2 Korenti 3:7 - Uwumbɔr aagbaŋ

⁷ Moses aakaal nan ŋmee ŋitakpapapan pu, ki nan fuu ni ni mpɔɔn aafuun la. Uwumbɔr aah nan cha Moses tii Israel yaab nkaal mu bi door na, Moses aanimbil wɔb nan wiin chain, le binib aanimbil aa ŋmaa lik u. Tɔ, nkaal mu mɔk timi ke ti ŋeer nkun na aah nan joo ni nwiihn kina na,

UWONBƆR A GBƆNPƆŊ LIKƆƆNL

⁷ Ni ye itoon nan le che nkum foon ke, wee bi nan sɔb litangbagil bu-n, iyaayoo le Uwonbɔr nmɔn a weem takpem jiirin ki nan won ki nyagin Moziz a num paam, nwonween nmɔn kaah nan nyagin man ni n bu, Iziral yaab kaa nan fir ligi, ni ye itoon nmɔn le nan che nkum foon ki biɛ che nwonween takpen foon ke,

2 Korenti 3:7 ပူးပေါင်းရင်းမြစ်များ

Mpiin 3:21

Le Uwumbɔr di tiwakor aagban ki di jab, ki ŋa tiwanpeenkaan ki di peen bi.

Nehemia 9:13

Aa nan sunn ni bi chee Sainai Aajool chee; nima chee le aa nan len bi chee tibɔr ki tii bi ikaal i ŋan na, ni mbaem mu kpa ntataa na.

Ilahn 119:174

Uwumbɔr, m kiir buyoonn aa ga gaa mi lii na, ki ti bak a. Saakaal ponn ni le m kani mpopiin.

Ilahn 119:97

M gee saakaal sakpen a. M dakl i pu le nwiin ti lir.

Nnyam 24:12

Uwumbɔr nan ki bui Moses ke, “Dan m chee lijool ngbaan paab. Buyoonn aa bi do na, m ga di ŋitakpal ŋilee ŋi m ŋmee ikaal ŋi pu na tii si, aa ti di mɔk binib ngbaan.”

Nnyam 31:18

N‑yoonn mu Uwumbɔr len Moses chee tibɔr doo, Sainai Aajool paab na, le u di ŋitakpapapan ŋilee ŋi uma Uwumbɔr ubaa ŋmee waakaal ŋi pu na di tii u.

Nnyam 32:19

N‑yoonn mu Moses fuu ni linampal ki kan unaajabo aawaal, aan binib ngbaan bi waa liwaal linimbiin ni na, le liŋuul chuu u. Le u di ŋitakpapapan na di lii lijool ngbaan aataab, le ŋi wii.

Nnyam 34:1

Uwumbɔr nan ki bui Moses ke, “Kpii ŋitakpal ŋilee, ŋi li bi ke njan yee na, aan m ki ŋmee ŋi pu ŋimɔbon ŋi nan bi njan yee, ŋi aa nan di lii wii na.

Lituln 6:15

Le bibɔjirb aaninkpiib mɔmɔk lik Stiifen ki kan ke unimbil wɔb wiin chain ke Uwumbɔr aatuun aanimbil wɔb na.

Rom Yaab 10:4

Kristo fuu ni ke binib bi gaa u ki kii na aabɔr li ŋan. Naa ye ke baah dii nkaal pu na le cha baabɔr ŋan.

Rom Yaab 4:15

Binib aah bii nkaal na, le Uwumbɔr gee liŋuul bi pu. Nkaal aah kaa bi nin chee na, binib aa bii nkaal.

Rom Yaab 5:20

Moses nan tuk binib Uwumbɔr aakaal. Nkaal ngbaan mɔk bi ke baatunwanbir wiir sakpen. Le titunwanbir aah wiir nin chee na Uwumbɔr aanimbaasaln wiir ki jer titunwanbir.

Rom Yaab 7:10

Uwumbɔr nan tii timi waakaal ke ti dii mu, aan ki kan limɔfal. Le m bee ke maah kaa ŋmaa joo waakaal mɔmɔk na, m ŋeer nkun.

