2 Korenti 6:2 - Uwumbɔr aagbaŋ

² Uma Uwumbɔr le len ke, “Naah ŋeer pu na, le m pel saameen. Bundaln ni ŋeer ke m gaa si lii na, le m ter si.” Li pel man, din le ni ŋeer. Din le ye n‑yoonn mu u ga gaa si lii na.

UWONBƆR A GBƆNPƆŊ LIKƆƆNL

² U len ke, “Iyoo kaah nan nan foo nin n gbir ni miɛmin, n nan pel ni miɛma, Iyoo kaah nan nan foo nin bininfob n kan feegabin, n nan ter na.” N bei ni le, daandaan nan le ye Uwonbɔr a nyunyunbasanl, daandaan nan le ye feegab a daal.

2 Korenti 6:2 ပူးပေါင်းရင်းမြစ်များ

Ilahn 69:13

Uwumbɔr, le m ma ga mee si; Uwumbɔr, kii mi buyoonn aa gee na. Saageehm sakpiin pu, kii maayim, ba pu? aa joo saapuur ti aa puu ke aa ga gaa binib lii na.

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 61:2

U tun ni mi ke m nan moon ke n‑yoonn fuu ni, buyoonn Uwumbɔr ga gaa waanib lii ki nyaŋ waadim na. U tun ni mi ke m nan sɔŋ binib bi wii na aasui,

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Tibɔnyaan ti Luk ŋmee ti na 18:37

Le bi bui u, “Yesu u ye Nasaref aatiŋ aanii na le choo.”

Tibɔnyaan ti Luk ŋmee ti na 4:19

ki tuk binib ke buyoonn Uwumbɔr ga gaa waanib lii na fuu ni.”

Hiibru Yaab 3:13

Ni li pɔɔk tɔb aataakpab iwiin mɔmɔk, nsan aah laa bi pu buyoonn na, titunwanbir taa ŋmann unii ubaa aan utafal li pɔɔ.

Hiibru Yaab 3:7

Uwumbɔr Aafuur Nyaan nan bui Israel yaab ke, “Ni yaa ŋun Uwumbɔr aaneel din wee kan,

Hiibru Yaab 4:7

Nima pu le Uwumbɔr ki siin nwiin mu bi ga kan lifuur ngbaan na, ki yin nwiin ngbaan ke “Din.” Binib ngbaan aa kan lifuur ngbaan; le ŋibin pam jer, le David nan ŋmee Uwumbɔr Aagbaŋ ni, naah nan puen ŋmee pu na ke, “Ni yaa ŋun Uwumbɔr aaneel din wee kan, ni taa cha nitafal li pɔɔ.”