2 Korenti 5:20 - Uwumbɔr aagbaŋ

²⁰ Ti sil Kristo aasisiiyaan, le ki gaŋni nimi. Ni bi ke Uwumbɔr ubaa le aah gaŋni nimi na. Ti gaŋni nimi ki tii Kristo, ke ni gir ni Uwumbɔr chee man.

UWONBƆR A GBƆNPƆŊ LIKƆƆNL

²⁰ Mambu ti ye ban si Masiya a taalin le, le Uwonbɔr be nin ti ki che ti yi bininfob. Yisa bu le ti balin ni: Ni jir ki mɔŋ nin Uwonbɔr a.

2 Korenti 5:20 ပူးပေါင်းရင်းမြစ်များ

2 Bibɔrb 17:13

Uwumbɔr nan tun ni waatuun, ni waabɔnabr ke bi nan sak Israel ni Juda aanib ke: “Di cha man nimi aatunwanbir aasan, ki kii maakaal i bi ikaal i m nan di tii niyaajatiib na, ni maah di i tii ni maatutum bi ye maabɔnabr na.”

2 Bibɔrb Aabɔr 36:15

Uma Uwumbɔr u ye biyaajatiib Aadindaan Uwumbɔr na nan beenin tun waabɔnabr ke bi nan sak waanib. U nan ŋani kina ke u cha bi ni Waadichal ŋmar la.

Nehemia 9:29

Aa nan sur bi ke bi kii saah mɔk bi pu na, le bi di kigaak ŋmeen ki yii saakaal; le unii aah ga ŋa pu ki li kpa limɔfal na, le ye ke u li joo saakaal ngbaan. Bi nan di n‑yipɔɔn ki yaar biyil gar gar, ki yii kaa kii saamɔb.

Job Aagbaŋ 22:21

Tɔ, Job, cha aa ni Uwumbɔr ŋa nsuudoon aamɔbaan, ki taa ki ŋani u ke saadin na. Aa yaa ŋa kina kan, u ga ŋa waanyoor ŋa aa pu.

Job Aagbaŋ 33:23

Nibaakan Uwumbɔr aatuun ga dan nan ter u, Nibaakan, Uwumbɔr aatuuntiib ŋichur ponn ni ubaa u teer binib baatuln aah ye pu na le ga dan nan ter u.

Job Aagbaŋ 33:6

M ni sin ye tiwanbaan le Uwumbɔr chee, tiyakr le u nan di ŋa ti mɔmɔk bilee.

Ŋiyataŋak 13:17

Ntuun mu aa ti len ibamɔn na joo ni tibɔr la, le saah ga ŋmaa nyu binib bi pu baala na ma joo ni nsuudoon.

Aisaya 27:5

Maanib aadim ma yaa tee ban ke m li kii bi kan, cha bi sɔŋ nsui. Mbamɔn, cha bi sɔŋ nsui.”

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Jeremia 44:4

Le m joo maatutum bi ye bibɔnabr na tuni ni chee, le bi nan bui nimi ke ni taa ŋani tiwan ni sukr ponn ni na maah kaa gee ni na.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Tibɔnyaan ti Luk ŋmee ti na 14:23

Le udindaan bui u, ‘Li cha isan ni, ki ti gaŋ binib ke bi dan nan ji, aan maadichal gbiin.

Jɔnn 20:21

Le u ki bui bi, “Ni li kpa nsuudoon man. Nte Uwumbɔr aah tun ni mi pu na, kina le m mu tun nimi.”

Rom Yaab 5:10

Buyoonn ti nan ye Uwumbɔr aadim na, le Ujapɔɔn nan kpo ti pu. U pu, le ti ni Uwumbɔr kpaan kijɔtiik. Ti ni Uwumbɔr aah kpaan kijɔtiik na, ŋmaninkabaa taah ga ŋmar waamɔfal pu pu na?

2 Korenti 12:10

M yaa kan idabur, ni ŋisiibil, ni falaa, ni limukl, ni tibɔr, Kristo pu kan, le ni mɔ mi; ba pu? maah kaa kpa mbaa aapɔɔn buyoonn na, le m kpa Kristo aapɔɔn.

2 Korenti 3:6

Uma le tii timi mpɔɔn ke ti tuk binib waah puu tipuupɔln ti na. Taa tuk bi ke bi yaa kaa kii Moses aakaal mɔmɔk kan, bi ga kpo. Ti tuk bi ke Uwumbɔr Aafuur Nyaan le ga tii bi limɔfal. Ba pu? Moses aakaal mɔk timi ke ti ŋeer nkun, Uwumbɔr Aafuur Nyaan le tii timi limɔfal.

2 Korenti 5:11

Nima le cha ti san Tidindaan, ki sur binib ke bi li dii u. Uwumbɔr nyi timi aabimbin aah bi pu na. M dak ke ni mu nyi timi aabimbin.

2 Korenti 6:1

Timi bi kpaan Uwumbɔr chee ki tun waatuln na le gaŋni nimi, ni taa gaa Uwumbɔr aaterm yɔli.

Efesusi 6:20

M si Yesu aasisiiyaan, ki bi kiyondiik ni, tibɔnyaan ngbaan pu la. Nima pu na, ni li mee Uwumbɔr ke u tii mi lipobil, ke m tuk binib tibɔnyaan ngbaan, maah ba ga tuk bi pu na.

Kolosiya 1:20

Uma Yesu pu, le ni mɔ Uwumbɔr ke u di tiwan ni mɔmɔk bi paacham, ni tiwan ni mɔmɔk bi kitiŋ na tooh kijɔtiik ubaa chee. Waasin nan nyan uwon ni, ndɔpuinkoo pu; waasin ngbaan pu le Uwumbɔr cha tiwan ngbaan mɔmɔk ni uma ŋa kijɔtiik.

1 Tesalonika 4:8

Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.