2 Korenti 2:9 - Uwumbɔr aagbaŋ

⁹ M nan ban m bee nimi aabimbin aah bi pu na, ke ni ga kii maamɔb mɔmɔk aan naan kii. Nima le cha m nan ŋmee kigbaŋ ngbaan tii nimi.

UWONBƆR A GBƆNPƆŊ LIKƆƆNL

⁹ Ni nan bu le n sɔb ki mag ni njee ni sin chee n mɔb biɛn waa?

2 Korenti 2:9 ပူးပေါင်းရင်းမြစ်များ

Nnyam 16:4

Le Uwumbɔr bui Moses ke, “Dandana wee, m ga cha tijikaar nyan ni paacham ki lir ni kitiŋ, ki tii ni mɔmɔk. Tɔ, binib ngbaan ga ban tijikaar ngbaan iwiin mɔmɔk ki ti ŋeer nwiin mubaa aajim. Nimina le ga cha m bee ke binib ngbaan ga joo maakaal aan baan joo.

2 Korenti 10:6

Ti yaa bee ni ponn ni binib bi ga kii Uwumbɔr aamɔboln na, le ti ga ŋmaa daa binib bi gur kaa kii na aatafal.

2 Korenti 2:3

Nima le cha m nan ŋmee kigbaŋ ngbaan tii ni nimi. Maa ban m dan ki nan li kpa mpombiin ni pu. Ni ye binib bi ba ga ŋmaa ŋa mi mpopiin na la. M nyi nimi aabimbin, ke m yaa kpa mpopiin kan, ni mu ga li kpa mpopiin.

2 Korenti 2:4

Maah nan ŋmee kigbaŋ ngbaan m tii nimi na, nsui nan bii sakpen. M nan wii pam. Maa nan ŋmee kigbaŋ ngbaan ke m tii nimi mpombiin, m nan ban ke ni bee maah gee nimi sakpen pu na la.

2 Korenti 2:8

Nima pu na, m gaŋ nimi, ni cha u sil bee naah gee u pu na.

2 Korenti 8:2

Bi nan kan falaa, ni ntɔŋ, ni igiin sakpen a. Le bi mu nan kpa mpopiin ki ti nyaŋ. Baagiin ponn ni, le bi nan kpa tibulchinn, ki tii Uwumbɔr ipiin sakpen.

2 Korenti 8:24

Ni li mɔk bi ni Yesu aanib mɔmɔk naah gee Uwumbɔr aanib pu na, ki ter bi, ke taah nan pak nimi pu na.

Ikaal 13:3

ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Filipi 2:12

Nima pu na, nnaabitiib bi m gee bi na, maah kaa bi ni chee na, m ban ke ni kii maamɔb ki jer naah nan kii maamɔb buyoonn m nan bi ni chee pu na. Naah ŋmar pu na, ni li tun Uwumbɔr aatuln ke binib bi ŋmar na aah ba ga tun pu na, ki li san Uwumbɔr n‑yoonn mɔmɔk;

Filipi 2:22

Ni nyi Timoti aabimbin aah ŋan pu na, ki nyi ke u tun lituln m chee ke ubo aah tun lituln ute chee pu na, ki ti tuk binib Yesu aabɔnyaan tee.

2 Tesalonika 3:14

Unii ubaa yaa kaa dii taah tuk nimi kigbaŋ kee ponn ni pu na kan, ni daan udaan ngbaan, ki taa kpaan u chee. Nima le ga cha inimɔɔn chuu u.

Filemonn 1:21

M nyi ke aa ga kii maamɔb. Nima le cha m ŋmee kigbaŋ kee m tii si. M nyi ke aa ga ŋa maah len pu na ki jer kina.