, ni che ti ŋa tiba kasi ki nya nan ye tijaginn ni ki sei tigbanann nin kinaaŋ nna, wee ki li be nbamɔm ki li jɔɔ kasi a binbem nin jilima ki tenn Uwonbɔr.

2 Korenti 7:1 ပူးပေါင်းရင်းမြစ်များ

2 Bibɔrb Aabɔr 19:9

U nan di lilambil limina le tii bi: “Ni li san Uwumbɔr naah tun lituln li na ni, ni li si chob ki keei waamɔb tiwan mɔmɔk ni.

Ilahn 119:9

Binib bi laa diin na yaa ban baabimbin li ŋan kan, see bi kii saakaal.

Ilahn 19:9

Aa yaa dooni Uwumbɔr kan, ni ŋan; naan li kpa ndoon. Uwumbɔr aabɔjil si chob la; li dii ibamɔn la.

Ilahn 51:10

Uwumbɔr, naan nsui mu ŋan na tii mi, ki di nsuupɔɔn mu ga kii saamɔb na tii mi.

Ŋiyataŋak 16:6

Li dii mbamɔm ki li si chob aan Uwumbɔr di saatunwanbir cha pinn si. Kii tii Uwumbɔr ki taa kan tibɔbir tibaa.

Ŋiyataŋak 20:9

Unii ga ŋmaa len ke waabimbin aa kpa tijɔŋ, ki bui ke u nyan titunwanbir ni ii?

Ŋiyataŋak 30:12

Binib bibaa bi, ki dak ke baabimbin ŋan la, le ki tee kpa tijɔŋ sakpen.

Ŋiyataŋak 8:13

Saah ga nyuŋ Uwumbɔr pu na le ye ke aa yii kinimbɔŋ; maa gee kigaak, ni inimpoo, ni kinimbɔŋ aasan, ni inyamɔn aamɔliin.

Ulandaan 11:10

Taa cha tiwan nibaa li muk si ki tii si iween. Saapɔnn aan ki yunn sakpen.

Aisaya 1:16

Kpeln nimi aabimbin man. Di cha man nimi aatunwanbir ti m kan ni ŋani ti na. Mbamɔn, di cha man,

Aisaya 55:7

Cha bibiindam di cha baah bi mbiin mu ni na ki kpeln baalandak. Cha bi fenn toŋ Tidindaan Uwumbɔr u san binib kinimbaak ki cha pinni titunwanbir mala na.

Jeremia 13:27

U kan nimi, ni tun tijɔŋ aatuln. U kan naah chuun ban ŋiwaa ŋigongon paab, ni ikpaakon ni, ke uja aah neen uŋeen aatɔ aapuu pu, bee utanja aah neen utaninkpel pu na. Jerusalem aanib, nimi aamɔfal junn a. Bayoonn aan ni mu ga ŋaŋ?

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Liifai Yaab 13:58

Tɔ, u yaa finn tiwan ngbaan, aan lipɔpɔl wuur ki nyan doo kan, u ki gir finn ni lelee, le ni ga ki ŋa chain.

Matiu 12:33

“Busub yaa ŋan kan, bu aasubil ga li ŋan. Bu yaa kaa ŋan kan, bu aasubil mu aan li ŋan. Bu aasubil pu le aa ga bee bu aah ye busub bu na. Kina le unii aatuln pu le ga cha aa bee ke u ŋan aan waa ŋan.

Matiu 5:48

Nima pu na, ni li bi mbamɔm, ke Nite Uwumbɔr u bi paacham na aah bi pu na.”

Matiu 5:8

Binib bi dii Uwumbɔr ni bisui mɔmɔk na, waanyoor bi bi pu. Bima le ga kan uma Uwumbɔr.

Lituln 9:31

Nima pu na, Yesu aanib bi nan bi Judea aatim ni, ni Galilee aatim ni, ni Samaria aatim ni na nan gaa bibaa. Unii ubaa aa ki muk bi. Le bi moo bae Tidindaan aaliin n‑yoonn mɔmɔk, ki pak u. Le Uwumbɔr Aafuur Nyaan ter bi, ki cha binib moo kpee bi pu.

Rom Yaab 5:20

Moses nan tuk binib Uwumbɔr aakaal. Nkaal ngbaan mɔk bi ke baatunwanbir wiir sakpen. Le titunwanbir aah wiir nin chee na Uwumbɔr aanimbaasaln wiir ki jer titunwanbir.

1 Korenti 6:20

Uwumbɔr daa nimi le ki pan. Naa yeh nibaa, Uwumbɔr le yeh nimi. Nima pu na, ni di nimi aawon tun lituln li ga nyuŋ Uwumbɔr na.

