2 Korenti 13:1 - Uwumbɔr aagbaŋ

¹ Tɔ, m ga dan nan mann nimi taataa la. Ni yaa galn unii ubaa kan, maan gar nimi, see biseeraadam bilee, bee bitaa len.

UWONBƆR A GBƆNPƆŊ LIKƆƆNL

¹ Ni niɛ le yin kpiɛ maah gɔnn ni nfim mitaa. “Ni kpaa talar le nin tibɔr biɛn li jɔɔ siɛradam bilee bee bita.”

2 Korenti 13:1 ပူးပေါင်းရင်းမြစ်များ

1 Bibɔrb 1:14

Le Natann ki len ke, “Le saah beenin bi len Ubɔr David chee na, m ga koo ni, ki nan bui ke saabɔr ngbaan gbii.”

1 Bibɔrb 21:10

ki ban bibiindam bibaa aan bi nan len unimbil ni ke u puun lii Uwumbɔr ni ubɔr mɔmɔk pu. Ni yaa ŋa kina kan, ni di u nya kitiŋ ngbaan ni, ki ti yur ŋitakpal ku u.”

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

Nkahm 35:30

“Binib yaa pii bilee, bee ki jer kina, ki ye seeraadam ki len mbamɔn ke unikur ngbaan tun taani kan, ni ŋeer bi ku u; unibaan le yaa ye seeraadaan kan, naa ŋeer ke bi ku u.

Matiu 18:16

U yaa yii, kaa kii tii si kan, pɔɔn aabaa ki ban unii ubaa, bee bilee, ki ki buen u chee ki ti kan u, aan binib bilee, bee bitaa ngbaan ŋun tibɔr ngbaan mɔmɔk ki li ye saaseeraadam.

2 Korenti 12:14

Tɔ, dandana wee, m gor ke m dan ni chee taataa. Maan li ban nibaa ni chee. M ban nimi la, naa ye nimi aamombil. Mbim aa kpiini tetiib, tetiib le kpiini mbim. Ni bi ke maabim na la.

Ikaal 17:6

Ni yaa kpa seeraadam bilee, bee ki jer kina, aan bi len ke tibɔr ngbaan gbii kan, ni ku u. Tɔ, ni yaa ye seeraadaan ubaa baanja kan, ni taa ku u.

Ikaal 19:15

“Unibaan aan ŋmaa sil ke u ŋa utunwanbirdaan aaseeraadaan aan ni kii ke waah len pu na ŋeer. Binib bilee, bee bitaa ga ŋmaa ŋa seeraadam, le baah len pu na, ni kii ke utunwanbirdaan ngbaan aabɔr bii.