2 Korenti 5:18 - Uwumbɔr aagbaŋ

¹⁸ Mbimbipɔɔn ngbaan nyan ni Uwumbɔr chee la. Kristo pu, le Uwumbɔr di timi kpaan ubaa chee, ke ti taa ki li ye waadim, ki tii timi lituln ke ti kpaan binib u chee.

UWONBƆR A GBƆNPƆŊ LIKƆƆNL

¹⁸ Ni niɛ biɛn nyan Uwonbɔr ban le, u ma che ti jir mɔŋ nin U Masiya bu, le ki sei ti jir mɔŋ a toon.

2 Korenti 5:18 ပူးပေါင်းရင်းမြစ်များ

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 57:19

M tii binib bi duun na, ni binib bi dandar na mɔmɔk nsuudoon. M ga tii maanib laafee.

Esekiel 45:15

Ni nyan upiih ubaa Israel aapihkpaamook aapiih ikui ilee ni tii mi ipiin. “Ni li joo ni njikaabim aatork, ni tiwakor ti ni ga di see mmii ni timɔnn na, ni kimɔbaan aatork nan tii mi, aan ki kan chapinn nimi aatunwanbir pu. Min Nidindaan Uwumbɔr le siin kina.

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Liifai Yaab 6:30

Tɔ, ni yaa di kiwakork ngbaan aasin buen Libool na ni, ki ti di mu tii ke mu nyan titunwanbir kan, ni taa ŋmɔ kiwakork ngbaan; ni see ki mmii ni.

Tibɔnyaan ti Luk ŋmee ti na 10:5

Ni yaa koo lidichal ni kan, njan aawan le ye ke ni bui bi, ‘Uwumbɔr aanyoor bi lidichal lee aanib pu.’

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Jɔnn 3:16

Uwumbɔr aah gee dulnyaa aanib sakpen pu na, nima le u di Ujapɔnbaal tii ni ke unii umɔk gaa u ki kii na taa kpo, u li kpa limɔfal li kaa kpa ndoon na.

Jɔnn 3:27

Le Jɔnn bui bi, “Ubaa aan ŋmaa ŋa nibaa see Uwumbɔr le tii u.

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

Rom Yaab 11:36

Tiwan nimɔk bi na, ni nyan ni u chee la. U cha tiwan mɔmɔk beenin bi. Tiwan mɔmɔk bi, ke ni pak u. Uma le yeh mpakm n‑yoonn mu kaa kpa ndoon na. Amii.

Rom Yaab 5:1

Taah gaa Uwumbɔr ki kii pu na, nima le u len ke timi aabɔr ŋan. Tidindaan Yesu Kristo pu le ti ni Uwumbɔr kpaan kijɔtiik.

1 Korenti 1:30

Uwumbɔr cha ni ni Yesu Kristo kpaan la, ki cha u ye timi aalan. Yesu pu, le u len ke timi aabɔr ŋan, ki ŋa timi waaninyaam, ki gaa timi lii.

1 Korenti 11:12

Upii nan nyan ni uja ni. Uja mu nyan ni upii ni. Le bi mɔmɔk nyan ni Uwumbɔr chee.

1 Korenti 12:6

Uwumbɔr aapɔɔn le cha binib tun lituln aabɔŋ. Le Uwumbɔr u cha unii mɔmɔk tun lituln ngbaan mɔmɔk na, u ye ubaa.

1 Korenti 3:5

Ŋma ye Apolos? Ŋma ye Pɔɔl? Ti po ye Uwumbɔr aatutum bi ter nimi ke ni gaa Yesu ki kii na la. Ti mɔmɔk tun lituln li Uwumbɔr tii timi ke ti tun na la.

1 Korenti 8:6

Tima kan, ti kpa Uwumbɔrbaan, u ye Tite na. Uma le nan naan tiwan mɔmɔk. Ti bi ke ti li ŋani waageehn la. Ti kpa Tidindaan ubaa mu la. Uma le ye Yesu Kristo. Uma le Uwumbɔr nan cha u naan tiwan mɔmɔk. Uma pu le ti bi.

Kolosiya 1:22

le dandana wee u cha ni ni uma ŋa kijɔtiik; ba pu? Ujapɔɔn nan kpo ni pu la. U nan kpo ni pu, ke ni li bi chain, ki li ye bininyaam, ki taa li kpa ngalm mubaa, bundaln u ga di nimi siin Uwumbɔr aanimbiin ni na.

Hiibru Yaab 2:17

Ni ŋan ke u li naahn unaabitiib tiwan mɔmɔk ponn ni, aan ki li ye utotoorninkpel u san timi kinimbaak, ki tun Uwumbɔr aatuln mbamɔm, ki di ubaa toor kitork aan Uwumbɔr di cha pinn waanib baatunwanbir na.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

1 Jɔnn 2:2

U nan si timi aasisiiyaan ki di ubaa toor kitork tii Uwumbɔr, timi aatunwanbir pu; naa ye timi baanja aatunwanbir pu, binib bimɔk bi dulnyaa ni na aatunwanbir pu. Uma Yesu pu, le Uwumbɔr ga di cha pinn timi.

1 Jɔnn 4:10

Ngeehm aa ye ke timi le gee Uwumbɔr. Ngeehm ye ke Uwumbɔr le gee timi, ki tun ni Ujapɔɔn dulnyaa ni, u nan sil timi aasisiiyaan ki di ubaa toor kitork tii Uwumbɔr, timi aatunwanbir pu. Uma pu, le Uwumbɔr ga di cha pinn timi.