2 Korenti 1:20

U pu, le Uwumbɔr gbiin waah puu tipuur ti wiir na mɔmɔk. Nima pu na, u pu le ti bui ke, “Amii,” le ki nyuŋ Uwumbɔr.

Efesusi 2:3

Ti mɔmɔk mu nan bi bi ponn ni, ki mu dii taah ban tiwan ni kaa ŋan na pu na, ki ŋani tisui ni tiwon aah gee pu na. Taah nan bi pu na le nan cha Uwumbɔr gee liŋuul ti pu, ke waah gee liŋuul titunwanbirdam biken pu pu na.

1 Tesalonika 3:13

U tii nimi mpɔɔn ke ni li bi chain ki taa li kpa taani ubaa Tite Uwumbɔr aanimbiin ni, bundaln Tidindaan Yesu ni waanib mɔmɔk ga gir ni na.

1 Tesalonika 4:7

Uwumbɔr yin timi ke ti li bi chain. Waa yin timi ke ti li gɔr kidagook.

1 Tesalonika 5:23

Uwumbɔr u tii timi nsuudoon na, ŋa nimi aabimbin mɔmɔk chain, ki li joo nimi aawiin, ni nisui, ni nimi aawon mbamɔm, ni taa li kpa taani ubaa bundaln Tidindaan Yesu Kristo ga gir ni na.

Hiibru Yaab 12:23

Ni fuu ni Uwumbɔr aabipolb bi aayimbil ŋmee paacham na aakuun chee la. Ni fuu ni Uwumbɔr u ye binib mɔmɔk aabɔjir na chee. Ni fuu ni bininyaam aawiin mu Uwumbɔr ŋa mu, mu ŋan ti doo na chee.

Hiibru Yaab 12:28

Ti ga ji nnaan mu ga li bi n‑yoonn mu kaa kpa ndoon na. Nima pu na, cha ti doon Uwumbɔr, ki tun lituln li ga piir usui na tii u, ki li pak u, ki li san u ijawaan.

Hiibru Yaab 4:1

Tɔ, Uwumbɔr aah puu tipuur ke u ga tii timi lifuur na, nsan laa beenin bi ke ti kan li. Nima na, ni li nyi man, ubaa taa lann lifuur ngbaan.

Hiibru Yaab 6:9

Timi aanigeekaab, ti len kina la; ti mu aa dak ke ni bi ke kitiŋ ki bi ga see ki mmii na. Ti bee ke ni ŋmar ki ga kan tinyoor.

Jemisi 4:8

Ni foor malni Uwumbɔr man, le u mu ga foor mal nimi. Nimi titunwanbirdam, di nimi aatunwanbir lii man. Nimi bi ban ni dii dulnyaa aasan, ni Uwumbɔr aasan mu na, toor nisui man.

1 Piita 1:15

Cha nimi aabimbin mɔmɔk li bi chain, ke Uwumbɔr u yin nimi na aabimbin aah bi chain pu na.

1 Piita 1:17

Ni yaa mee Uwumbɔr kan, ni yin u ke Nite la. Nima pu na, ni li san u buyoonn ni bi na; ba pu? waa pak ubaa ki jer uken. U ga ji binib mɔmɔk aabɔr baah tun pu na.

1 Piita 1:22

Ni kii Uwumbɔr aabɔr ti gbii na la. Nima le cha nimi aabimbin bi chain. Le ni sil gee ninaabitiib. Nima pu na, ni li beenin gee tɔb mbamɔm.

1 Piita 2:11

Maanigeekaab, ni ye biwɔwɔm ni bisachum dulnyaa wee ni la. Nima pu na, m gaŋ nimi, ni taa kii nisui aah gee pu na; ba pu? nisui aah gee pu na kiir nimi Uwumbɔr aasan ni.

1 Piita 5:10

Ni yaa ji falaa ni yunn siib kan, Uwumbɔr ga ter nimi, ki tii nimi mpɔɔn ni li dii u mbamɔm, ki taa gir puwɔb. Ba pu? nterm mɔmɔk nyan ni uma le chee. U nan yin nimi Kristo pu, ke ni nan ji waamɔɔn n‑yoonn mu kaa kpa ndoon na.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

1 Jɔnn 1:9

Uwumbɔr ŋani waah len pu na ki ye mbamɔndaan la. Ti yaa kpiir timi aatunwanbir tuk u kan, u ga di cha pinn timi aatunwanbir, ki finn tipobil, ki nyan tiwan ni kaa ŋan na mɔmɔk.

1 Jɔnn 3:3

Unii umɔk kpa Yesu pu limakl ngbaan na, u ŋani ubaa chain la, ke Yesu aah ye chain pu na.