2 Korenti 5:17 - Uwumbɔr aagbaŋ

¹⁷ Nima pu na, unii umɔk kpaan Kristo chee na, u ye unipɔɔn la. Udaan aabimbikpok jer a, ki kpeln mbimbipɔɔn.

UWONBƆR A GBƆNPƆŊ LIKƆƆNL

¹⁷ Ni bu uninfo wan be Masiya ban ke, udaan nin ye uninfopɔɔn le, u binben kpegim nbiɛn jon na, le nbinben pɔɔn dan!

2 Korenti 5:17 ပူးပေါင်းရင်းမြစ်များ

Ilahn 51:10

Uwumbɔr, naan nsui mu ŋan na tii mi, ki di nsuupɔɔn mu ga kii saamɔb na tii mi.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Esekiel 11:19

M ga tii bi nsuupɔɔn ni nlandak pɔɔn. M ga chuu nyan baatafalaaŋun aasui mu pɔɔ ke litakpal na, ki ga di nsui mu kpa ŋuntii na tii bi.

Esekiel 18:31

Di cha titunwanbir ti mɔmɔk ni tun na man, ki ban isuupɔɔn, ni ilandak pɔɔn tii nibaa. Ba ŋa nimi Israel yaab ban ke ni kpo?

Esekiel 36:26

M ga tii nimi nsuupɔɔn ni nlandak pɔɔn. M ga chuu nyan nimi aatakpal aatafalaaŋun aasui na ki tii nimi nsui mu ye ŋuntii aasui na.

Matiu 12:33

“Busub yaa ŋan kan, bu aasubil ga li ŋan. Bu yaa kaa ŋan kan, bu aasubil mu aan li ŋan. Bu aasubil pu le aa ga bee bu aah ye busub bu na. Kina le unii aatuln pu le ga cha aa bee ke u ŋan aan waa ŋan.

Matiu 24:35

Paacham ni taab ga jer. Maamɔbon ma aan jer.”

Tibɔnyaan ti Luk ŋmee ti na 5:38

See bi di ndawiin ŋa kiloopɔŋ ni.

Jɔnn 14:20

Liyaadaal ngbaan le ni ga bee ke m bi Nte Uwumbɔr ni, le ni mu bi m ni, le m mu bi ni ni.

Jɔnn 15:2

Ibon imɔk bi m pu kaa lu ŋisubil na, u ga per i lii. Ibon imɔk lu ŋisubil na, u ga toor i, i moo lu ŋisubil.

Jɔnn 15:5

“Min le ye lisupuul ngbaan. Le ni ye ibon. Unii umɔk kpaan m chee, m mu kpaan u chee na, udaan ngbaan ŋani tinyoor sakpen tii mi; ni mu yaa kaa kpaan m chee kan, naan ŋmaa ŋa nibaa.

Jɔnn 17:23

M bi bi ni, le aa mu bi m ni, ke bi kpaan unibaan mbamɔm, aan dulnyaa ni aanib bee ke aa tun ni mi, ki bee ke aa gee saanib ke saah gee mi pu na.

Jɔnn 3:3

Le Yesu bui u, “M tuk si mbamɔn la, bi yaa kaa ma unii lelee kan, waan ŋmaa koo Uwumbɔr aanaan ni.”

Jɔnn 3:5

Le Yesu bui u, “M tuk si mbamɔn la, Uwumbɔr Aafuur Nyaan yaa kaa ma unii lelee aan bi muin u nnyun ni kan, waan ŋmaa koo Uwumbɔr aanaan ni.

Rom Yaab 16:10

ki doon Apeles, u nyaŋ ntɔŋ Kristo pu na, ki doon Aristobulus aachiln ni aanib,

Rom Yaab 16:11

ki doon nna aabo Herodionn, ki doon Nasisus aachiln ni aanib bi dii Tidindaan na.

Rom Yaab 16:3

Ni doon Prisila ni uchal Akuila tii mi. Bi ye maatutuŋeer tiib Yesu Kristo aatuln ponn ni la.

Rom Yaab 16:7

Ni doon nnaabitiib Andronikus ni Junia. Bi nan bi kiyondiik ni m chee. Bi kpa liyimbil Yesu aakpambalb chee, ki nan puen mi ki gaa Kristo ki kii.

Rom Yaab 16:9

Ni doon njɔ Ubanus tii mi, u ye timi aatutuŋeer Kristo aatuln ponn ni. Ni doon Stakis u m gee u na ki tii mi,

Rom Yaab 7:6

Dandana wee, taah kpo na, nkaal na aa ki dii timi, ki mu aa ki joo timi tinaagbiir. Le Uwumbɔr Aafuur Nyaan tii timi mbimbipɔm, ke ti tun lituln tii Uwumbɔr. Nkaal na aa ki joo timi.

Rom Yaab 8:1

Nima pu na, Uwumbɔr aan len ke binib bi kpaan Yesu Kristo chee na aabɔr bii.

1 Korenti 1:30

Uwumbɔr cha ni ni Yesu Kristo kpaan la, ki cha u ye timi aalan. Yesu pu, le u len ke timi aabɔr ŋan, ki ŋa timi waaninyaam, ki gaa timi lii.

1 Korenti 13:11

Maah nan ye ubo na, m nan len ibiliin la, ki nan beer tiwan mbim aah beer pu na, ki dak mbim aah dak pu na. Maah ŋa unii na, le m di cha mbim aabɔr.

2 Korenti 12:2

Ŋibin kipiik ni ŋinaa le Uwumbɔr nan yoor mi buen udo paacham. M nyi u di maawiin baanja le buen aan u di maawiin ni nwon mɔk le di buen. Uma le nyi.

2 Korenti 5:16

Taan ki lik unii ubaa paacham ke dulnyaa ni aanib aah lik pu na. N‑yoonn mubaa ti nan lik Kristo kina la. Ti mu aa ki lik u kina.

2 Korenti 5:19

Maah len pu na le ye ke Kristo aah nan kpo na, nima le tii Uwumbɔr nsan ke u di dulnyaa ni aanib kpaan ubaa chee, ki di cha baatunwanbir pinn bi. U di tichandaan aaliin imina ŋa tiŋaal ni, ke ti tuk binib.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Galantiya 3:28

Naah kpaan Yesu Kristo ni na, ni mɔmɔk ye unibaan la. Juu yaab ni binib bi kaa ye Juu yaab na, ni binaagbiib ni mmaal aabim, ni bijab ni bipiib, ni mɔmɔk ye unibaan la.

Galantiya 5:6

Ti yaa kpaan Yesu Kristo ni kan, lichakpangeei aa ye tibɔkpaan. Unii yaa kaa gii kan, ni mu aa ye tibɔkpaan. Ti yaa gaa Yesu ki kii, ki mu yaa gee binib kan, nima le ye tibɔkpaan.

Galantiya 6:15

Unii yaa dii Yesu Kristo aasan kan, lichakpangeei aa ye tibɔkpaan, unii yaa kaa gii kan, ni mu aa ye tibɔkpaan. Mbimbipɔɔn le ye tibɔkpaan.

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Efesusi 2:15

Waah kpo na, u kuln kiduŋ ki nan bi ti ni bikaasisik ni na. U kuln Juu yaab aakaal ni baakoobil, ki di timi Juu yaab, ni binib bi kaa ye Juu yaab na kpaan ŋa linibopɔln libaa, bi kpaan u ni na, nima le ti ŋa kimɔbaan.

Filipi 4:21

Ni doon Yesu Kristo aaninyaam mɔmɔk tii mi. Tinaabitiib bi bi m chee na dooni nimi.