2 Korenti 12:7 - Uwumbɔr aagbaŋ

⁷ Tɔ, Uwumbɔr aah nan mɔk mi lijinjiir aawan sakpen pu na, waa ban ke m yoor mbaa paacham lijinjiir aawan ngbaan pu. Nima le u cha limukl li nyan ni kinimbɔŋ chee na muk mi. Limukl ngbaan wu mi ke nkokon aah saa tiwon kan, ni wu pu na.

UWONBƆR A GBƆNPƆŊ LIKƆƆNL

⁷ Nan bu wee maa far ligbingbanl ki tan lagirin ye maah nan kan kpiir wɔɔn takpem nbu, le nkunkon man ye Sintani a toom min chɔgim ki paar be n gbanann ni ke nin mugirim wee n laa donn n baa ki tan lagiri.

2 Korenti 12:7 ပူးပေါင်းရင်းမြစ်များ

Mpiin 32:25

Uwumbɔr aatuun ngbaan aah kan ke waa ŋmaa nyaŋ u na, le u nyii Jakob aakpiik, le ki kper.

Mpiin 32:31

Le nwiin aah puu buyoonn na Jakob nyan Peniel ki cha, le ki nan deeni ukpiik pu.

2 Bibɔrb Aabɔr 26:16

Tɔ, Ubɔr Usia aah pɔɔk na, le u gur kpa kipupuk, le ni tur u lii libuul ni. U nan koo Uwumbɔr Aadichal ni ki ti see tulalee aayon, le ki bii Udindaan Uwumbɔr aakaal.

2 Bibɔrb Aabɔr 32:31

le Babiloŋ aaninkpiib aah nan dan ke bi nan baa ki bee budabu tun iwaan aatuln kitiŋ ngbaan pu na, Uwumbɔr di Hesekia lii ke u ŋa ubaa aageehn. U nan ŋa kina ke u tɔŋ u ki lik waabimbin la.

Job Aagbaŋ 2:6

Le Uwumbɔr bui u ke, “Tɔ, m di u ŋa aaŋaal ni, aa mu taa tee ku u.”

Job Aagbaŋ 2:7

Le kinimbɔŋ siir Uwumbɔr chee, ki ti cha ibuun baan baan Job aawon mɔmɔk pu.

Esekiel 28:24

Uwumbɔr nan ki bui ke, “Ŋitimbol ŋi mann goln Israel aatimbol ki nan lik li fam na libaa aan ki li bi ke ikokon na ki ŋa Israel nibaa. Le ŋi ga bee ke min le ye Dindaan Uwumbɔr.”

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Hosea 2:6

Kina pu na, m ga di ikokon le gob u ki maa ligoln kiir waasan.

Nkahm 33:55

Tɔ, ni yaa yii, kaa jenn nyan binib bimɔk bi kitiŋ ngbaan ni na kan, bi gur na ga tii nimi tibɔr pam, ki li bi ke liwanchɔl na le ninimbil ni, ki ki li bi ke ikokon na le ki saar nimi, le ki ga tak nimi.

Matiu 26:67

Le bi teei timɔɔtan ŋa unimbil wɔb, le ki gbaa u. Bibaa mu gbaa u ntapam,

Matiu 4:10

Le Yesu bui ki ke, “Kinimbɔŋ, li cha. Ni ŋmee Uwumbɔr Aagbaŋ ni ke, ‘Li pak Aadindaan Uwumbɔr ki dii uma baanja.’”

Tibɔnyaan ti Luk ŋmee ti na 13:16

Upii wee ye Abraham aayaabil la, le kinimbɔŋ buu u ŋibin kipiik ni ŋiniin le ki ŋa u u boo gui na. Maah chuu buur u likpaakool daal na, naa ŋan aa?”

1 Korenti 4:11

Nkon le joo timi, nnyunyuu mu joo timi, le ki nan saa dandana wee. Ti peeni tiwanchar la. Le binib gbaa timi. Taa kpa taah ga li koo nin chee na.

1 Korenti 5:5

ni di udaan ngbaan ŋa kinimbɔŋ aaŋaal ni, ke ki cha uwon ji falaa dulnyaa wee ponn ni. Nima le waawiin ga ŋmar bundaln Tidindaan ga ji binib tibɔr na.

2 Korenti 10:10

Bibaa len ke m ŋmee tigbann ke mpɔɔndaan na, ke m yaa bi ni chee kan, maa pɔɔ, maaliin aa bi tibɔr tibaa ni.

2 Korenti 10:5

ki nyaŋ binib bi kpa kalmbaani ki dak ke bi kpa nlan ki jer Uwumbɔr na. Ti cha ilandak mɔmɔk kii Kristo aamɔb.

2 Korenti 11:20

Maah len pu na le ye ke unii yaa chuu nimi tinaagbiir, bee u ji nimi aawan, bee u ŋmann nimi, bee u kpa kalmbaani, bee u faa nimi kitapak kan, le ni kpa limɔr u pu.

2 Korenti 12:1

See m puk kipupuk. Ni mu aa kpa tinyoor. M ga tuk nimi Tidindaan aah mɔk mi lijinjiir aawan pu ki kpiir tibɔr ti tuk mi na.

Galantiya 4:13

Idabur nan joo mi. Ni nyi ke idabur ngbaan nan tii mi nsan njan ke m dan nan tuk nimi Yesu aabɔnyaan.

Ikaal 17:20

Nima kan, waan dakl ke u jer Israel yaab biken, ki yii Uwumbɔr aasan. Nima kan, u ga yunn nnaan ngbaan ponn ni, le uyaabitiib ga li joo nnaan ngbaan ki yunn pam.

Ikaal 8:14

ni li nyi ki taa li kpa kigaak, aan ki suln Nidindaan Uwumbɔr u nan nyan ni nimi Ijipt aatiŋ ni, nin chee ni nan ye binaagbiib na bɔr.

1 Timoti 3:6

U taa li ye unii u kaa yunn Uwumbɔr aasan ni na. U yaa ye unii u kaa yunn Uwumbɔr aasan ni na kan, nibaakan, u ga li kpa kigaak, ki kan ntafadaan ke kinimbɔŋ na.

Bibɔjirb 2:3

Nima le m bui nimi ke naah tur koo binib bi ponn ni na, maan jenn nyan bi baatiŋ ni. Bi ga li ye nimi aadim la, le baawaa ga li ye gaawɔb tiib le ni chee.”