Rom Yaab 7:22

M gee Uwumbɔr aakaal nsui ni.

Rom Yaab 7:5

Taah kaa nan dii Uwumbɔr buyoonn na, tisui nan gee Uwumbɔr aakaal aah kɔ pu na, ki cha ti tun titunwanbir ki dii nkun aasan.

1 Korenti 13:10

le buyoonn ti ga kan tiwamɔn na kan, ti ga di ligeln lii.

2 Korenti 3:3

Bi ga bee ke ni ye kigbaŋ ki nyan ni Kristo ni na, le u cha ti ŋmee ki. Taa nan di ngbaŋmeemoon le ŋmee ki. Uwumbɔr u ye limɔfadaan na Aafuur Nyaan le ŋmee ki. Ŋŋmeen ngbaan aa ŋmee ŋitakpal pu, ni ŋmee binib aasui ni la.

2 Korenti 3:6

Uma le tii timi mpɔɔn ke ti tuk binib waah puu tipuupɔln ti na. Taa tuk bi ke bi yaa kaa kii Moses aakaal mɔmɔk kan, bi ga kpo. Ti tuk bi ke Uwumbɔr Aafuur Nyaan le ga tii bi limɔfal. Ba pu? Moses aakaal mɔk timi ke ti ŋeer nkun, Uwumbɔr Aafuur Nyaan le tii timi limɔfal.

2 Korenti 3:8

Uwumbɔr yaa tii timi Waafuur Nyaan kan, Nfuur Nyaan ngbaan ga li joo ni nwiihn ki ti jer kina.

Galantiya 3:10

Tɔ, binib bimɔk dii Moses aakaal ke bi ŋmar na, Uwumbɔr aamɔpuur bi bi pu la. Ba pu? ni ŋmee Uwumbɔr Aagbaŋ ni ke, “Uwumbɔr aamɔpuur bi unii umɔk yii, kaa dii ikaal ni mmɔkm mumɔk bi Nkaal aagbaŋ ni na pu la.”

Galantiya 3:21

Moses aakaal kpak Uwumbɔr aah puu tipuur ti na aa? Aayii. Nkaal ngbaan yaa ba ŋmaa tii timi limɔfal kan, nkaal ngbaan pu le ti ba ga ŋmar.

Ikaal 4:13

U nan tuk nimi naah ga ŋa pu aan ki li joo waah nan puu tipuur ti tii nimi na pu na; ke ni pɔɔn nibaa ki kii tii ikaal kipiik i u nan ŋmee paan ŋitakpal ŋilee pu na.

Ikaal 4:8

Linibokpaan liken aa bi ki kpa ikaal i ŋan ke maah di i mɔk nimi din wee na.

Ikaal 5:22

“Ikaal imina le Uwumbɔr nan di tii ni mɔmɔk, buyoonn ni nan kuun dan lijool ngbaan chee na. Waah nan len ni chee tibɔr nneel sakpiin, mmii ponn ni, ni ntaalangbam bɔmbɔm ponn ni na, le u nan di ikaal imina tii nimi. Waa ki di ibaa kpee i pu. U nan ŋmee i ŋitakpapepee ŋilee pu, le ki di i tii mi.

Ikaal 9:15

“Nima pu na, m nan ŋa mala, le ki sunn ni lijool ngbaan taab, ki joo ŋitakpapapan ŋilee ŋi Uwumbɔr nan ŋmee waakaal ŋa ŋi pu na. Mmiigaal nan nyan ni lijool ngbaan paab.

Hiibru Yaab 12:18

Tɔ, naa fuu ni dulnyaa wee ni aajool chee. Israel yaab nan fuu ni Sainai aajool chee, ki kan lijool ngbaan gaal mmii ki kpa iŋmanyuu i bɔɔn ki bɔln nima chee na. Bi nan ŋun kibuŋ ki daar na,

Hiibru Yaab 3:3

Unii u ye mmaal aayaaja na le kani nnyuŋ ki jer mmaal aanii ubaa. Kina le Uwumbɔr len ke Yesu ŋeer nnyuŋ ki jer Moses.

Hiibru Yaab 9:4

Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.