2 Korenti 3:14 - Uwumbɔr aagbaŋ

¹⁴ Bitafal nan pɔɔ. Bi yaa karn Uwumbɔr aagbakpok kan, baa beer naatataa ki nan saa dandana. Ba pu? unii aan ŋmaa bee naatataa see u gaa Kristo ki kii.

UWONBƆR A GBƆNPƆŊ LIKƆƆNL

¹⁴ Amaa bi le laa ye tukangbirdam le, hali nin dinan, ni ye bi karin Moziz a gbann nin ke, likinkenl nmɔn la deg bi num paam le. Laa la degiri. Nan bu-n Masiya a binba bu le li degir.

2 Korenti 3:14 ပူးပေါင်းရင်းမြစ်များ

Ilahn 69:23

Cha ijoon chuu bi mɔmɔk, cha bipuwɔb taa li pɔɔ.

Aisaya 25:7

Nima chee le u ga kpaan nyan mpombiin mu bii ŋitimbol ngbaan mɔmɔk pu na.

Aisaya 44:18

Kina aanib jɔr sakpen kaa ŋmaa beer baah bi ŋani tiwan ni na. Bi ŋumni binimbil, kaa ban ke baalandak ŋun mbamɔn.

Aisaya 56:10

U bui ke, “Israel yaab aakikiirb mɔmɔk ye bijoom la. Ni ye baatuln ke bi sur maanib, le baa nyi nibaa. Bi naahn ibɔja i kaa gbei na la, bi po dɔ geen la, le ki daŋni tidaŋ. Bi gee ngeen jer tiwan mɔmɔk.

Aisaya 59:10

le ti chuun tuul ke bijoom na. Ti chuun nwiin pu le ki gbeer, ke naah ye kinyeek le na, ki naahn ke taah bi kitekpiitiŋ ni le na.

Aisaya 6:10

Le u ki bui mi ke, “Cha binib ngbaan aasui taa li bi nibaa ni, ki cha bitafal kpaa, ki cha binimbil mu jɔb, aan bi taa li waa ki taa ŋun, ki taa bee nibaa. Ni yaa kaa ye kina kan, bi ga kpeln baabimbin ki dii mi aan m tii bi laafee.”

Jeremia 5:21

Li pel man, nimi bijɔrb ni bilatiirb bi kpa ŋinimbil kaa waa na, ki kpa ŋitafal kaa ŋun na.

Esekiel 12:2

“Unibɔn, aa koo binib bi ye bimɔyiib na ponn ni la. Baah ye bimɔyiib na le bi kpa ŋinimbil, ki mu aa waa nibaa; bi kpa ŋitafal, ki mu aa ŋun tibɔr tibaa.

Matiu 13:11

Le u bui bi, “Nimi le Uwumbɔr cha ni bee waanaan aabɔbɔrkaan, kaa cha bima bee.

Matiu 16:17

Le Yesu bui u, “Simonn, Jɔnn aajapɔɔn, Uwumbɔr aanyoor bi aa pu la. Naa ye unibɔn le kpiir kina mɔk si. Nte Uwumbɔr u bi paacham na le kpiir kina mɔk si.

Matiu 6:23

Aanimbil yaa jɔb kan, saabimbin mɔmɔk ga li gbii mbɔmbɔɔn la. Aanimbil li tii si nwiihn na yaa bɔɔn kan, aa bi mbɔmbɔɔn sakpiin ni la.”

Jɔnn 12:40

“Uwumbɔr jɔb binimbil ke bi taa li waa; ki cha bitafal pɔɔ, bi taa bee waaliin aatataa, ki taa fenn dan uwɔb ke u tii bi laafee.”

Jɔnn 12:46

M ye nwiihn le ki dan dulnyaa ni ke m nan woln binib aanimbil, aan unii umɔk gaa mi ki kii na kan, waan ki li bi mbɔmbɔɔn ni.

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

Lituln 13:15

Le unii ubaa karn Uwumbɔr Aagbaŋ ponn ni. U karn Moses ni Uwumbɔr aabɔnabtiib aah nan ŋmee pu na. Waah karn doo na, le mmeen aadiik aaninkpiib tun unii bi chee, ke u ti tuk bi ke bi yaa ban bi tuk binib tibɔr ti ga pɔɔk bitaakpab na kan, bi tuk bi.

Lituln 15:21

Tiyaajatiib yoonn ki di nan saa din, bi tuk binib Moses aakaal ntim mɔmɔk ponn ni. Likpaakool daal mɔmɔk bi po karni Moses aakaal mmeen aadir ni.”

Lituln 16:14

Upii ubaa nan bi nima ki ŋun taah len pu na. Bi nan yin u ke Lidia. U nan ye Tiataira aatiŋ aapii la, ki chuun kooh ŋitanyaan aakeken ŋi kpa kidaak na. U nan ye upii u pak Uwumbɔr na la. Le Tidindaan piir usui ke u pel mbamɔm, ki gaa Pɔɔl aah len pu na.

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Rom Yaab 11:25

Nnaabitiib, m ban ke ni bee tibɔbɔrkaan tibaa, aan ki taa li dak ke ni kpa nlan sakpen. Juu yaab bibaa kpak tibɔnyaan tee la, ki ga kpak ti ki nan saa buyoonn binib bi kaa ye Juu yaab aan Uwumbɔr lee bi na ga ŋmar na.

2 Korenti 3:15

Bi yaa karn Moses aakaal kan, baa beer naatataa ki nan saa dandana.

2 Korenti 3:6

Uma le tii timi mpɔɔn ke ti tuk binib waah puu tipuupɔln ti na. Taa tuk bi ke bi yaa kaa kii Moses aakaal mɔmɔk kan, bi ga kpo. Ti tuk bi ke Uwumbɔr Aafuur Nyaan le ga tii bi limɔfal. Ba pu? Moses aakaal mɔk timi ke ti ŋeer nkun, Uwumbɔr Aafuur Nyaan le tii timi limɔfal.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Efesusi 4:18

Binimbil aa woln. Bitafal aah pɔɔ pu na, le baa nyi Uwumbɔr. Nima le baa kpa limɔfal li Uwumbɔr tii timi na.