2 Korenti 5:3 - Uwumbɔr aagbaŋ

³ Ti yaa kan tiwon ngbaan kan, timi aawiin aan chuun mu ŋmeen.

UWONBƆR A GBƆNPƆŊ LIKƆƆNL

³ Nan bu-n ti nan kɔɔ iniin nmɔn yaan ke, taa na yin gaan ni.

2 Korenti 5:3 ပူးပေါင်းရင်းမြစ်များ

Nnyam 32:25

Moses nan kan ke Aaronn le cha binib ngbaan gaa bibaa ki ŋa kijɔrk aatuln, baadim aanimbil ni.

2 Korenti 5:2

Taah bi dulnyaa wee ni na, le ti ji falaa, ki du. Tinimbil man ke ti kan timi aawon ti bi paacham na.

2 Korenti 5:4

Ni ye mbamɔn, timi bi bi dulnyaa wee ni na, falaa muk timi, le ti du. Naa ye ke ti ban ke timi aawiin li chuun muŋmeen. Ti ban ke ti kan tiwon ti bi paacham na. Ti ban ke ti di tiwon ti ga kpo na lii, ki kan tiwon ti ga li bi n‑yoonn mu kaa kpa ndoon na.

Tibɔkpiirkaan 16:15

Tiyayaar ngbaan nan kuun bi lipepel libaa wɔb. Hiibru aaliin ponn ni bi yin nima chee ke Amagedonn. Le Yesu bui ke, “Li pel man, m ga dan ke unaayuk aah choo pu na la. Uwumbɔr aanyoor bi binib bi si kii bundaln m ga nan fuu ni na, ki lik baawanpeenkaan ke bi taa chuun biŋmeen, ki taa ji inimɔɔn.”

Tibɔkpiirkaan 3:18

Nima pu na, m sur nimi ke ni daa m chee salmaa u bi di pu mmii ni aan u ŋa chain na, aan ki sil li ye biwankpadam; ki daa m chee tiwanpeenkaan ni piin na ki di peen, aan binib taa ki kan naah si niŋmeen pu na; ki daa m chee linimbil aanyɔk ki di mee ninimbil aan ki likr.