2 Korenti 4:17 - Uwumbɔr aagbaŋ

¹⁷ Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

UWONBƆR A GBƆNPƆŊ LIKƆƆNL

¹⁷ Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

2 Korenti 4:17 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Ilahn 119:67

Waahr aan aa nin daa ntafal na, m nan tun taani; tɔ, dandana ma kan, m kii saamɔb.

Ilahn 119:71

Maatafadaan nan ŋan tii mi la, ba pu? mu cha m bae saakaal.

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 31:19

Saah ŋa tiwan ni tii binib bi nyuŋ si na kpa iwaan. Unii mɔmɔk nyi saah ŋan pu na, ki nyi saah kii binib bi tii si naadii na pu na.

Ilahn 73:24

Aa di saamɔkm le mɔk mi nsan, le nimina aadoon na, aa ga nan di kinyuŋ le gaa mi.

Aisaya 26:20

Maanib, koo man nimi aadichal ni, aan ki laŋ nibaa pu. Bɔr man nibaa siib aan Uwumbɔr aaŋuul jer.

Aisaya 54:8

M nan di liŋuul le ki san cha si siib, le m ga di maageehm mɔk si ki ti saa n‑yoonn mu kaa kpa ndoon na.” Kina le Uwumbɔr u gaa si lii na len.

Aisaya 64:4

Ubaa aa kee kan, bee u ŋun Uwumbɔr uken pu u bi ke sin, u ŋani ŋitun ŋee aaboln tii binib bi mak aa pu na.

Nkahm 5:28

U yaa kaa nyi tibɔr ngbaan kan, nibaa aan ŋa u, le u ga ŋmaa maa mbim.

Matiu 5:12

Ni li kpa mpopiin sakpen, ba pu? ni ga nan kan tinyoor sakpen paacham. Kina le bi nan ŋa Uwumbɔr aabɔnabtiib bi nan bi n‑yaayoonn na falaa.”

Tibɔnyaan ti Luk ŋmee ti na 6:23

Bi yaa ŋa nimi kina kan, ni li kpa mpopiin sakpen ki li mɔɔni; ba pu? ni ga nan kan tinyoor sakpen paacham. Kina le biyaajatiib nan ŋa Uwumbɔr aabɔnabtiib falaa.

Lituln 20:23

M po nyi ke ntim mɔmɔk ponn ni, Uwumbɔr Aafuur Nyaan sur mi ke bi ga di mi ŋa kiyondiik ni, ki ŋa mi falaa.

Rom Yaab 2:7

Binib bi kpa limɔr ki tun lituln li ŋan na, ki ban mpakm, ni nnyuŋ, ni limɔfal li kaa kpa ndoon na, bima le Uwumbɔr ga tii bi limɔfal li kaa kpa ndoon na.

Rom Yaab 8:18

M nyi ke dandana aafalaa aan ŋmaa ŋaŋ mpopiin mu ti ga nan kan mu paacham na.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

Rom Yaab 8:37

Tɔ, Yesu Kristo u gee timi na aapɔɔn pu, le ti kan linyaŋ kookoo.

1 Korenti 2:9

Ni ŋmee Uwumbɔr Aagbaŋ ni ke, “Tiwan ni binib aanimbil aa kee kan ni, bitafal mu aa kee ŋun ni pu, aan baalandak aa kee dakl naabɔr na, nima le Uwumbɔr ŋa tii binib bi gee u na.”

2 Korenti 3:18

Ti mɔmɔk waa Tidindaan aah wiin chain pu na. Nibaa aa bi ki dok timi ke ti taa li waa u. Tidindaan u ye Nfuur Nyaan na le cha ti bi kpelni, ki naŋni u, ki moo wolni n‑yoonn mɔmɔk, ke waah wiin chain pu na.

Filipi 1:19

ni mee Uwumbɔr tii mi la, Yesu Kristo Aafuur Nyaan mu ter mi, le m bee ke nima le ga cha m nya kiyondiik ni.

2 Tesalonika 1:4

Nima pu le ti puk kipupuk ni pu Uwumbɔr aanib chee, ki tuk bi naah gaa Yesu ki kii ki kpa limɔr, falaa ni limukl mɔmɔk ponn ni pu na.

2 Tesalonika 1:6

Ni ye mbamɔn, Uwumbɔr len ke ni ŋan ke binib bi ŋani nimi falaa na, u mu ŋa bi falaa,

2 Timoti 2:10

Nima pu le m kpa limɔr falaa mɔmɔk ni, binib bi Uwumbɔr nyan bi na pu, aan bi mu kpaan Yesu Kristo ni, ki ŋmar, ki li kpa mpopiin mu kaa kpa ndoon na.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

1 Piita 4:7

Tɔ, ni gur siib le tiwan mɔmɔk ga doo. Nima pu na, ni li kpa laasaab, ki chur nibaa, ki mee Uwumbɔr.

1 Piita 5:10

Ni yaa ji falaa ni yunn siib kan, Uwumbɔr ga ter nimi, ki tii nimi mpɔɔn ni li dii u mbamɔm, ki taa gir puwɔb. Ba pu? nterm mɔmɔk nyan ni uma le chee. U nan yin nimi Kristo pu, ke ni nan ji waamɔɔn n‑yoonn mu kaa kpa ndoon na.

1 Jɔnn 3:2

Maanigeekaab, dandana wee ti ye Uwumbɔr aabim la. Taa kee nyi taah ga nan li bi pu na. Ti po nyi ke Yesu yaa nan gir ni kan, ti ga kan waah bi pu na. Nima pu le ti mu ga li naahn u.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.